مساء الخير معاكم الدكتور أحمد منصور أخصائي التغذية العلاجية، كالعادة مع بداية كل أسبوع جديد بينزل نظام رجيم مختلف، وإن شاء الله الرجيم المرة دي يكون، فعال زي كل مرة، وصحي وآمن بنسبة 100%، ومع إلتزامكم هتلاقوا بأمر الله نتائج مبهرة جداً.

النظام مناسب لأي وزن فوق 65 كيلو، وأنا النهاردة هكــتب لكم نظام أول يومين ( السبت والأحد ) وبكره أو يوم الأحد الصبح إن شاء الله هكتب لكم نظام باقي أيام الأسبوع إن شاء الله.

نظام اليوم الأول 

على الريق كوب ماء + 3 تمرات

أو كوب ماء + معلقة عسل أبيض أو أسود

وجبة الفطار:- 

يمكنك الإختيار من بين

ثمرة بطاطس مسلوقة + بيضة مسلوقة + ربع رغيف عيش + ثمرة خيار

أو اتنين بيضة مسلوقة + نصف رغيف عيش + ثمرة خيار

أو نصف رغيف عيش + تمن كيلو جبنة قريش أو أي جبن خالي الدسم + ثمرة خيار

يمكن إستبدال العيش بـ 2 توست بني أو رغيف واحد سن

بعد وجبة الفطار بساعتين:- 

ثمرة فاكهة واحدة ولمعرفة الفواكه المسموح بها والكميات المناسبة أثناء الدايت إضغطي (هنا).

وجبة الغداء يمكنك الإختيار من بين:- 

ربع فرخة مسلوقة أو مشوية + 5 معالق أرز

أو ربع كيلو كفتة مشوية + نصف رغيف عيش

أو علبة تونة بدون زيت + نصف رغيف عيش

أو 2 بيضة مسلوقة + نصف رغيف عيش

بين وجبة الغداء والعشاء:- 

كوب حمص الشام أو كوب حليب أو كوب سحلب بمعلقة سكر واحدة

وجبة العشاء:- 

علبة زبادي + ثمرة خيار

نظام اليوم الثاني

على الريق معلقتين عسل أبيض مذابين في كوباية مياه دافية

وجبة الفطار، يمكنك الإختيار من بين:- 

5 معالق فول + ثمرة طماطم

2 بيضة مسلوقة + خس + ثمرة طماطم

ربع كيلو جبنة قريش + ثمرة خيار

بعد وجبة الفطار بساعتين:- تناولي كوب حليب خالي الدسم أو نصف كوب من الحليب كامل الدسم

وجبة الغداء

3 معالق أرز + شريحتين لحمة مسلوقة أو مشوية

3 معالق أرز + 2 سمكة مشوية بوزن نصف كيلو أو أقل حسب الرغبة والمتاح والإمكانيات

أو ربع كيلو جبنة  قريش + ربع رعيف عيش

أو علبة تونة بدون زيت + نصف رغيف عيش

وجبة العشاء:- 

تمن كيلو جبنة قريش أو علبة زبادي + ثمرة خيار.

نظام اليوم الثالث

على الريق معلقة عسل أبيض أو أسود معاها كوباية مياه، أو 3 تمرات + كوباية مياه

وجبة الفطار، يمكنك الإختيار من بين:-

2 كوب زبادي + ثمرة خيار

أو

ربع رغيف عيش + 2 بيضة مسلوقة + ثمرة خيار

أو

ربع كيلو جبنة قريش + ربع رغيف عيش + ثمرة خيار

بعد الفطار بساعتين أو تلاته:-

كوب حليب خالي الدسم، أو نصف كوب حليب كامل الدسم

وجبة الغداء، اليوم الثالث

مفيش لحمة ولا بيض ولا فراخ ولا سمك
معلش إستحملوا هو يوم وهيعدي

إتغدوا بكره، طبق سلطة ومعاه طبق خضار
يعني إشربوا طبقين عدس وكلوا معاه طبق سلطة خضراء

أو

طبق فاصوليا ومعاه طبق سلطة

ولو عندك مشروم، إعملي حوالي 150 جرام، وإطبخيهم دايت ومعاه طبق السلطة

ولو مفيش مشروم، مفيش أي مشكلة، الغداء، طبق خضار وطبق سلطة، وللمرة التانية معلش نستحمل بقى، اليوم هيجري ومش هنحس بيه إن شاء الله.

بين الغداء والعشاء

كوب حمص الشام

أو

كوب حليب

أو

كوب سحلب

أو

هوت شوكلت ( متزعلوش بقى إن مفيش لحمة بكره )

وجبة العشاء

تمن كيلو من أي جبنة خالية الدسم ويفضل القريش ومعاها ربع رغيف عيش.

نظام اليوم الرابع والخامس والسادس

على الريق كوب ماء معاه ( 3 تمرات أو معلقة عسل أبيض أو أسود )

وجبة الفطار يمكنك الإختيار من بين:-

4 معالق فول + ربع رغيف عيش + ثمرة طماطم + ثمرة خيار

أو

2 بيضة مسلوقة + ثمرة خيار + ربع رغيف عيش

أو

ربع كيلو جبنة قريش + معلقة زيت زيتون + ربع رغيف عيش

أو

كوب حليب خالي الدسم + 5 معالق بليلة

أو

كوب حليب خالي الدسم + 5 معالق شوفان

بعد الفطار بساعتين:-

كوب حليب خالي الدسم أو نصف كوب كامل الدسم + ثمرة فاكهة

وجبة الغداء خلال اليوم الرابع والخامس والسادس:-

علبة تونة بدون زيت

أو

ربع كيلو جبنة قريش

أو

2 بيضلة مسلوقة

أو

2 سمكة مشوية

أو

ربع كيلو كبدة

أو

شريحتين لحمة مسلوقة أو مشوية

أو

ربع فرخة مسلوقة أو مشوية

أو

ربع كيلو كفنة مشوية

طبعاً مننسساش طبق الخضار زي البامية أو الكوسة أو العدس وكمان طبق السلطة الخضراء، ومفيش أرز ولا عيش ولا مكرونة ( معلش أنا آسف🤣🤣 )

بين وجبة الغداء والعشاء كوباية حمص الشام أو ثمرة فاكهة

وجبة العشاء خلال التلات أيام:- 

ثمرة فاكهة

أو

كوب زبادي 100 جرام تقريباً

اليوم السابع

بالنسبة لليوم الفري ناس كتير ممكن يساعدها تنزل أسرع في الوزن وناس تانية ممكن يكون سبب في ثبات وزنهم أو ممكن يزدو وزنهم كمان، وعلشان تعرفوا إيه اللي يتعمل في اليوم الفري وايه اللي ميتعملش ..

بكل بساطة إدخلي على جوجل، وابحثي عن الجملة دي ( اليوم الفري دايت كلينيك )، وإدخلي على أول موقع هتلاقي كل التفاصيل أنا شارحها.

تنبيهات:- 

لو حسيتي بالجوع في اي وقت من اليوم ( كلي خيار أو خس )

يجب على الأقل شرب 8 أكواب من

الماء يومياً

مسموح بمعلقة سكر واحدة في اليوم

مع وجبة الغداء يجب تناول طبق سلطة خضار و طبق خضار مطبوخ بطريقة صحية مثل العدس

مجموعة من المقالات الهامة

الفواكهة المسموح بها أثناء الدايت والكميات المناسبة:- (هنا)

حل مشكلة ثبات الوزن (هنا)

طريقة تحضير طبق عجة “دايت” يكفي (3 أفراد) .. (هنا)

رجيم المرضعات (هنا)

رجيم مرضى الأنيميا (هنا)

رجيم لمرضى الكوليسترول (هنا)

طريقة عمل شاورما فراخ “دايت” بسهولة (هنا)

طريقة عمل طاجن فاصوليا (هنا)

طريقة عمل شوربة عدس “دايت” (هنا)

مستنيكم في الجروب اللي عملته مخصوص علشان، نشجع بعض فيه، إدخلي على الفيس بوك
إكتبي ” دايت كلينيك مع دكتور أحمد منصور ” هتلاقي الجروب بتاعنا، اعملي طلب إنضمام وهقبله فوراً.