السعرات الحرارية في الفلافل
السعرات الحرارية في قرص الطعمية الواحد

السعرات الحرارية في قرص الطعمية الواحد وطريقة تحضيرها في الفرن

مرحباً بكم من جديد، متابعي دايت كلينيك الكرام، في موضوع جديد خفيف وبسيط للرد على سؤال بيوصلني بشكل كبير، وهو بخصوص الطعمية أو الفلافل، وهل هي متاحة لينا في الرجيم ولا لأ، وسعراتها الحرارية، وكمان لو في طريقة معينة نحضر بيها الطعمية، بحيث تكون مناسبة للرجيم.

السعرات الحرارية في الطعمية “الفلافل”

السعرات الحرارية في الطعمية "الفلافل"
الطعمية والدايت، ما هي السعرات الحرارية في الفلافل

قرص الطعمية الواحد المقلي طبعاً في الزيت، بتساوي تقريباً 57 سعر حراري، يعني لو أنت هتآكل 5 أو 6 أقراص طعمية، واللي يعتبر عدد مش كبير بالنسبة لناس كتير، فأنت بكده خدت تقريباً حوالي 285 أو 342 سعر حراري، فقط من الطعمية، وهذا الرقم بالمناسبة مقارب لعدد السعرات في حبة البطاطس المسلوقة كبيرة الحجم.

ده بغض النظر عن العيش اللي تقدروا تشوفوا السعرات الحرارية الموجودة فيه بعد وزنه الجديد، من خلال الضغط على كلمة (سعرات العيش البلدي) الموجودة بين القوسين.

الـ 57 سعر حراري الموجودين في قرص طعمية واحد، مقسمين كالآتي:-

  • 3 جرام دهون
  • 5 جرام كابوهيدرات
  • 2.3 جرام بروتين

طريقة عمل الطعمية في الفرن

محتاجين عجينة طعمية، ومعاها معلقة زيت واحدة، وربع كوب ماء، أول حاجة هنسخن الفرن من فوق وتحت على درجة حرارة عالية، ونضع ورقة زبدة في صينية وندهنها بالزيت، وأخيراً نمسح إيدنا بمياه ونشكل العجينة قطع متوسطة الحجم، وندخلها الفرن، لحد ما تحمر.

الطعمية أو الفلافل في الفرن هي أقل في السعرات الحرارية من الفلافل المقلية بالزيت، قد يشعر البعض باختلاف الطعم قليلا بين نوعي الفلافل، لكن هي أفضل من الناحية الصحية وسعراتها منخفضة عن المقلية أيضا.