نظام صيام متقطع سريع المفعول
رجيم جديد صيام متقطع سريع المفعول

نظام صيام متقطع سريع المفعول مع الدكتور أحمد منصور

أبطالنا اللي تحت التسعين كيلو، عاملين إيه، يارب تكونوا بخير وصحة ومحققين نجاحات حلوة وجميلة في الرجيم، مكمل معاكم بفضل الله في تقديم رجيماتنا الأسبوعية، ودعواتكم لينا ربنا يعيننا ونواصل زي ما بدأنا من تلات سنين وأكثر.

زي ما أنتم عارفين نظام الصيام المتقطع بيكون مناسب ليكي في حالة إن وزنك أقل من 90 كيلو، لو أعلى من كده تقدر تتابع معانا الرجيم الأسبوعي، وفي حالة إن وزنك أقل من 90 كيلو، ومش هتقدر تصوم، مفيش أي مشكلة إلتزم بجدول الأكل المكتوب يوم بيوم بدون ساعات صيام، فقط إحرص على أن يكون الفرق بين آخر وجبة والنوم 3 ساعات.

النظام اللي بنتبعه في دايت كلينيك هو نظام 16 / 8، وبنصوم فيه 16 ساعة وبيكون مسموح لينا بتناول الأكل خلال 8 ساعات فقط في اليوم، يعني على سبيل المثال هتآكل يومياً من 4 عصراً حتى 12 منتصف الليل، أو من 12 الظهر حتى 8 مساءاً، أو من 10 صباحاً حتى 6 مساءاً وهكذا، هتختار أي 8 ساعات تاخد فيهم الوجبات المكتوبة في جدول الأكل.

باقي اليوم الـ 16 ساعة، بيكونوا صيام عن الأكل، ومن ضمنهم بكل تأكيد ساعات النوم، ومسموح خلالهم بشرب الماء والشاي والقهوة والأعشاب بدون سكر، وهفكرك تاني لو مش هتقدر تصوم متقلقش أبداً، إلتزم بجدول الأكل بدون ساعات صيام.

 

نظام صيام متقطع سريع المفعول

 

رجيم الأسبوع الحالي 7 أيام بدون يوم فري، بمشيئة الله نظام سهل، وسريع المفعول زي ما إحنا متعودين، ونقدر كلنا كمان نلتزم بيه والنتيجة هتشوفها بنفسك، ومش طالب منك غير دعوة حلوة من قلبك، لما تحقق معانا قصة نجاح جميلة.

أعمل اللي عليك وصدقني نتيجة إلتزامك برجيم دايت كلينيك إن شاء الله مضمونة، وطبعاً أوعى تزعل لو كان معدل نزولك في الشهر قرابة الأربعة كيلو، علشان بشوف تعليقات كتير من ناس معدل نزولها معقول جداً، وبيكونوا زعلانين، رغم إن في فعلاً فرق في المقاسات، واضح ليهم ولكل اللي بيشوفهم.

أفرح إنك ماشي على الطريق الصحيح، وإنك قادر تلتزم بالرجيم، من غير أي آثار جانبية سلبية.

 

نظام اليوم الأول

السبت 10 أكتوبر

 

الفطار

كوب حليب خالي الدسم + 3 معالق شوفان أو بليلة + رشة قرفة

أو

ربع رغيف عيش بلدي + جبنة قريش قطعة واحدة + طبق سلطة

أو

بيضة مسلوقة أو مقلية بزيت زيتون + 3 معالق فول + ربع رغيف عيش بلدي + طبق سلطة صغير

 

سناك (1) 

الوجبة الخفيفة الأولى

 

3 حبات تمر

أو

6 حبات لوز

أو

علبة زبادي صغيرة + ثمرة موز

أو

نصف كوب حليب كامل الدسم

 

الغداء

 

ربع فرخة مشوية أو مسلوقة + 3 معالق أرز أو 4 معالق مكرونة أو ربع رغيف عيش بلدي + طبق سلطة صغير

أو

ربع كيلو سمك مشوي + 3 معالق أرز + طبق سلطة

أو

ربع فرخة مسلوقة + 3 معالق أرز + طبق ملوخية

أو

بيضة مسلوقة + قطعة جبنة قريش + ربع رغيف عيش بلدي

أو

كوب بسلة + 150 جرام لحمة مسلوقة أو مفرومة + 3 معالق أرز

أو

علبة تونة بدون زيت + طبق سلطة + ربع رغيف عيش بلدي

أو

6 معالق فاصوليا بيضاء + 3 معالق أرز + طبق سلطة صغير

أو

200 جرام كفتة مشوية + ربع رغيف عيش بلدي + طبق سلطة صغير

 

سناك (2)

الوجبة الخفيفة الثانية

 

لا يوجد

 

العشاء 

كوب لبن رائب

أو

2 علبة زبادي

 

 

جدول الأكل بداية من اليوم الثاني وحتى اليوم السابع

من يوم الأحد الموافق 11 أكتوبر إلى الجمعة 16 أكتوبر

 

4 وجبات يومية

3 وجبات رئيسية ووجبة واحدة خفيفة

 

نركز وهقول مرة كمان، لو وزنك أقل من التسعين تقدر تمشي على جدول الأكل بدون ساعات صيام طالما مش هتقدر تصوم، ولو قادر تستغنى عن الوجبة الخفيفة مفيش مشكلة ممكن تعتمد فقط على الوجبات الرئيسية، المهم شرب المياه على مدار اليوم، وطبق السلطة أو الخضار يومياً لا غنى عن واحد فيهم.

 

الفطار

يمكنك الإختيار من بين:-

  • 2 بيضة مقلية بزيت زيتون + ثمرة طماطم وجرجير، وثمرة خيار وفلفل أخضر يعني ممكن نعمل شكشوكة دايت نفطر بيها.
  • بيضة واحدة مسلوقة + قطعة جبنة قريش + ثمرة طماطم + ثمرة خيار + جرجير وفلفل أخضر
  • نصف علبة تونة + طبق سلطة صغير
  • 3 معالق فول + بيضة مسلوقة + فلفل أخضر أو ألوان + جرجير + طماطم
  • بيضة أومليت + قطة جبنة قريش + فلفل أخضر وخيار
  • 2 علبة زبادي + معلقة شوفان كبيرة + ثمرة تفاح صغيرة
  • جبنة بيضاء لايت + خس أو خيار .. الجبنة بوزن (125 جرام) ثمن كيلو
  • 2 بيضة مسلوقة + خيار أو خس مع ثمرة طماطم وجرجير
  • كوب حليب + بيضة مسلوقة

 

الغداء

يمكنك الإختيار من بين:-

200 جرام كفتة مشوية بدون دهون + طبق خضار مقطعة شرائح + معلقة كبيرة طحينة + ربع رغيف عيش بلدي أو نصف رغيف عيش سن.

أو

مشروم بالبيض والجبنة ( بنحتاج للوصفة زيت الزيتون والجبنة مع البيض وكوب من الفطر “المشروم” .. “عيش الغراب” + 1 توست بني أو نصف رغيف عيش سن.

أو

ربع فرخة مشوية أو مسلوقة + طبق ملوخية دايت + 6 معالق كبيرة أرز بسمتي أو 6 معالق فريك أو 6 معالق أرز بني أو نصف رغيف عيش سن.

أو

علبة تونة بدون زيت + طبق سلطة كبير + نصف رغيف عيش سن أو ربع رغيف عيش بلدي.

أو

2 بيضة مسلوقة + 3 معالق أرز + طبق سلطة صغير.

أو

نصف كيلو سمك مشوي فيما أقل يعني لو الكيلو 5 سمكات هناخد 2 فقط، ولو 4 سمكات عادي ناخد اتنين أما لو حجم السمكة الواحدة كبير والكيلو 3 سمكات أو اتنين، كده هناخد سمكة واحدة فقط، ومع السمك طبعاً طبق سلطة ومعاه 3 معالق أرز كبيرة مطبوخ بشكل عادي أو 6 معالق أرز مسلوق.

أو

شريحة لحمة بحجم كف اليد + 4 معالق مكرونة + طبق كوسة دايت

أو

جمبري مشوي أو مسلوق ربع كيلو هناخد معاه خضار زي الطماطم والبصل والخيار مقطع شرائح ومعاه نصف رغيف عيش سن أو ربع رغيف عيش بلدي أو 3 معالق أرز.

أو

6 معالق لوبيا + 3 معالق أرز + طبق سلطة.

أو

6 معالق فاصوليا بيضاء + 3 معالق أرز + طبق سلطة.

أو

ربع أرنب مشوي أو مسلوق + طبق ملوخية + ربع رغيف عيش أو 3 معالق أرز بسمتي

 

 

العشاء

العشاء ثابت من يوم الأحد حتى يوم الجمعة.

عبارة عن علبة زبادي فقط بوزن لا يتعدى 100 جرام.

 

الوجبة الخفيفة الوحيدة في اليوم

ممكن تكون ثمرة فاكهة

أو

كوب حليب خالي الدسم

أو

نصف كوب حليب كامل الدسم

أو

6 حبات لوز

أو

3 معالق كبيرة ترمس

 

وزي ما قولنا لو قادر تمشي اليوم بدون وجبة خفيفة مفيش مشكلة، وممكن تمشيها بثمرة خيار بين الوجبات مع المياه طبعاً ده شئ أساسي.

 

من المشروبات الممتازة

الزنجبيل

القرفة

الشاي الأخضر

القهوة السادة قبل 6 مساءاً.

 

النوم بانتظام مطلوب وكذلك التعرض للشمس، ولو نقدر نتمشى شوية كل يوم هيكون شئ ممتاز طبعاً.

 

دمتم بخير أشوفكم الأسبوع الجاي وأنتم كويسين ومحققين نجاح جميل وملتزمين، لا تنسوني من صالح دعائكم.