رجيم دكتور أحمد منصور ” جديد ” يبدأ من السبت 14 سبتمبر وينتهي الجمعة 20 سبتمبر

السلام عليكم ورحمة الله وبركاته، يارب تكونوا جميعاً طيبين وبخير، قبل الكلام في الرجيم الأسبوعي الجديد، حابب أشكركم على دعمكم حسيت فعلاً إننا أسرة واحدة بعد رد فعلكم الجميل.

طلبت منكم الأسبوع اللي فات تعملوا تقييمات للتطبيق على جوجل بلاي، ومتوقعتش الكم الهائل من الدعم وإني ألقى عشرات المتابعين عاملين تقييم 5 نجوم وقايلين تجاربهم المحفزة علشان يشجعوا غيرهم على تحميل التطبيق.

ياريت الأسبوع ده كمان نشوف عدد كبير يقيم، والموضوع سهل وبسيط جداً .. هتدخل متجر جوجل بلاي تكتب في البحث دايت كلينيك، وتدخل هتلاقي متاح ليك تقييم التطبيق، أهم شئ متنسوش تتأكدوا إن الـ 5 نجوم لونهم أخضر.

 

 

 

⚠️ ممنوع نسخ النظام وتداوله خارج التطبيق والموقع⚠️

 

 

 

ياللا نبدأ كلام في رجيمنا الجديد .. وفي آخر المقال حل بسيط وعملي وفعال لمشكلة بروز البطن .. 

أرجو قراءة الرجيم والنصائح بتركيز شديد .. فضي نفسك 10 دقائق أو ربع ساعة وهتلاقي نفسك بإذن الله لميت كل التفاصيل.

 

 

شرب الماء أساسي، وأساسي لنجاحك في الرجيم ولصحتك قبل أي شئ، إتأكد إنك يومياً بتشرب 8 أكواب.

 

متجيش بقى تشرب مياه كتير وتقوم مزود في كمية الملح اللي بتاخدها مع الأكل على مدار اليوم فتقوم حابس المياه دي، وترجع تشتكي إن وزنك ثابت.

وبرضو مش معنى إنك تمنع الملح خالص .. لأ طبعاً ليك كل يوم معلقة شاي ممسوحة ” معلقة صغيرة ” مش مليانه للآخر.

 

كل ما وزنك يقل معدل الحرق بيقل وبيبدأ الوزن ينزل بصعوبة عن ما كنت في بداية الرجيم، وده دور الرياضة اللي هتحافظ في الوقت ده على معدل حرقك مرتفع وتساعدك تنزل بمعدل يرضيك في الوزن .. ع الأقل خالص إمشي كل يوم نصف ساعة.

 

اليوم الفري لو في بالك إنه فري طوال الـ 24 ساعة والأكل بدون حساب، يبقى مؤكد هتعاني طوال فترة الرجيم من ثبات في الوزن، لإنك كل يوم جمعة ليك وجبة واحدة فري وقطعة حلويات واحدة، أكتر من كده يبقى بنهزر، الفري اللي في بالك ده ممكن يبقى مرة واحدة شهرياً بعد نزول مثلاً أكثر من 6 كيلو .. تقدر في الوقت ده تكافئ نفسك بيه، إنما هتخس كيلو ونص وتاكل في الفري زيادة عن اللزوم .. يبقى كده كأنك معملتش حاجة.

 

مسموح ليك في اليوم معلقة سكر واحدة .. ومتزودش عن كده حااااول.

لو لسه أول مرة تعمل رجيم مسموح ليك 3 معالق سكر.

 

طبق السلطة ضروري جداً في وجبة الغداء، لو مش هتهتم بيه يفضل متبدأش رجيم كل يوم في وجبة الغداء إعمل تشكيله حلوة هتغذيك وتشبعك وتحافظ على جلدك ونضارة بشرتك بسعرات حرارية منخفضة.

 

 

 

وكمان طبق الخضار لازم تحبه، صدقوني حرصكم عليه هو مفتاح نجاحكم في الرجيم.

 

  

 

 

 

مسموح خلال الأسبوع الحالي بـ الأنواع التالية:-

  • طبق فاصولياء خضراء
  • طبق بامية
  • طبق سبانخ
  • طبق ملوخية
  • طبق كوسة

 

 

يومياً مسموح ليك بمعلقة زيت ” زيتون أو ذرة ”

تحضر بيها الخضار أو تضيفها على الجبنة أو تعمل بيها الكبدة أو تقلي بيها البيض، المهم إن خلال اليوم متزودش عن معلقة.

 

 

الرجيم مش للناس اللي معاها فلوس بس، لأ طبعاً .. وفر الجبنة القريش و الخضار والبيض والرجيم هينجح مش شرط كل يوم لحمة وفراخ.

 

البيض في اليوم يتاخد في وجبة واحدة فطار أو غداء أو عشاء.

 

ممكن في وجبة الغداء تاخد ثمرة باذنجان ” مشوية ” بدل طبق الخضار والحل ده مينفعش بشكل يومي.

 

 

في وجبة الغداء أو الفطار تقدر تبدل الـ 3 معالق أرز بثمرة بطاطس مسلوقة

 

 

 

 

كوب الحليب المكتوب في النظام ” حليب خالي الدسم ” وتقدر تبدل الكوب خالي الدسم بــــ نصف كوب كامل الدسم.

 

إبدأ يومك بمشروب الطاقة عسل مع المياه

معلقة عسل مع كوب ماء دافئ أو من الحنفية .. العسل دايب في المياه أو كل حاجة لوحدها عادي وممكن خلال يومين في الأسبوع تستبدل العسل بـ 3 تمرات.

ممكن تضيف الليمون على المشروب ده لو مفيش عندك ما يمنعك صحياً.

 

 

 

للحكم على معدل النزول بشكل صحيح، شوف نفسك نزلت كام كيلو في الشهر، سواء بتنزل في الأسبوع ربع كيلو أو عشرة كيلو، متركزش في المعدل ده، شوف بتنزل كام في الشهر، لو أكثر من 4 كيلو فأنت تمام جداً .. مع العلم أن رجيم دايت كلينيك يسمح لك بمعدل نزول شهري من 4 إلى 8 كيلو.

 

وميبقاش الميزان وقت أو قبل أو بعد الدورة الشهرية مباشرة ومش بعد اليوم الفري، الميزان صباح كل يوم خميس أو جمعة.

 

حسيت بالجوع .. إشرب قرفة

حسيت بالجوع كل خيار أو خس

 

الشاي الأخضر مهم طوال فترة إتباعك للرجيم لجمال بشرتك والحفاظ على نضارتها ولإنه مشروب قوي في رفع معدل الحرق.

 

عزيزي القارئ، عزيزتي القارئة 

تم نقل جميع الأنظمة الغذائية لتصبح حصرية فقط على تطبيق دايت كلينيك، تأكد أنك قومت بتحميل التطبيق، من متجر جوجل بلاي، وتأكد أيضاً من أنك تمتلك أحدث إصدار.

يمكنك الوصول للتطبيق من خلال الضغط على كلمة ( تطبيق دايت كلينيك ) الملونة باللون الأحمر والموجودة بين القوسين.

عن د/ أحمد منصور