رجيم دكتور أحمد منصور “جديد” يبدأ السبت 5 أكتوبر وينتهي الجمعة 11 أكتوبر

الأهدف المنطقية هي طريقك وسر نجاحك في رجيم دايت كلينيك، وأنت بادئ رجيم هيأ نفسك إنك محتاج تغير نظام أكلك علشان صحتك وشكل جسمك ومتتعبش نفسك، بالتركيز مع الميزان أكثر من اللازم.

ولو أنت جديد، أوعدك بإذن الله إنك مش محتاج أكثر من 3 شهور من الإلتزام علشان تلاقي نتيجة تبهرك.

في دايت كلينيك، بننزل نظام غذائي مساء كل يوم جمعة، كل ما تلتزم أكثر كل ما هيكون معدل نزولك مرضي ليك بشكل كبير.

الرجيم بيساعدك تفقد شهرياً من 4 : 8 كيلو شهرياً، وأنا أفضل إنك خلال الشهر تكون متابع تغير مقاسات جسمك، وتخلي الميزان مرة واحدة شهرياً.

رجيم دايت كلينيك، مفهوش حرمان بالفعل، وخلال فترة نزول وزنك هتلاقي إنك أكلت كل أنواع الأكل وفي نفس الوقت فقدت دهون مش عضلات، وهتقدر بكل سهولة تتعامل معاه كنظام حياة ليك ولأسرتك بدون أي نتائج سلبية لتطبيقه.

نزول الوزن مع دايت كلينيك معتمد فقط على الأكل بالإضافة إلى المشي يومياً على قدر إستطاعتك، نزول الوزن معانا غير معتمد على أي أدوية، وبيضمن لك في الحالة إنك تقدر بالفعل تتعامل معاه كنظام حياة، لإن مش معقول هتقضي عمرك كله تاخد أدوية علشان تفضل محافظ على وزنك.

الموضوع ممكن يكون صعب شوية في البداية لكن مع الوقت، هتلاقي نفسك معدتك إتعودت على نظام الأكل بتاعنا، ومش قادر تلغبط ولا قادر تزود عن المكتوب، بالعكس كمان هتحس إنك مش قادر تأكل كل الأكل اللي مكتوب في نظامنا.

ممنوع نسخ النظام أو ( سكرين شوت ) وتداوله خارج موقع دايت كلينيك 

 

نظام الأسبوع الحالي مشابه لنظام الأسبوع اللي فات .. ولازم تصوم قبل النوم بـ 5 ساعات أو على الأقل 3 ساعات بين آخر وجبة والنوم .. مسموح خلال الفترة دي بشرب الماء والشاي والقهوة والأعشاب بدون سكر تماماً.

ولو أنت جديد إبدأ معانا من نظام الأسبوع الحالي ..

 

تعليمات بخصوص الرجيم

  • معلقة سكر واحدة فقط مسموحة خلال اليوم.
  • شرب الماء ضروري على مدار اليوم.
  • العسل مع الماء في الصباح ضروري تبدأ بيه يومك، وممكن 3 تمرات مع كوب ماء على الريق.

في وجبة الغداء مهم جداً طبق سلطة وطبق خضار أمر ضروري جداً جداً وهتعرف إنهم سر نجاحك في الرجيم بإذن الله.

  • طبق سلطة ( طماطم + خيار + فلفل + جزر .. )
  • طبق خضار ومسموح خلال الأسبوع الحالي بــ ( الكوسة والفاصوليا الخضراء والبامية والملوخية والسبانخ ).

الخضار يتم تحضيره بطريقة صحية مناسبة للرجيم، وهسيب لكم في نهاية المقال طرق تحضير أطباق الخضار بطريقة صحية.

 

  • تقدر تبدل ربع رغيف عيش بلدي بـ ( واحد توست بني ) أو ( نصف رغيف عيش سن )
  • الحليب تقدر تبدل كوب خالي الدسم بنصف كوب كامل الدسم.

لو من النوع اللي خلال الفترة اللي فاتت كنت بتشرب الحليب خالي الدسم، أنصحك الأسبوع ده تشرب كامل الدسم، لكن زي ما اتفقنا نصف كوب فقط.

 

  • حافظ على شرب القرفة بدون سكر، وكذلك الشاي الأخضر، ومن الحاجات الكويسة اللي بترفع معدل الحرق بجانب شرب المياه كتير (( القهوة السادة )).
  • البيض المسلوق تاكل منه مرة واحدة في اليوم يعني إما في الفطار أو الغداء أو العشاء.

 

لو أنت في بداية لرجيم وبتحس بجوع خلال اليوم، كل من:-

  • الخيار
  • أو الخس
  • أو إشرب عصير ليمون بدون سكر

 

 

النظام غير مناسب لمرضى السكر والضغط والحوامل والمرضعات، إلا لو بترضعي وطفلك عمره أكبر من 4 شهور، هتمشي على نفس نظامنا وتحرصي على الآتي:-

 

  1. الفطار دائماً بنصف رغيف عيش
  2. وجبة الغداء خلال الأسبوع يوم بـ ( 3 معالق أرز أو ربع رغيف عيش ) ويوم بدون.
  3. ليكي سناك إضافي من الفاكهة
  4. 2 كوب حليب كامل الدسم أو 3 خالي الدسم يومياً
  5. لو عندك لوز ” خدي 6 حبات ” لو حسيتي بجوع خلال اليوم

 

 

الرجيم مناسب من وزن 60 كيلو وحتى 100 كيلو والأعلى من كده يطبق نفس النظام اللي هنكتبه، مع الحرص على أن يكون الفطار يومياً بربع رغيف عيش ويطبق باقي النظام كما هو ومننساش وقت الجوع ( خيار أو خس ) وشرب الماء بكثرة.

 

رجيم دايت كلينيك أقل من 60 كيلو ( هنا )

تثبيت الوزن مع دايت كلينيك (( هنا ))

 

 

 

عزيزي القارئ ..

عزيزتي القارئة ..

برجاء العلم بأنه قد تم نقل جميع الأنظمة الأسبوعية إلى تطبيق دايت كلينيك، من الآن وصاعداً، ستكون الرجيمات الأسبوعية المتجددة حصرية فقط على التطبيق، يمكنك الوصول للتطبيق من المتجر من خلال الضغط على كلمة (تطبيق دايت كلينيك) الموجودة بين القوسين، والملونة باللون الأحمر.

تأكد أيضاً أنك قمت بتحديث التطبيق.

مواضيع هامة 

سبانخ دايت ( هنا )

كوسة دايت ( هنا )

فاصوليا دايت ( هنا )

بامية دايت ( هنا )

ملوخية دايت ( هنا )

 

شاي رويال بيخسس ولا لأ .. الإجابة ( هنا )

 

تمارين التخلص من بروز البطن ( هنا )

الرجيم والرضاعة .. موضوع هام ( هنا )

 

السعرات الحرارية في الكمثرى (( هنا ))

السعرات الحرارية في التين (( هنا ))

السعرات الحرارية في الكرز (( هنا ))

السعرات الحرارية في السمك المشوي(( هنا ))

السعرات الحرارية في معلقة السكر (( هنا ))

السعرات الحرارية في المانجو (( هنا ))

السعرات الحرارية في البرتقال (( هنا ))

السعرات الحرارية في الموز (( هنا ))

السعرات الحرارية في الجوافة (( هنا ))

 

عن د/ أحمد منصور