رجيم دكتور أحمد منصور “جديد” يبدأ السبت 19 أكتوبر وينتهي الجمعة 25 أكتوبر

لازم تنسى الماضي وترمي اللي فات ورا ضهرك، لو حققت إنجاز كبير متتغرش إنك قربت توصل، لإن ده ممكن يجيب نتيجة سلبية معاك ويضعف إرادتك، ولو لسه في أول الطريق وماشي على سطر وسايب سطر، فطول الطريق ممكن يكون سبب في إحباطك، وضعف قوتك.

رجيم صحي

الصح إنك تتعامل مع كل يوم وكأنه تحدي مستقل .. 

تبذل في اليوم ده كل ما بوسعك علشان يمر بأفضل نتيجة ممكنة، متركزش إنك نزلت كيلو واحد فقط، ولا تركز في إن الهدف باقي عليه أد إيه !!، قسم هدفك الكبير لمجموعة أهداف صغيرة.

 

ولو يوم عدى ولو حتى ساعة عدت وأنت مقصر، فدي مش نهاية الدنيا، جدد طموحك ورغبتك وإشحن طاقتك وقوتك، وإبدأ من جديد، مفيش حد نجح في الرجيم من أول مرة، المهم تخليك فاكر شعارنا في دايت كلينيك.

” المهم ألا تستسلم “

 

ممنوع نسخ النظام 

أو سكرين شوت 

وتداوله خارج التطبيق والموقع 

 

الحياة حلوة بالأكل الصحي، وأحلى لما الأكل الصحي يقودك للحصول على الشكل المثالي، وتقدر تلبس براحتك، وتلاقي شكل جميل في كل الهدوم، وتزيد ثقتك بنفسك.

الأمر محتاج شوية معاناة وصبر في البداية، لأنه لو كان سهل، كنا بالفعل مش هنلاقي حوالينا في كل مكان، عشرات الأشخاص في محيطنا بيعانوا من مرض السمنة.

 

قبل ما تبدأ 

وفر في بيتك أهم الأكلات اللي محتاجها في الرجيم، علشان ميبقاش في فرصة تضيع اليوم لسبب تافه، فبكل بساطة لازم يكون عندك أنواع مختلفة من الخضار

ومن الفاكهة نوعين أو ثلاثة، زي التفاح والبرتقال والجوافة والموز

الجبنة القريش مكون أساسي في رجيم دايت كلينيك

البيض المسلوق لازم يكون صديقك في مشوارك للوصول للوزن المثالي ” وعلى فكره مش هيخذلك أبد ” .. إطمن.

الزبادي أول بأول لازم يكون موجود .. والحليب

وتوفر كمان أعشاب زي الشاي الأخضر والقرفة والبردقوش والميرمية، تحاول تشرب منهم على مدار اليوم نوع أو اثنين، وبلاش شرب أعشاب على الريق.

 

تقدر تبدل

ربع رغيف عيش بلدي

بـ واحد توست بني

أو نصف رغيف عيش سن

 

وتقدر كمان تبدل

كوب حليب خالي الدسم بنصف كوب كامل الدسم.

 

المياه

أوقات كتير بيكون دماغك متلغبط بين إحساس الجوع والعطش، فجرب إنك تحافظ على جسمك رطب طول الوقتـ، هتكتشف بعد كده إن النقطة دي كانت سبب نجاحك في الرجيم ..

أقل شئ يومياً تشب 8 أكواب مياه، ودول لو وزعتهم على مدار اليوم:-

  • هترفع معدل حرق جسمك للدهون
  • هتقلل من شهيتك بنسبة كبيرة

 

الرياضة

خصص لنفسك يومياً وقت تمشي فيه حتى لو هتروح تشتري حاجة أو لو هتمشي أو تجري في البيت في مكانك المهم تحرك جسمك، هيفرق معاك في :-

  • شكل جسمك
  • ومعدل نزولك في الوزن

 

الخضار

طبق الخضار أساسي في وجبة الغداء لابد منه علشان يشبعك، ويغذيك بسعرات حرارية قليلة، بسعرات حرارية قليلة بشرط إنك تحضرها بطريقة صحية وأنواع الخضار المسموحة لينا هي من بين:-

  • الكوسة
  • السبانخ
  • البامية
  • الفاصولياء الخضراء
  • الملوخية

 

السلطة 

الناس بتتريق عليك وأنت بتعمل رجيم وبيقولوا إن شكلك مريض وياريتك ما عملت رجيم لإنك بتهمل طبق السلطة

..

علشان كده ضروري يومياً في وجبة الغداء

طبق مكون من

الطماطم والخيار والجزر والخس والبصل وغيرهم زي ما تحب.

 

 

البداية الأفضل

كوب ماء معاه

3 تمرات

أو

معلقة عسل أبيض

 

أفضل شئ تبدأ بيه يومك ..

فلو لسه مش عندك عسل إنزل دلوقتي إشتري برطمان عسل وإتاكد إنه أصلي ” لازم لازم “.

 

 

السكر

أول خطوات نجاح الرجيم والحصول على نتيجة سريعة وأكيدة

بإذن الله ..

هي تقليل كمية السكر المستهلكة على مدار اليوم .. حاول على أد ما تقدر متزودش عن معلقة سكر أبيض واحدة فقط، وباقي المشروبات إشربها بدون سكر.

 

 

الأسبوع الحالي

مطلوب منك توقف أكل قبل النوم بـ 5 ساعات .. ويستثنى من ذلك المرضعات.

هتنام 11 بالليل ..

وجبة العشاء في الحالة دي تكون 6 مساءاً .. وهكذا.

 

متنسيش 

البيض مرة واحدة في اليوم

يعني لو ناوية تتغدي بيض فالفطار والعشاء شوفي إختيار تاني متاح غير البيض

..

وهكذا

 

 

معدل النزول

4 كيلو شهرياً معدل ممتاز ولحد 8 كيلو شهرياً

فلو بتنزل بمعدل كيلو واحد كل أسبوع بلاش توهم نفسك إن عندك مشكلة في الحرق.

 

 

 

الرجيم مناسب من وزن 60 كيلو وحتى 100 كيلو .. لو وزنك أقل تقدر تمشي على:-

 

رجيم دايت كلينيك أقل من 60 كيلو ( هنا )

تثبيت الوزن مع دايت كلينيك (( هنا ))

 

 

لو بترضعي مسموح لك بالفطار خلال الأسبوع الحالي بـ” نصف رغيف عيش ” ولو الفطار شوفان بحليب مسموح بـ 4 معالق كبار شوفان مع كوب اللبن.

و 3 أكواب حليب خالي الدسم على الأقل أو 2 كوب كامل الدسم وثمرة فاكهة إضافية، وسناك من المكسرات

6 حبات لوز

أو

10 حبات فول سوداني.

 

لو وزنك فوق 100 كيلو تطبقي النظام المكتوب بالأسفل كما هو مع الحرص على إن الفطار يومياً يكون بربع رغيف عيش ..

وعند الجوع تقدر تاكل:-

  • خيار
  • أو خس

 

 

نظام اليوم الأول 

الفطار

قطعة جبنة قريش + 2 ثمرة فاكهة

أو

بيضة مسلوقة + 2 ثمرة فاكهة

أو

3 ثمرات فاكهة

 

زي ما اتفقنا لو بترضعي هتضيفي على المكتوب نصف رغيف عيش ولو وزنك فوق 100 كيلو الفطار هيكون بربع رغيف عيش.

 

 

سناك 1

كوب زبادي

أو

كوب لبن رائب

أو

كوب حليب

 

 

الغداء

يمكنك الإختيار بين:-

  • ربع كيلو سمك مشوي
  • ربع فرخة مشوية أو مسلوقة
  • 2 بيضة مسلوقة
  • ربع كيلو لحمة مشوية أو مسلوقة
  • ربع كيلو جبنة قريش
  • ربع كيلو جمبري مشوي أو مسلوق
  • ربع كيلو كفتة مشوية بدون دهون
  • علبة تونة بدون زيت

+ طبق سلطة

+ طبق خضار

 

سناك 2

ثمرة فاكهة

 

العشاء

2 علبة زبادي + 2 ثمرة خيار

 

 

 

عزيزي القارئ ..

عزيزتي القارئة ..

برجاء العلم بأنه قد تم نقل جميع الأنظمة الأسبوعية إلى تطبيق دايت كلينيك، من الآن وصاعداً، ستكون الرجيمات الأسبوعية المتجددة حصرية فقط على التطبيق، يمكنك الوصول للتطبيق من المتجر من خلال الضغط على كلمة (تطبيق دايت كلينيك) الموجودة بين القوسين، والملونة باللون الأحمر.

تأكد أيضاً أنك قمت بتحديث التطبيق.