رجيم دكتور أحمد منصور “جديد” يبدأ السبت 4 يناير وينتهي الجمعة 10 يناير

الصبر مفتاح الفرج، ومفتاح نجاحك في رجيمنا، رجيم دايت كلينيك غير قاسي إطلاقاً ولا يعتمد على الحرمان، نحن هنا نستهدف إنقاص وزنك، ونساعدك في التخلص من السمنة، بدون أي آثار سلبية، لذلك الأمر يحتاج بعض الصبر.

رجيم صحي

متبدأيش وتركيزك على الميزان وفقط، إفرحي مبدئياً بالخطوة اللي خدتيها والتغير اللي إن شاء الله هتوصلي ليه معانا وهتحسي بيه يوم ورا التاني، ومهم تفهمي إن نزول من كيلو واحد إلى 2 كيلو أسبوعياً، يعتبر معدل أكثر من رائع، وقد يقل معدل النزول مع القرب من الوزن المثالي، وقد يزيد لو في بدايات إلتزامك بالرجيم، لكن علشان تقيمي الرجيم وتأثيره عليكي صح، أولاً تتبعي النظام كما هو مكتوب بدون أي لغبطة وبعد كده تشوف النزول خلال 30 يوم هل هو بين 4 كيلو إلى 8 كيلو أم لا.

والمطمئن في الموضوع إنك حتى لو شايفة إن نزول 4 كيلو قليل في الشهر، فأنا بطمنك إن الرقم اللي أنتي شيفاه قليل ده، هو نزول من وزن الدهون بالتالي سيكون إنعكاسه كبير جداً على مقاسات جسمك، مع العلم أن الأعضاء في دايت كلينيك يحظون بمعدلات نزول ربما لو أول مرة تتابعينا تشوفيها خيالية.

 

مشكلة فصل الشتاء إننا بننسى نشرب مياه، وده طبعاً شئ غلط، لإننا ياما إتكلمنا عن ضرورة شرب الماء أثناء الرجيم، حيث رفع معدل حرق الدهون وكمان إنها بتقلل الشهية.

كمان المشكلة التانية في الشتاء، إننا بنكسل نعمل رياضة، والمشي أساسي ومهم ومطلوب جداً ولو نص ساعة في المنزل كل يوم، هتفرق معانا سواء في شكل الجسم أو معدل نزول الوزن.

طبيعي عند برودة الجو يرتفع معدل الحرق، علشان كده لازم نستغل كل يوم في فصل الشتاء، ونلتزم فيه بالمكتوب في الرجيم قدر الإمكان علشان نلاقي نتائج تفرحنا.

 

لضمان نجاحك في الرجيم

مهم توفير الأكلات اللي تساعدك في مشوار إنقاص الوزن والعكس صحيح، أقصد إنك طالما قررتي تبدأي رجيم، مينفعش تيجي تقولي أنا ضعفت وأكلت حلويات، طب إيه اللي جاب حلويات في بيت واحدة بتعمل رجيم وعايزه تخس.

لازم الحاجات دي تكون عندك:- 

أنواع مختلفة من الخضار مثل:-

  • الطماطم
  • الفلفل
  • الخيار
  • الجزر
  • الخس
  • الملوخية
  • الكوسة
  • الفاصوليا الخضراء
  • البروكلي
  • السبانخ
  • الباذنجان

 

 

نوع أو إثنين من الفاكهة وأفضل الأنواع:-

  • التفاح
  • البرتقال

الزبادي

الحليب

الشوفان

التونة

البيض

الجبنة ويفضل الجبنة القريش

أعشاب تساهم في رفع الحرق مثل:-

  • الشاي الأخضر
  • القرفة
  • الميرمية “المرمرية”

 

كوب الحليب

المكتوب في النظام “حليب خالي الدسم” وتقدري تبدلي كوب خالي الدسم بنصف كوب كامل الدسم

الجبنة القريش

نقدر ناخد بديل للجبنة القريش، أي نوع جبنة بيضاء لايت

في الصورة اللي فوق دي ..

ده حجم القطعة اللي نقصدها.

 

علبة أو كوب الزبادي

ممكن لايت أو عادي، مهم ألا يتعدى الوزن 100 جرام.

 

 

 

الأنظمة الأسبوعية الجديدة جاهزة

.. بالتوفيق للجميع ونلتقي بمشئية الله الجمعة القادمة في تمام التاسعة مساءاً.

 

لو لسه جديدة إبدأي من نظام الأسبوع الحالي، وتابعي معانا أول بأول، ولو وصلتي للنظام خلال الأسبوع، إبدأي من اليوم اللي حملتي فيه تطبيق دايت كلينيك.

ولو لغبطتي في يوم إرميه ورا ضهرك وركزي أن اليوم اللي بعده ولحد آخر الأسبوع يمر بدون أي لغبطة.

 

إختاري ما يناسبك

من بين نظام الصيام المتقطع والنظام العادي

الإثنين فعالين وممتازين جداً ..

لو بتطبقي معانا صيام متقطع على طول ومتعودة عليه، خليكي زي ما أنتي.

 

أما لو لسه أول مرة تعملي رجيم أو حتى معانا من زمان ومستصعبة في الوقت الحالي رجيم الصيام المتقطع، فخليكي في النظام العادي، والأسبوع القادم تطبقي معانا صيام متقطع إن شاء الله.

 

عزيزي القارئ ..

عزيزتي القارئة ..

برجاء العلم بأنه قد تم نقل جميع الأنظمة الأسبوعية إلى تطبيق دايت كلينيك، من الآن وصاعداً، ستكون الرجيمات الأسبوعية المتجددة حصرية فقط على التطبيق، يمكنك الوصول للتطبيق من المتجر من خلال الضغط على كلمة (تطبيق دايت كلينيك) الموجودة بين القوسين، والملونة باللون الأحمر.

تأكد أيضاً أنك قمت بتحديث التطبيق.