رجيم عيد الفطر
رجيم عيد الفطر

رجيم أسبوع العيد مع دايت كلينيك

كل عام وأنتم بخير، بمناسبة عيد الفطر، وربنا يجعل كل أيامكم فرح وسعادة، نلتقي معاً مجدداً كالعادة وفي أي ظرف رمضان أو عيد، كما هو الحال منذ عامين، نواصل لنساعد كل من يثق بنا لتحقيق هدفه.

والحمد لله ربنا بيكرمني بقصص نجاح تفرح حقيقي ومبهرة يومياً، أنا عارف غني مقصر معاكم في التواصل، غصب عني لإنشغالي، لكن اللي يحب يضيف قصة نجاح، ممكن يكتبها في تقييم لتطبيق دايت كلينيك على متجر جوجل بلاي.

 

قصص نجاح مع رجيم دايت كلينيك
قصص نجاح مع دايت كلينيك دكتور أحمد منصور

 

كل المطلوب منك إنك تلتزم بالمكتوب، ويكون عندك شئ من الصبر، علشان تعطي لنفسك الفرصة إنك تتخلص من الدهون الزائدة، اللي تراكمت خلال سنين.

ساعد نفسك إنك تطبق رجيم دايت كلينيك لمدة 100 يوم، هتلاقي يوم صعب وأسبوع سهل ومرة في فري ومرة تانية لأ، المهم تثق فيما نقدم، وصدقني ربنا هيكرمك بقصة نجاح وبالجسم المثالي والوزن اللي نفسك توصل ليه.

 

رجيم عيد الفطر

رجيم العيد
رجيم دايت كلينيك عيد الفطر

العيد 3 أيام، اليوم الأول واليوم الثاني هيكونوا فري، اليوم الثالث هيكون رجيم عادي، وهكذا حتى نهاية الأسبوع ويوم الجمعة هيكون يوم رجيم عادي مش فري.

أتمنى متبقيش قلقانه من فكرة يومين فري ورا بعض، وأتمنى متوزنيش كل تلات ساعات مع الأكل الكتير وتوزني بعد يومين فري، وتبقي زعلانه إن وزنك زاد مثلاً.

العيد فرحة مش كده ولا إيه، وإذا كان الأكل جزء من فرحتنا، وشئ لابد من حدوثه في لمتنا مع بعض، فخلاص نتوكل على الله ونآكل، بس زي ما هيكون في ضمير في اللغبطة أول يومين ياريت نركز بعد كده ولمدة 4 أيام، حتى نهاية الأسبوع.

اليومين الفري، مش بس عشان مزاجكم يبقى حلو، وفي المقابل مش هنستفيد، لأ طبعاً هنستفيد بتنشيط الحرق في جسمنا، يعني تغيير النظام من وقت للتاني بالشكل ده مطلوب، علشان نرفع كفاءة الجسم مرة أخرى للحرق.

فياريت نستمتع ومنعقدهاش

 

نظام العيد (الأكل والحلويات)

 

حلويات العيد اليوم الأول .. مسموح بـ 8 قطع براحتنا ولو حابة تقللي عن كده مفيش مشكلة.

8 قطع اليوم الأول، وليكن 2 بسكوت 2 كحك 2 غريبة 2 بيتي فور.

ولو ملكيش في النوع ده من الحلويات، خدي من الحلويات الشرقية زي الكنافة والجلاش، قطعتين القطعة بحجم كف اليد.

حلويات العيد اليوم الثاني .. مسموح بـ 4 قطع براحتنا ولو حابة تقللي عن كده مفيش مشكة.

4 قطع في اليوم الثاني وليكن 1 بسكوت، 1 كحك، 1 غريبة، و1 بيتي فور.

سامعك ياللي بتقولي، مش عندي غير كحك وبسكوت، هآكل غريبة إزاي، طبيعي كده هتآكلي مثلاً اتنين واتنين.

أو في اليوم الثاني، مسموح بقطعة حلويات واحدة بحجم كف اليد.

 

نظام الأكل أول يوم العيد الأحد

وجبة واحدة مفتوحة طبعاً هتكون في فترة النهار.

وجبة مفتوحة بدون قيود، المهم تكون وجبة واحدة هنآكل فيها براحتنا.

الوجبة دي هتكون في الفطار زي ما أغلبنا بيعمل، أو عادي تكون في ميعاد وجبة الغداء.

في الحالتين وجبة العشاء هتكون علبة زبادي + ثمرة فاكهة أو كوب لبن رائب + ثمرة فاكهة.

كده في وجبة مفتوحة ووجبة العشاء، الوجبة الباقية هتكون 2 ثمرة فاكهة.

نفتكر طبق السطة بكره مع الوجبة المفتوحة، علشان المناعة.

 

نظام الأكل ثاني يوم العيد الاثنين

هيكون نفس نظام اليوم الأول بمعنى عندنا وجبة واحدة مفتوحة، اللي هتكون في الغالب بواقي أكل اليوم الأول، لكن كمية الحلويات المسموحة زي ما اتفقنا هتكون النص.

مفيش داعي للقلق، معدل نزولنا هيفضل جميل وزي الفل زي ماهو.

هنآكل ونتبسط ونخس كمان.

 

نظام الأكل ثالث يوم العيد

الثلاثاء

نســــــــــــــــــــــــــــــــف دهـــــــــــــــــــــــــــــــــون

 

الفطار

يمكنك الإختيار من بين:-

  • 2 علبة زبادي + ثمرة خيار
  • كوب حليب + بيضة مسلوقة + ثمرة خيار
  • قطعة جبنة قريش + بيضة مسلوقة + ثمرة خيار

 

وجبة خفيفة (سناك1)

ثمرة فاكهة

 

الغداء

يمكنك الإختيار من بين:-

  • ربع فرخة مشوية أو مسلوقة
  • ربع أرنب مشوي أو مسلوق
  • 2 قطعة لحمة مسلوقة
  • ربع كيلو كفتة مشوية بدون دهون
  • ربع كيلو سمك مشوي
  • علبة تونة بدون زيت
  • 6 معالق لوبيا
  • 6 معالق بسلة

 

+ 3 معالق أرز أو 4 معالق مكرونة أو ربع رغيف عيش بلدي

+ طبق خضار مطبوخ بطريقة صحية (سبانخ، ملوخية، كوسة، أو بامية)

أو بدلاً من طبق الخضار ( طبق سلطة كبير).

 

وجبة خفيفة (سناك2)

 

كوب عصير ليمون بسكر دايت

أو

كوب شاي أخضر بدون سكر.

 

العشاء

علبة زبادي

أو

كوب حليب خالي الدسم

أو

كوب إلا ربع حليب كامل الدسم.

أو

كوب لبن رائب

 

بالضغط على كلمة (جدول الأكل بعد العيد) الموجودة بين القوسين، تذهب فوراً لنظام الرجيم، أيام الأربعاء والخميس والجمعة، دمتم بخير، ولا تنسوني من صالح دعائكم.