برنامج الصيام المتقطع للتخسيس السريع وتغيير المقاسات
الصيام المتقطع للتخسيس السريع

الصيام المتقطع للتخسيس السريع بنظام سهل لمدة 7 أيام

مرحباً بكم من جديد، وكالعادة يتجدد لقاؤنا معكم كل أسبوع، بنظام رجيم عادي مناسب لوزن أعلى من 90 كيلو، ونظام تاني “صيام متقطع” مناسب ليك في حالة إن وزنك أقل من الـ 90 كيلو، وده اللي حضرتك بتقرأه دلوقتي.

ممكن المقدمة بالنسبة ليك تكون مكررة، لكن لازم أقولها علشان بيكون في متابعين بينضموا أول بأول، متابعين جداد، ولازم طبعاً يفهموا الدنيا في تطبيق دايت كلينيك، ونظامنا ماشي إزاي.

النظام اللي بنتبعه في دايت كلينيك، هو نظام (16/8)، بنعتمد على صيام 16 ساعة، وبناخد الوجبات المكتوبة عندنا يوم بيوم، خلال 8 ساعات فقط في اليوم، الـ 16 ساعة صيام من ضمنهم ساعات النوم، ومسموح خلالهم بشرب الماء، والشاي والقهوة والأعشاب بدون سكر.

 

الصيام المتقطع للتخسيس السريع

الصيام المتقطع للتخسيس السريع شعار بنرفعه في دايت كلينيك على مدار فترة تصل لتلات سنوات، والحمد لله رب العالمين، بفضل الله وحده، حققنا عشرات الآلاف من الإنجازات.

والنظام مش بس هيخسسك وزنك الزيادة ويخلصك من الدهون المتراكمة بمعدل مرضي ليك وخلاص، لأ كمان لما تجرب بنفسك، هتتأكد بنسبة 100%، أنك هتمشي معانا رحلة التخسيس بدون أي آثار جانبية سلبية.

لما تمشي على جدول الأكل بالظبط، هتخس وتفرح وكل اللي حواليك هياخدوا بالهم من اللي بتحققه في أوقات قياسية، وكمان بدون ترهلات أو دوخة أو صداع أو هبوط.

 

جدول الأكل للرجيم الجديد

 

بقالنا أسبوعين بالظبط بنقدم رجيم سهل جداً جداً، تقريباً النشويات معانا بشكل يومي، وقولنا وبنقول مش دايماً النظام سهل ومش دايماً صعب، كل حاجة بتختلف في نظامنا من أسبوع للتاني تقريباً، لكن اللي ثابت عندنا ومش هيتغير أبداً، هو إننا بنتعب جداً علشان ننول رضاك، وكل هدفنا نعمل اللي علينا علشان نلاقي منك دعوة حلوة من القلب، وبالتالي مهما كان النظام عمره أبداً ما هيكون مضر ليك.

نظام الصيام المتقطع الحالي محتاج أبطال بجد يطبقوه، لكن نتيجته مفرحة جداً جداً، أسبوع واحد تخسيس سريع وتغيير كبير جداً في المقاسات وده مش دعاية وخلاص، لأ أنت هتجرب بنفسك وإلتزم بكل صدق مع نفسك وإرادة حقيقية وهتتأكد من كلامي.

لو وزنك أقل من 90 كيلو، طبق جدول الأكل بدون ساعات صيام، لو مش هتقدر تصوم الـ 16 ساعة، ومفيش داعي للقلق لإن بكل تأكيد هتشوف برضو نتيجة كويسة، لأن الأساس هو الإلتزم بجدول أكل معين، مش ساعات صيام وخلاص.

 

نظام اليوم الأول 

السبت 17 أكتوبر

الفطار

يمكنك الإختيار من بين:-

  • سلطة الذرة بالزبادي ( 2 علبة زبادي صغيرة أو علبة واحدة كبيرة + 2 معلقة كبيرة من الذرة الحلوة + ثمرة خيار )
  • علبة تونة بدون زيت + ثمرة خيار + ثمرة فلفل أخضر + ثمرة طماطم
  • 2 بيضة مسلوقة + خيار أو قتة “قثاء”

 

سناك (1) 

الوجبة الخفيفة الأولى

 

كوز ذرة مشوي

 

الغداء

 

يمكنك الإختيار من بين:-

  • حوالي 350 جرام سمك مشوي، يعني نشوف كيلو السمك كام واحدة، ونقسم على ثلاثة، لو الكيلو ثلاث سمكات هناخد سمكة واحدة، لو أربعة هناخد سمكتين ولو الكيلو سمكتين هناخد سمكة واحدة فقط، مع السمك هناخد باذنجان مشوي (ثمرة واحدة ومعاها طبق سلطة صغير).
  • فراخ “ربع فرخة” مشوية مع طبق سلطة كبير أو ربع فرخة مسلوقة مع طبق ملوخية أو بامية أو كوسة دايت.
  • شكشوكة بالبيض والباذنجان “صينية حلوة” ومشبعة ومغذية طبعاً كلكم ستات بيوت شاطرين وتقدرو تعملوها بكل سهولة، *ومكوناتها الباذنجان والبيض مع البهارات والصلصة والطماطم المبشوره والبقدونس المفروم والكزبرة والثوم.

 

يعني الغداء فراخ أو سمك أو بيض كخيار صحي ومناسب جداً للرجيم وغير مكلف.

 

سناك (2)

الوجبة الخفيفة الثانية

 

ثمرة برتقال

أو

ثمرة جوافة

أو

ثمرة كيوي

أو

ثمرة موز

أو

3 تمرات

 

العشاء

كوب لبن رائب

 

نظام اليوم الثاني

يوم الأحد 18 أكتوبر

 

3 تمرات على الريق مع كوب من الماء

 

بعد كده كوب من الماء قبل وجبة الفطار، ولو هتعمل صيام متقطع، هتبدأ تعد الـ 8 ساعات المسموح فيهم بالأكل من أول تناول التمر.

 

الوجبة الأولى أو وجبة الفطار 

عبارة عن:-

  • كوب حليب + بيضة مسلوقة
  • 5 معالق فول + ثمرة طماطم + خيار أو خس
  • 2 بيضة مسلوقة + خيار أو خس
  • قطعة جبنة قريش + بيضة مسلوقة + خيار أو خس
  • 2 بيضة مقلية بزيت زيتون + جرجير وطماطم + خيار أو خس

 

سناك (1)

الوجبة الخفيفة الأولى

 

ثمرة موز + معلقة زبدة فول سوداني

أو

ثمرة موز + 6 حبات لوز

 

نقدر نبدل الموز بأي ثمرة فاكهة أخرى، جوافة أو تفاح أو برتقال.

 

الغداء

 

يمكنك الإختيار من بين:-

  • ملوخية بالجمبري طبق ملوخية ومعاه 200 جرام جمبري
  • علبة تونة بدون زيت + طبق سلطة صغير
  • علبة سردين بدون زيت + طبق سلطة صغير
  • طبق مشروم بالبيض بنحتاج لتحضيره البيض والفطر “عيش الغراب” كوب واحد مع ثلاث بيضات، ومعلقة زيت زيتون وفص ثوم مهروس وفلفل أسود.
  • ربع كيلو سمك مشوي + طبق سلطة
  • ربع فرخة مشوية + طبق سلطة
  • ربع فرخة مسلوقة + طبق سبانخ أو فاصوليا خضراء
  • كوب بسلة + 150 جرام لحمة مسلوقة

 

سناك (2) 

الوجبة الخفيفة الثانية

 

علبة زبادي

 

العشاء

كوب لبن رائب.

 

نظام اليوم الثالث والرابع 

يوم الاثنين 19 أكتوبر، والثلاثاء 20 أكتوبر

 

الفطار

يمكنك الإختيار من بين:-

  • ربع رغيف عيش بلدي + 4 معالق فول + ثمرة طماطم
  • 1 توست بني + 2 علبة زبادي + خيار أو قتة “قثاء”
  • نصف رغيف عيش سن + بيضة مسلوقة + قطعة جبنة قريش + خيار أو خس
  • حبة بطاطس مسلوقة + بيضة مسلوقة + خيار أو خس أو فلفل أخضر مع ثمرة طماطم
  • 3 معالق شوفان + علبة زبادي + ثمرة فاكهة
  • 3 معالق شوفان + كوب حليب + رشة قرفة وممكن تحليته بمعلقة صغيرة عسل أبيض

 

سناك (1)

الوجبة الخفيفة الأولى

6 حبات لوز ني

أو

ثمرة فاكهة

 

الغداء

يمكنك الإختيار من بين:-

  • ربع فرخة مشوية أو مسلوقة
  • ربع كيلو سمك مشوي
  • 200 جرام لحمة مسلوقة
  • علبة تونة بدون زيت
  • 6 معالق فاصوليا بيضاء
  • طبق عدس
  • 6 معالق لوبيا
  • بيضة مسلوقة + قطعة جبنة قريش

 

+ طبق سلطة كبير

+ 6 معالق أرز أو 8 معالق مكرونة أو نصف رغيف عيش بلدي أو رغيف عيش سن

 

 

سناك (2)

الوجبة الخفيفة الثانية

 

لا يوجد

 

العشاء

2 بيضة مسلوقة

أو

2 علبة زبادي

أو

علبة زبادي + بيضة مسلوقة

 

 

نظام اليوم الخامس والسادس 

يوم الأربعاء والخميس 21 و22 أكتوبر

 

الفطار

يمكنك الإختيار من بين:-

  • 2 بيضة مسلوقة + خيار أو خس
  • كوب حليب + بيضة مسلوقة
  • 125 جرام جبنة بيضاء لايت + خيار أو خس أو قتة “قثاء”
  • بيضة مسلوقة + 2 معلقة فول + ثمرة طماطم + خيار أو خس
  • بيضة مسلوقة + 2 قرص طعمية في الفرن + ثمرة طماطم + خيار أو خس
  • 2 علبة زبادي + خيار أو خس

 

سناك (1)

 

ثمرة فاكهة

 

الغداء

يمكنك الإختيار من بين:-

  • ربع أرنب مشوي أو مسلوق
  • 200 جرام كبدة مشوية
  • 200 جرام لحمة مسلوقة
  • 200 جرا كفتة مشوية
  • ربع كيلو جمبري مشوي أو مسلوق
  • 200 جرام سلامون مشوي
  • علبة تونة بدون زيت
  • ثلث كيلو سمك مشوي
  • علبة سردين بدون زيت
  • طبق مشروم دايت بالبيض
  • بيضة مسلوقة + قطعة جبنة قريش
  • 2 قطعة جبنة قريش

 

+ طبق سلطة كبير

او

طبق خضار محضر بطريقة صحية من أحد الخيارات الآتية:-

  • بروكلي
  • سبانخ
  • ملوخية
  • كوسة
  • بامية

 

سناك (2)

كوب حليب خالي الدسم

أو

نصف كوب حليب كامل الدسم

 

 

العشاء

علبة زبادي

أو

كوب لبن رائب

 

نظام يوم الجمعة 

اليوم السابع 23 أكتوبر

 

يوم الجمعة فري بدون حلويات

الفطار دايت

العشاء دايت

الغداء “وجبة مفتوحة”

 

نتقابل على خير بإذن الله، وأنتم ملتزمين وفرحانين بنتيجة تطبيقكم للرجيم بالصورة الصحيحة، دمتم بخير ولا تنسوني من صالح دعائكم.