رجيم الصيام المتقطع مع الدكتور أحمد منصور
دايت الصيام المتقطع الجديد للدكتور أحمد منصور

نظام الصيام المتقطع الجديد لوزن أقل من التسعين مع الدكتور أحمد منصور

مرحباً بكم من جديد، ونظام فعال وبسيط وسهل التطبيق، مع دايت كلينيك، أنت بتقرأ دلوقتي نظام الصيام المتقطع، وده مناسب ليك في حالة إن وزنك أقل من 90 كيلو، لو أعلى من كده تقدر تطبق معانا رجيمنا العادي، الموجود على التطبيق والموقع والمتجدد أسبوعياً.

ببساطة بنصوم 16 ساعة وبيكون مسموح لينا بتناول الأكل خلال 8 ساعات فقط في اليوم، ساعات الصيام من ضمنهم ساعات النوم، ومسموح خلال الفترة دي بشرب الماء والشاي والقهوة والأعشاب بدون سكر.

الساعات اللي بناخد فيها وجباتنا، وليكن من 10 الصبح لـ 6 المغرب، أو من 2 الظهر إلى 10 مساءاً وهكذا، مسموح لينا فيها بـ “معلقة واحدة فقط سكر”، وبنقسم الوجبات المكتوبة في جدول الأكل، خلال الفترة دي.

لو إفترضنا إن وزنك أقل من 90 كيلو ..

وفي نفس الوقت مش قادر لأي سبب تصوم الـ 16 ساعة، في حلين للموضوع ده، لإما تصوم عدد أقل لو تقدر وليكن 14 ساعة أو حتى 12 ساعة، وواحدة واحدة تقدر توصل لعدد ساعات أكبر، أو الحل التاني الأبسط والفعال أيضاً وهتخسر بيه وزن بشكل ممتاز جداً، وهو إنك تقسم وجباتك المكتوبة هنا في الرجيم على مدار اليوم بدون دمجها مع الصيام المتقطع.

مش على طول بيكون الرجيم صعب أو سهل، دائماً بنحرص أن يكون في تنوع ولو من وجهة نظرك بسيط، لكن الهدف منه هو الحفاظ على معدلات نزولك الأسبوعية، بالشكل اللي يكون مرضي ليك، وبصحة وأمان بإذن الله ووقت قياسي.

يوم الجمعة عندنا وجبة مفتوحة، حتى لو مطبق صيام متقطع هتكون وجبة الغداء، ولكن فري الجمعة هيكون بدون حلويات، يعني عندنا وجبة نآكل فيها براحتنا، لكن بدون حلويات، بالنسبة لوجبة الفطار والعشاء، فهيكونوا دايت، زي بالظبط أي يوم رجيم خلال الأسبوع.

كده معانا نظام يوم الجمعة، جدول الأكل طول الأسبوع ثابت، من السبت للخميس ..

أتمنى لو أول مرة تتابع معانا، ياريت ياريت، تلتزم الأسبوع ده، صدقني إن شاء الله هتنبهر في النهاية، ومش هتصدق إن دي نتيجة إلتزام بعد أسبوع واحد فقط، ولازم شرب المياه على مدار اليوم، وبالتحديد قبل كل وجبة، وطبق سلطة يومياً ده شئ لا غنى عنه، يكون فيه أصناف الخضار اللي عندنا من طماطم، خيار، جزر، خس، فلفل، .. وغيره.

 

نظام الست أيام الأولى 

من السبت 3 أكتوبر حتى الخميس

 

فطار بدون نشويات وكذلك العشاء، أما الغداء فهيكون يومياً فيه نشويات، وهنقول مرة كمان، لو قدرت تاخد الوجبات خلال 8 ساعات فقط في اليوم “تمام”، مش قادر مفيش أي مشكلة تقسم وجباتك على مدار اليوم، في الحالتين هتخس بإذن الله “لا تقلق”.

من أفضل الحاجات اللي ممكن نبدأ بيها يومنا هي التمر، هناخد 3 تمرات مع كوب ماء.

اختيارات الفطار على مدار الأسبوع

  • 2 بيضة مسلوقة + خيار أو خس
  • 2 بيضة مقلية بزيت زيتون + ثمرة طماطم + خيار أو خس
  • 2 قطعة جبنة قريش + خيار أو خس
  • كوب حليب + بيضة مسلوقة
  • علبة زبادي + بيضة مسلوقة + خيار أو خس
  • 3 معالق فول + بيضة مسلوقة + ثمرة طماطم + خيار أو خس
  • جبنة بيضاء لايت (ثمن كيلو) 125 جرام + خيار أو خس
  • بيضة مسلوقة + 3 معالق فول + 2 معلقة جبنة بيضاء لايت + خيار أو خس

 

اختيارات العشاء على مدار الأسبوع

  • علبة تونة بدون زيت
  • 2 علبة زبادي صغيرة ويفضل لايت
  • كوب لبن رائب
  • بيضة مسلوقة + خيار أو خس

 

اختيارات الغداء أول 6 أيام

  • نصف كيلو سمك مشوي
  • 6 معالق كبيرة لوبيا
  • 6 معالق كبيرة فاصوليا بيضاء
  • طبق عدس دايت
  • ربع كيلو جمبري مشوي أو مسلوق
  • ربع كيلو كفتة مشوية بدون دهون
  • ربع فرخة مشوية أو مسلوقة
  • ربع أرنب مشوي أو مسلوق
  • كوب بسلة مع 150 جرام لحمة مفرومة أو مسلوقة
  • 2 بيضة مسلوقة
  • بيضة مسلوقة + قطعة جبنة قريش
  • 200 جرام لحمة مسلوقة أو مشوية

دي اختيارات وجبة الغداء

معاها ثابت من السبت للخميس

3 معالق أرز أو 4 معالق مكرونة أو ربع رغيف عيش بلدي أو حبة بطاطس مسلوقة.

 

ثابت معانا كل يوم خلال الأسبوع الحالي، لإما طبق سلطة لإما طبق خضار محضر بطريقة صحية من أحد الخيارات الآتية:-

  • ملوخية
  • كوسة
  • بامية
  • فاصوليا خضراء
  • بروكلي

أو ثمرة باذنجان مشوية

 

الوجبات الخفيفة، لو قدرت تعدي اليوم بدونها “تمام” مقدرتش متاح ليك خيار واحد من الآتي:-

  • 6 حبات لوز ني
  • 10 حبات فول سوداني
  • ثمرة فاكهة
  • كوب حليب خالي الدسم
  • نصف كوب حليب كامل الدسم

 

مثال ليوم في الأسبوع

البداية 3 تمرات مع كوب ماء وليكن 12 ظهراً.

الفطار 12 ونصف، عبارة عن 3 معالق فول + بيضة مسلوقة + معلقة جبنة بيضاء لايت + طبق سلطة صغير

الغداء 4 عصراً، نصف كيلو سمك مشوي + 3 معالق أرز + طبق سلطة كبير

أو مكرونة بالتونة 4 معالق مكرونة مع علبة التونة مع طبق سلطة

أو شاروما لحمة دايت + ربع رغيف عيش + ثمرة باذنجان مشوية

أو ربع فرخة مسلوقة + 3 معالق أرز + طبق ملوخية

وجبة خفيفة 6 مساءاً ( 6 حبات لوز )

العشاء 8 مساءاً كوب لبن رائب.

 

وبكده يكون إنتهى نظام الأسبوع الحالي صيام متقطع، أتمنى لو كنت لحد دلوقتي مقيمتش تطبيقنا، تروح جوجل بلاي دلوقتي، وتدعمنا بخمس نجوم، علشان ده بيشجعني جداً، أواصل في تقديم المحتوى بالشكل اللي يرضيكم.