نظام الصيام المتقطع الجديد يبدأ من السبت 11 أبريل وينتهي الجمعة

يا الله يا سميع يا بديع يا رفيع يا واسع يا حافظ يا مقيت يا مجيب خلصنا من الوباء، إدعوا جميعاً وفي كل وقت أن يشفي الجميع ويحفظنا من كل سوء، وأن يزول هذا الكرب، في أقرب وقت فالله وحده هو القادر على كل شئ، وقادر أن يبدل في لحظة همنا فرحاً وخوفنا وقلقنا أمناً واطمئنان.

مرحباً بكم متابعينا الكرام، أتمنى تكونوا كلكم بخير، نلقتي بكم مجدداً مع نظام غذائي جديد، كالعادة مساء يوم الجمعة.

قدامنا فرصة دلوقتي أسبوعين قبل رمضان، لو قدرنا إن شاء الله نلتزم فيهم بالمكتوب في الرجيم، هتفرحنا النتائج اللي هنوصل ليها جداً، والعكس طبعاً صحيح، والفرصة الأعظم هي فرصة إتباع رجيم دايت كلينيك، في شهر رمضان المبارك، فرصة عظيمة لمدة 30 يوم، إنك تخرج من الشهر ده شخص تاني تماماً.

أنت دلوقتي بتتصفح نظام دايت كلينيك صيام متقطع 

بالتالي لو وزنك أقل من 90 كيلو فالنظام ده ليك، لكن لو لوزنك أعلى من كده، هيناسبك أكثر الرجيم العادي، الموجود على التطبيق أيضاً.

ببساطة .. هتصوم 16 ساعة وهتاكل كل الأكل المكتوب في نظام اليوم خلال 8 ساعات فقط !!

الموضوع سهل، لكن في البداية ممكن تبقى مش قادر تطبقه، لكن مع الوقت مؤكد هتتعود وترتاح جداً في النظام.

نفترض إنك خدت أول وجبة الساعة 10 الصبح مثلاً، بالتالي هتعد 8 ساعات وتوقف أكل، يعني المفروض الساعة 6 مساءاً تبدأ صيام.

طبعاً الـ 16 ساعة صيام من ضمنهم ساعات النوم .. من (7 : 8) ساعات.

وخلال ساعات الصيام مسموح ليك بشرب

  • الماء
  • الشاي
  • القهوة
  • الأعشاب

بدون سكر.

 

وخلال اليوم مسموح ليك بمعلقة سكر واحدة فقط “سكر أبيض”.

ومن السكر الدايت مسموح ليك بما يعادل في التحلية أربع معالق سكر.

مسموح في اليوم بمعلقة زيت زيتون.

مسموح بمعلقة ملح صغيرة.

 

هدفنا في دايت كلينيك

 

الإلتزام بالرجيم لمدة 100 يوم.

رحلة الـ 100 يوم مع دايت كلينيك، نهايتها خير كبير وفرحة أكيدة.

متابعينا حققوا إنجازات فاقت توقعاتهم بعد إتباعهم للرجيم خلال هذه المدة، ودلوقتي الدور عليكي، تفرحي ونفرح كلنا معاكي بتغيير حياتك للأفضل، ومتنسيش طبعاً تشاركينا بإنجازاتك أول بأول في تقييم لتطبيق دايت كلينيك على متجر جوجل بلاي.

 

طبعاً مش هقولك تصبري 100 يوم معانا علشان تلاقي نتيجة كويسة.

النتيجة هتبان بعد أيام قليلة من إنطلاقك معانا .. أوعدك.

شايفة الرجيم صعب أو سهل، ركزي بس إنك تطبقيه لمدة أسبوع وشوفي هيحصل إيه، وموقفك من الأكل هيبقى عامل إزاي، أسبوع واحد بشرط تكوني ملتزمة بالحرف، هتتغير مقاساتك بشكل كبير، ووزنك هينزل بمعدل جميل.

المهم إنك متلغبطيش حتى في اليوم الفري، اللي ليه قواعد معينة هتلاقوها في نهاية المقال اللي بتقرأيه دلوقتي.

 

مفتاح النجاح

 

مفتاح نجاحك في رجيم الصيام المتقطع، هو شرب الماء بكثرة على مدار اليوم، لازم تحافظي على جسمك رطب.

شرب المياه هيقلل شهيتك.

مش هتبقي جعانه طول الوقت، هتقدر تاكلي المكتوب فقط في الوجبات الثلاثة.

على الأقل تشربي من المياه 2 لتر يعني 8 أكواب في اليوم.

ممارسة الرياضة أيضاً أمر هام جداً

محتاج منك تتحركي في البيت لو على أد المشي، من نصف ساعة إلى ساعة إلا ربع، اللي تقدري عليه.

 

صيام المسلمين

صيام المسلمين مع الصيام المتقطع

دايت كلينيك

هيكون النظام كالآتي:-

  • هتتسحري الساعة 2 مساءاً
  • تفطري بالمكتوب في وجبة الغداء
  • وتتسحري بالمكتوب في وجبة الفطار أو العشاء
  • بين الفطار والسحور .. السناك “الوجبة الخفيفة” في السناك

مش هتخسي

 

مش هتخسي بدواء سحري

ولا بأعشاب جبارة

ولا بوصفة حارقة للدهون

متضحكيش على نفسك، التخلص من الدهون والوزن المثالي لو أمر سهل، بكل تأكيد كنتي مش هتقابلي في حياتك حد بيعاني من السمنة.

محتاجة تطبقي رجيم دايت كلينيك أسبوع ورا التاني ..

محتاجة تصبري، تصبري، و

تصبري ..

ولو وقعتي في يوم، تعوضي اليوم اللي بعده ويعود إلتزامك من جديد.

 

 

نظام اليوم الأول

يمكنك الوصول للنظام من خلال الضغط على كلمة (رجيم يوم السبت)

الموجودة بين القوسين.

 

نظام اليوم الثاني

يمكنك الوصول للنظام من خلال الضغط على كلمة (رجيم يوم الأحد)

الموجودة بين القوسين.

 

نظام اليوم الثالث

يمكنك الوصول للنظام من خلال الضغط على كلمة (رجيم يوم الاثنين)

الموجودة بين القوسين.

 

نظام اليوم الرابع

يمكنك الوصول للنظام من خلال الضغط على كلمة (رجيم يوم الثلاثاء)

الموجودة بين القوسين.

 

نظام اليوم الخامس

يمكنك الوصول للنظام من خلال الضغط على كلمة (رجيم يوم الأربعاء)

الموجودة بين القوسين.

 

نظام اليوم السادس

يمكنك الوصول للنظام من خلال الضغط على كلمة (رجيم يوم الخميس)

الموجودة بين القوسين.

 

نظام اليوم السابع

يمكنك الوصول للنظام من خلال الضغط على كلمة (اليوم الفري في الصيام المتقطع)

الموجودة بين القوسين.