الرئيسية / استفسارات / رسالة هامة جداً للمشتركين في تحدي #دايت_كلينيك

رسالة هامة جداً للمشتركين في تحدي #دايت_كلينيك

الحمد لله الأسبوع الأول في التحدي قرب ينتهي، وأنا واثق بفضل الله إن كل اللي إلتزم الأيام اللي فاتت، ملاحظ تغير في الوزن والمقاسات، ولسه أكيد القادم أفضل بأمر الله.

طبعاً زي ما إتفقنا في البداية أن أسبوع واحد غير كافي لتحقيق الوزن المثالي، ولكن هيكون بداية لطريق الوصول للرشاقة إن شاء الله، خليكم واثقين إن مع دايت كلينيك النزول في الوزن مسألة وقت مش أكتر وكل اللي محتاجة منكم شوية إلتزام.

طبعاً بعد بكره اليوم الفري اللي هيكون حلقة الوصل بين الأسبوع الأول في التحدي والأسبوع التاني، وأنا هنزل مقال مخصوص عن اللي المفروض يتعمل في اليوم ده، وإيه هي أهمية اليوم الفري في النظام الغذائي.

دلوقتي أنا بطلب منكم طلب، أرجوكم تنفذوه، أنا عايز كل اللي تابع معايا الأسبوع ده، يسيب لي رسالة تفصيلية، بكل اللي حصل طول الأسبوع، هل الأسبوع كان كله إلتزام، ولا كان في تقصير، وهل لاحظتم بعد مرور 5 أيام تغير في المقاسات، أو نوزل في الوزن؟

مشاركتم لي بالمعلومات دي أمر هام جداً، من فضلكم تساعدوني فيه، وتقولولي كل التفاصيل، في الكومنتات قبل بداية التحدي الجديد.

عن د/ أحمد منصور

22 تعليق

  1. انا بالنسبة لي وزني كثير زايد يعني 101 كغ بس حسيت أنوا شوية نقص وزني وأنوا ما تعبني الرجيم خالص ولحظةفرق في المشي والتنفس صار احسن بس كنت اشرب عصير فواكه من المحل يعني مو طبيعي وساعات حبة قاطوا انشاء الله مياثرعليا جاوبوني من فضلكم

  2. غير معروف

    أنا تابعت بالتزام وزني كان 94ك والآن صار 92الحمد لله أنتيجة فرحتني جدا ولاكن حاجة وحدة أني لا أعمل رياضة كل يوم لأني أحس بئرهاق وخمول لا أعرف لمادا وذهبت لدكتور عملت التحليل الدم وألي بأنك عندك شوية فقر الدم وأنا مع الأدوية والحمد لله أرجوا الرد يادكتور وشكرا لك

  3. ام زكريا

    مسالخير دكتور الحمدلله لأسبوع كلو تمام التزمت والحمدلله الفرق واضح كتيررفيقتي شافتني قالت لي انو نحفانه كتير وطبعا فرحانه كتير وكنت البس أكسين لارج صار هلئ إكس لارج وانا صرلي ماشيه عل دايت 22يوم

    • د/ أحمد منصور

      بسم الله ماشاء الله

      الحمد لله رب العالمين إن الكلام كان بفائدة وإن شاء الله يكون القادم أفضل بكثير لحضرتك يارب

  4. دكتور قلتلك وزني 62 بدي نزل شي 3 كيلو ماعم ينزلو معي مع انو نظام اكلي صحي نزلت خلال سنه 10 كيلو مع رياضه بالبيت بس من 3 شهور ماعاد نزلت ليه ياترى

  5. هل في رجيم للحمل

  6. ام زكريا

    بعتذر دكتور بس سؤال انا جسمي كلو الحمدلله عم ينحف بس عندي بطني مترهل كتير خمس ولادات قيصرية عندي بقى عطيني شي من هلئ بلش في مشان يخف بطني وشكرا كتير

  7. انا التزمت بنسبه اكتر من 95%فى كل الايام الا يوم واحد كنت فى زياره عاءليه اليوم كان ماشي صح فى الفطار والغدا بس وقت العشا كنت عندهم فاكلت بالظبط 4 شوك جاتوه صغيرين بسبب اصرارهم زى ما حضرتك عارف عاداتنا وشربت شاى بنص معلقه سكر. والله حاولت بقدر الامكان انى مالخبطش حتى رفضت انى اشرب مياه غازيه وعملولى عصير بسكر خفيف. بس كده باقى الايام تمام. وفى يوم فى الغدا كنت جعانه جدا كلت طبق خضار كبيير بس كان كله مستوى بشويه مايه صغيرين وملح وفلفل وبصله وكان فاصوليا خضرا مع جزرايه متوسطه. وعليهم ملعقه صغيره جدا زيت زيتون. وما اكلتش سلطه فى اليوم ده علشان طبق الخضار مع اللحمه المسلوقه وشبعت جدا..وباقى الايام والوجبات زى ماحضرتك قلت بالظبط…بالنسبه للتغيير بقى انا ما وزنتش نفسي فى الاول لانى كنت فاكره انى مش هلتزم وكنت محبطه انى انزل. انا كان وزنى زايد 15 كيلو عن الوزن المثالى بسبب فتره مرض وعدم حركه وجه بعدها رمضان والمصيف. كان وزنى87 بس بصراحه وشهاده لله. انا حسيت بفرق بعد اول اربع ايام .فى البطن وفى الفخذ وحسيت انى حركتى وجسمى اخف وفى فرق واضح جدا جدافى مقاس اللبس لان عندى حاجات بعرف منها من غير ميزان اما جسمى بيزيد وعلشان كده كملت بحماس اما لقيت الفرق واستبسرت خير..بس هو بس ساعات احساس الهزل هو اللى بيضايقنى. واسفه على الاطاله وجزاك الله عنا كل خير

    • د/ أحمد منصور

      مفيش إطالة ولا حاجة
      بالعكس انا بحب اعرف كل التفاصيل دي
      ومفيش داعي أبدا للشكر ده دوري
      إن شاء الله تفقدي كل وزنك الزائد
      احساس الهزل طبيعي في البداية لأنك بتغيري من عادات أكلك
      وممكن تتغلبي عليه بتناول الخضروات والعسل الأبيض في الصباح
      وممكن في أضيق الأحوال تتناولي التمر
      ولازم طبعا تحافظي على شرب المياه طول اليوم

  8. الحمد لله التزمت بنسبة ٧٠ لأنه مااقدر اكل كل وجبة موجودة في البرنامج ممكن اقلل عن الكميه الموجودة لأنه بسرعه احس بالشبع عندي قولون واذا كثرت اشعر برغبة في الاستفراغ .
    وكذلك لأنه في اطعمه اتضرر منها مثل البيض والخيار بسبب القولون فاستبدلها بغيرها مثل تفاح او اي فاكهة اخرى .

    الحليب ومشتقاته بطلتها لي فترة شهرين يمكن لأنه يزيد عندي من حساسيه الجيوب الانفيه وعوضته صباحا بشرب شاي بدون سكر مع ربع قطعه خبز أسمر مع زيت زيتون وأحيانا بدون زيت زيتون مع قطعه ٣ ملاعق كبيرة من دبس التمر او تمر ٣ حبات من التمر

    الغداء مع نظام الدايت

    العشاء مع النظام غير اني اكل الفاكهة بدون الزبادي .

    الحمد لله في فرق نزلت ٢ كيلو
    لكن اريد المشكله الخطوط البيضاء !
    والترهل ..
    مع اني اعمل رياضه مشي ساعة ونصف يوميا أحيانا أكثر او اقل على حسب .

    مشكور دكتور ومكملة معاكم
    وارجوا الاجابه على استفساراتي..

  9. غير معروف

    ممكن ادخل التحدي. دا. وممكن اعرف. ادخل. ازي. الجروب. لان دورت مش لقياه

  10. السلام. عليكم. ممكن. اشارك معاكم. وممكن. اعرف. ازي. ادخل الجروب. وازي اتواصل مع الدكتور. حاولت كتير بس للاسف مفيش. سايل. بتوصل. ياريت. رد

    • د/ أحمد منصور

      حضرتك أكتبي في بحث الفيسبوك

      دايت كلينيك مع دكتور أحمد منصور

      هتلاقي الجروب

      ولو مش عارفه توصلي بلغيني وأنا هتابع مع حضرتك

  11. السلام عليكم دكتور انا طولي 152ووزني 66 ابغى اشترك في برنامجك اذا ممكن بس مش عارفه الطريقه

  12. انا عايزة أبد ممكن انا وزني 70 وطول 160 بس انا بلعب رياضي نفسي اخس وجسمي يكون منشوق

  13. ايمان سيد

    وزني 104.50
    طولي 162
    العمر 29 سنة
    الوزن المثالي ليا ايه

  14. وزني 104.50
    طولي 162
    العمر 29 سنة
    الوزن المثالي ليا ايه

اترك تعليقاً

لن يتم نشر عنوان بريدك الإلكتروني.