سبانخ دايت

من صغرنا بنسمع عن فوائد السبانخ، وهي فعلاً غنية بعناصر كتير جداً بيحتاج ليها جسمنا ..

وكمان سعراتها قليلة بالتالي وقت ما تكون متوفرة في السوق ياريت منحرمش نفسنا منها، ويكون في طبق منها محترم في وجبة الغداء ..

 

طريقة التحضير ..

نجهز الأول السبانخ نغسلها كويس ونقطعها

ومعانا عصير طماطم

والبصل المتقطع

والثوم المهروس

 

 

في حلة على النار ..

نضيف معلقة واحدة من زيت الذرة

وننزل عليه بالبصل والثوم ..

ونقلب .. نشوحهم مع الزيت لحد ما يدبل ” من غير ما ياخد لون ”
..

بعد كده ننزل ع البصل بعصير الطماطم ” كوبايتين ”

..

وبعد كده

نضيف الملح والفلفل الأسود ونقلب ونسيبها تغلي على النار ” لمدة عشر دقائق ”

 

بعد كده

هنضيف السبانخ ..

واحدة واحدة في الحلة ..

ونسيبها على النار .. لحد ما تستوي ..

 

 

عن د/ أحمد منصور