فاصوليا خضراء دايت

الفاصوليا الخضراء سعراتها أقل من البامية .. علشان كده وجود طبق مطبوخ بطريقة صحية في وجبة الغداء أمر لا بد منه، لإنه هيشبعك ويفيدك بدون ما يأثر سلباً على رجيمك.

 

المقادير

كيلو فاصوليا خضراء متقطع

نص كيلو طماطم .. يضرب في الخلاط ضرباً مبرحاً حتى يستغيث

 

فلفل أسمر

ملح

معلقتين زيت ذرة

بصلة كبيرة

 

طريقة التحضير

 

نغسل الفاصوليا ونسيبها منقوعة في المياه

 

في حلة على النار .. هنضيف الزيت وعليه البصل المفروم ” فرمة متوسطة ” ونقلب لحد ما يدبل على نار هادئة ” يادوب لون البصل يبقى أصفر ”

 

ونبدأ في إضافة الفاصولياء واحدة واحدة .. على نار هادئة.

وبعد ما نضيف الفاصوليا كلها هنفضل نقلب عشر دقايق مثلاً ” نشوحها ”

وبعدين نضيف الملح والفلفل ونقلب.

ونضيف عصير نصف كيلو طماطم.

ونسيبها شوية على نار هادئة.

ولما تنشف نضيف في الحلة كوب ماء. علشان متبقاش تقيلة.

ونسيبها تاني ع النار تستوي .. تقريباً هتحتاج نصف ساعة.

عن د/ أحمد منصور