تقرير تحدي دايت كلينيك لنسف الدهون

السلام عليكم ورحمة الله وبركاته، أهلاً بكم معاكم دكتور أحمد منصور ..
يارب أكون قادر بفضل الله أفيدكم بالتطبيق، وياريت تعذروني لو شفتم مني أي تقصير، لكني بحاول والله بكل قوتي وطاقتي إني أرضي كل اللي وثقوا فيا وشرفوني بتحميل التطبيق.

النهاردة اليوم الخامس في التحدي، حابب إنكم تطمنوني عليكم، عاوز أعرف عاملين ايه لحد النهاردة، الأربع أيام اللي فاتوا عدوا على خير؟ ولا كان في تقصير؟

ياريت الكل يشارك بصراحة، بكره سادس يوم والتحدي قرب يخلص وأنا بوعدكم لو كنتم حتى مقصرين الأيام اللي فاتت وإنتبهتوا من النهاردة، الموضوع هيفرق معاكم وهتلاقوا نتيجة تفرحكم أوي بأمر الله، بإلتزامكم في التحديات القادمة.

تنبيهات

  • التحدي القادم هيبدأ يوم 5 نوفمبر ياريت نطلع من التحدي ده بأفضل نتيجة، عشان نوصل للوزن المثالي اللي بتحلمي بيه في اقرب وقت ممكن.
  • الكومنت اللي بتشرفيني وتكتبيه على أي موضوع بيفضل فترة بسيطة على ما يظهر، يعني بعد ما حضرتك تكتبي التعليق، إدخلي على الموضوع بعد شوية، هتلاقي تعليقك وهتلاقي ردي عليه إن شاء الله.
  • لو دخلتي في أي وقت ولقيتي التطبيق مش شغال، إتأكدي إن موبايل حضرتك متوصل بالإنترنت، واقفلي التطبيق، وإفتحيه تاني هتلاقيه إن شاء الله إشتغل.
  • ياريت كمان تدعموني وتدخلوا على متجر جوجل بلاي، وتبحثوا عن تطبيق دايت كلينيك، وتدخلوا تعملوا تقييم حلو، هكون سعيد جداً بكده والله.

مع تحياتي .. دكتور أحمد منصور، معاكم بفضل الله لحد ما توصلوا كلكم للوزن المثالي.

 

لو عندك أنيميا ونفسك تخسي إضغطي (هنا)

لو أنتي بترضعي ونفسك تخسي إضغطي (هنا).

عن د/ أحمد منصور

80 تعليق

  1. غير معروف

    انا مكملة ف التحدي بس مابشربش لبن بصراحةبستبدلة بزبادي

  2. ان شاء الله هنتظم من اول التحدى القادم لعدم ملاحقتى للقديم …شكرا لحضرتك

  3. الحمد لله
    لو سمحت عدد الفكهه كام وحده

  4. ام زكريا

    مسالخير دكتور يعطيك العافيه انا ماشيه عل برنامج القديم لبين ماتكتبلي الجديد الله يجعل كل شي في ميزان حسناتك ولله اسفه كتير بعرف انك مشغول

  5. د/ أحمد منصور

    على حسب الموجود في النظام وممكن تزودي عليها واحدة

  6. د/ أحمد منصور

    إن شاء الله

    تشرفينا يا أستاذة سماح

    العفو

  7. وعليكم السلام ورحمه الله وبركاته
    الحمدالله الايام اللى فاتت كانت كويسه جدا مع انو فى بعض التقصير لكن بفضل الله الوضع بدأ يتغير والملابس أصبحت أوسع مع خفه ونشاط عن الاول ومستمريين أن شاء الله 💪💪 شكرا لحضرتك يادكتور

  8. الحمد لله يا دكتور بس انهارده عملت كيكه للولاد بصراحه أكلت حته وكبيره شويه

  9. د/ أحمد منصور

    بسم الله ما شاء الله

    ربنا يوفقك يارب

  10. الحمد لله تمام بس عدد الفاكهة كام

  11. حضرتك مردتش عليا حتي ارسلت رسالة خاصة استفسار مجليش رد بعزر حضرتك اكيد مشغول ورجاء الرد

  12. د/ أحمد منصور

    مستحملاني كتير يا أم زكريا

    أنا اسف والله

    حاضر هجهزه والله في اقرب وقت وابعته أنا اسف مرة تانية

  13. د/ أحمد منصور

    حصل خير

    رنا يخليهوملك

    إن شاء الله القادم يكون بدون تقصير

  14. السلام عليكم ورحمة الله وبركاته
    وزني 57
    طولي 153
    عمري 39
    الكوليستيرول عالي شوية
    ضغطي واطي
    فيتامين D قليل

  15. انا فقدت 12 كيلو في شهر ونص وثبت 3 شهور وجالي اكتئاب من الدايت فاكلت وزاد وزني 3 كليو بس عايزة اعمل دايت تاني بس عندي ملل من جميع الأنظمة ومش عارفة اعمل ايه. علما أن وزني حاليا 77 و طولي 168وعمري 28وعندي غضروفين

  16. غير معروف

    ربنا يخليك

  17. ام زكريا

    الله يسامحك دكتور مقدرة الظروف ولله عادي لمهم يكون مافي مشكله اني ماشيه عل برنامج القديم الله يوفقك ويقويك

  18. د/ أحمد منصور

    أنا اسف جدا جدا والله

    ممكن حضرتك تكتبي السؤال تاني

  19. د/ أحمد منصور

    اللهم امين يارب

    لأ مفيش مشكلة إطمني

  20. عاوزا اعرف الفرق في للاشتراك الخاص عن هنا ايه الميزات والرسوم وشكرا لحضرتك

  21. لو سمحت النظام لكل الاوزان وانا مش بأشوف تعليقي ولا الرد

  22. عاوزا اعرف الفرق في للاشتراك الخاص عن هنا ايه الميزات والرسوم وشكرا لحضرتك

  23. د/ أحمد منصور

    الفرق إن الاشتراك الخاص بيكون للناس اللي عندها ضعف إرادة
    عايزين حد يزن عليهم كل شوية
    عشان يخسوا ويسمعوا الكلام

    الاشتراك بـ 100 جنيه في الشهر
    والتواصل بيكون عن طريق رسائل الواتساب،

  24. اليوم في الحقيقة كان في بعض التقصير لكن قدرت اتجاوزه الحمد لله انشاء الله مكملة معاكم باقي التحديات💪
    اشكر حضرتك دكتور واتمنالك المزيد من الانجازات

  25. رباب سعد

    لوسمحت كيف ابداء في نظام دايت كلينيك

  26. مهاب عزمي

    أنا معاكوا في التحدي 👍👍👍

  27. تمام ارسل الفلوس اذي؟ عاوزا اشترك

  28. د/ أحمد منصور

    01091875268

    ضيفي الرقم ده عند حضرتك الأول وكمليني على الواتساب

  29. وعليكم السلام دكتور كيف صحتك اناوالحمدلله ملتزمه كل الايام بس كان في يوم الي قولتلك عليه يادكتور غير هيك ماعندي اي تقصير والحمدلله يعني نسبة التزامي 95% وبجوز اكتر وانشالله اكمل كل الاسبوع هيك وانا رح ادخل هلق على التطبيق واعملو تقيييم وانشالله من حسن الى احسن

  30. غير معروف

    انا منتظمه بس انا مبشربش لبن

  31. د/ أحمد منصور

    ليه بس ؟

  32. غير معروف

    انا كنت الايام السابقة ملتزم بس جيت امبارح اكلت سندوتش شاورما صغير من ساعتها وانا مضايقة من نفسي وان شاء الله مكملة شكرا يادكتور علي مجهود حضرتك

  33. د/ أحمد منصور

    مضايقة ليه ؟؟

    هي الشاورما تضايق بردو هههههههههه

    لأ متزعليش نفسك بجد
    الفرصة لسه موجودة

  34. دكتور انا عندي انيميا وكل ما اعمل رجيم بفضل اسبوعين وبعديه ببداء اتعب وما بقدر اعمل حاجه خاللص تنصحني اعمل ايه !!!

  35. غير معروف

    دكتور انا عندي انيميا وكل ما اعمل رجيم بتعب خالص ايه الحل يا دكتور

  36. د/ أحمد منصور

    ادخلي على قسم الأنظمة الغذائية الموجود بالتطبيق، هتلاقي رجيم خاص بمرضى الأنيميا

  37. غير معروف

    تمام 👌 ماشي الحال الحمد لله

  38. شكرا يا دكتور
    💗💗

  39. ام محمد من السعوديه

    السلام عليكم ورحمه الله وبركاته
    انا ام محمد من السعوديه اليوم حملت التطبيق وجدا متحمسه اني اجرب احد الانظمه الموجوده لان وزني زايد واتمنى انزل وزن لاني اعاني من ثبات الوزن للاسف جربت اكثر من نظام انزل من 2 الى 3 كيلو ولا ينزل اكثر من كذا اتمنى تنصحني بنظام مناسب لحالتي .
    يا دكتور انا ما اقدر اكل بيض ودجاج وموز وطماطم وكيوي لاني اعاني من حساسيه اتمنى تنصحني ببدائل لها الله يجزاك خير ويكتب اجرك .
    الله يجزاك .

  40. غير معروف

    انا يتابع معاكم من اسبوعين نزلت 8كيلو مبسوطه اوي وانشالله مكمله مع احلى دكتور ربنا يقويك

  41. بعد اذن حضرتك انا كتبت كذا مرة لحضرتك بس ما في رد وشكرا

  42. مرحبا يادكتور ازيك
    انا اليوم اكلت زبادي على الفطار وبعدين تفاح
    الظهر عملت لي نصف صدر دجاج مسلوق بعدين خليت بي ملح وفلفل اسود وخل وحامض ونشفته على نار هادية
    العشا اكلت زبادي كمان وكلت خس وخيار
    بس لي محستش بقرق وعملت شوية رياضة

  43. الحمدلله انامتابعة وماشية علي النظام وزوجي لاحظ اني خسيت وانافرحانة ومستنيةاليوم السادس عشان اوزن واشوف نزلت اد ايه ومتشكرة اوي لزوقك يادكتور

  44. د/ أحمد منصور

    ياريت تطمنينا بعد ما تتوزني يا استاذة ابتسام

  45. دكتور انا عايزه امشي عنظام ال30 يوم كم يخسس؟ او اكمل في التحدي معاكم لانه بعد شهر عندي مناسبه

  46. د/ أحمد منصور

    كملي معانا في التحدي وان شاء الله توصلي لنتيجة مرضية بعد شهر من الآن

  47. د/ أحمد منصور

    كملي..
    معانا في التحدي وان شاء الله توصلي لنتيجة مرضية بعد شهر من الآن

  48. شو فينا نستبدك الجبن باليوم الخامس

  49. ملتزمة ان شاء الله

  50. عبير عبد الحميد

    ربنا يوفقك ويسعدك يارب

  51. عبير عبد الحميد

    أنا ليه مبشوفش تعليقى ولا بيوصل ليه رد

  52. غير معروف

    السلام عليكم ورحمة الله أنا لآسف معرفتش ابدأ معاكوا بس إن شاء الله ابدأ التحدي القادم

  53. غير معروف

    وعليكم السلام دكتور احمد انا اليوم حملت التطبيق وكتير نفسي اعرف شو هو ريجيم التحدي ياريت الرد ربنا يكرمك يارب وزني ٧٠ وحابه كون ٦٠

  54. هي الدهون الثلاثيه تأثر علي ثبات الوزن ولا عادي
    والفيشار عادي ولا مشكله
    واليوم كان حلو الحمد لله ربنا ييسر واخس نفسي بس اخس 20ك يارب

  55. الحمد لله ملتزمه بس من تاني يوم
    اول يوم مقدرتش عشان ظروف
    ربنا يقدرنا جمعيا يارب

  56. عطر الياسمين

    دكتور انا مشتركه جديده اليوم ده اول يوم ونفسي اعرف شو هو ريجيم ال٤ ايام ونفسي اخس والله

  57. هدى ابراهيم

    مساء الخير يادكتور انا بعت لحضرتك كذه مره انا مريضه كانسر ثدى خلصت الكيمو والاشعاع وحاليان باخد الهرمونى مت ست شهور وجسمى زاد حوالى ١٥ كياو محتاجه مساعده حضرتك

  58. الحمدالله تمام ملتزمه بس رحت زياره واجبروني اكل بوشار فهل هادا الشي بضر وشربت قهوه بدون سكر ورشفة شاي بس علشان كان حلو مشربتوش غير هيك الالتزام مئة بالمئةوالحمدلله

  59. للايف مش بدات التحدي ان شاء الله ابده التحدي القادم

  60. انا اتشجعت جدا منكو ومن الدكتور طبعا ملحقتش التحدي الي فات لاني نزلت الابلكيشن متاخر هبدء ان شاء الله من التحدي الي جاي ربنا يوفقنا جميعا

  61. للاسف مش بدات التحدي ان شاء الله ابده التحدي القادم

  62. د/ أحمد منصور

    اللهم آمين يارب

  63. يسعد مساك يا دكتور الحمدلله ملتزمه معك بالتحدي

  64. السلام عليكم دكتور انا بدي انزل 6 كيلو فقط اي نظام يتبع؟
    منذ سنتين انتبهت نظام غذائي تحت إشراف اخصائية و نزلت 25 كيلو و بقيت محافظة على وزني لغاية من شهرين ابتدا يزيد وزني تدريجيا لحد ما زدت 6 كيلو . و عايزة نزلهم و لكن بنظام خفيف و ليس قاسي..انا آسفة طولت عليك

  65. السلام عليكم ورحمة الله وبركاته
    وزني 57
    طولي 153
    عمري 39
    الكوليستيرول عالي شوية
    ضغطي واطي
    فيتامين D قليل

  66. انا ملتزمة بالتحدي لليوم الثالث وعندي هلق وجبة الغدى طبعا فرق التوقيت

  67. الحمد لله ملتزمة بالدايت والرياضة ومستمرة معاك بالتحدي دكتور وان شاء الله الأسبوع ده ينزل وزني على الميزان لأنه ثابت الأسبوعين الي فاتوا

  68. هبه عبد الحليم

    نزلت 20 كيلو رجيم عايزه احرق اكتر مش عارفه اعمل ايه

  69. السلام عليكم .. دكتور انا عملت رجيم زمان وخسيت بس بعد الزواج والعيال رجع وزني تاني وحابه ابدا ريجيم بس العزيمه منتهيه عندي خالص كل يوم بقول بكره ابدا فحاسه البرنامج ده حيساعدني .. لو سمحت انا عايزه اعرف اي برنامج تكون البداية وشكرا .. ويارب يكون مسخرلي هالبرنامج عشان اضعف

  70. الحمد لله تمام بس امبارح عكيت شويه. عشان كنت باتسحر عشان اصوم بس الحمد لله النهارد تمام بارك الله في حضرتك

  71. غير معروف

    ملتزم ورجيم جميل وفعال

  72. ايمان سيد

    دكتور ينفع استبدال الزبادي بدلا من اللبن

  73. ايمان سيد

    د.احمد منصور ينفع حضرتك ولا لأ

  74. اسما العزازي

    الحمد الله خسيت، ومكمله شكرا لزوقك دكتوو

  75. د/ أحمد منصور

    ممكن بس متعمليش كده دايماً

  76. د/ أحمد منصور

    ممكن بس متعمليش كده دايماً…

  77. غير معروف

    دكتور يوم الاحد حنعمل ايه؟
    شكرا

  78. الحمد لله ماشيه كويس الأيام اللى فاتت بس النهأردة اخدت قطعه شيكولاته

  79. اليوم الخامس من التحدي عدا على خير الحمدالله
    الفطار كان بيضة مسلوقة مع ربع رغيف وكوب شاي والقليل جدا من السكر
    الغدا كان 3 ملاعق من رز مع سمك مشوي بملعقة زيت واحدة والخضار معاها
    العشا كان تفاحة واحدة مع شوية زبادي

  80. غير معروف

    لو سمحتي انا عايزه اخس ٥ كيلو بس مش عارفه من وين ها بلش

اترك تعليقاً

لن يتم نشر عنوان بريدك الإلكتروني.