طريقة تحضير وجبة غداء دايت إقتصادية بالباذنجان والجبنة القريش

الجبنة القريش مهمة جداً خلال فترة الرجيم، علشان قيمتها الغذائية المناسبة لنزول الوزن بشكل صحي، ومن الأطعمة المنخفضة السعر، فنقدر كلنا نشتريها، ونستفيد من فوائدها العظيمة، هنتكلم عن وصفة النهاردة من الجبنة القريش مع الباذنجان والأكلة دي تنفع جداً تكون وجبة غداء، ناقصها بس طبق السلطة الجميل.

المقادير

  1. 2 حبة باذنجان
  2. 3 ملاعق زيت زيتون
  3. عصير ليمون
  4. ملح
  5. فلفل أسمر
  6. رأس ثوم “بالقشر بتاعها”
  7. قطعة جبنة قريش

 

خطوات التحضير

 

  • نشوي الباذنجان في الفرن
  • نشوي رأس الثوم ( نضع على رأس الثوم زيت زيتون ونلفها بفويل وتدخل الفرن مع الباذنجان للشوي )
  • بعد الشوي .. نقشر الباذنجان ونشيل قشرة رأس الثوم
  • نضع الباذنجان والثوم في الخلاط ونخلط مع الليمون والفلفل والملح
  • نضيف قطعة الجبنة القريش “مهروسة” ونضرب تاني في الخلاط إلى أن ينعم الخليط.