تحدي الصيام المتقطع للتخسيس في أسبوع وحرق دهون الجسم
تحدي الصيام المتقطع للتخسيس وحرق دهون الجسم بسهولة

تحدي الصيام المتقطع للتخسيس وحرق دهون الجسم بسهولة

مرحباً بكم من جديد متابعينا الكرام، وتحدي جديد للصيام المتقطع ونظام غذائي سهل لمدة أسبوع لإنقاص الوزن بسهولة وأمان، وكعادتنا كل أسبوع، نلتقي مساء الجمعة، بنظامين رجيم، الأول يكون نظام رجيم عادي مناسب ليك في حالة إن وزنك أعلى من 90 كيلو.

أما النظام الآخر فيكون صيام متقطع، وده اللي بتقرأه دلوقتي، وبيكون مناسب ليك في حالة إن وزنك أقل من التسعين كيلو، وتقدر تمشي على جدول الأكل المكتوب في النظام اللي بتقرأه دلوقتي بدون ساعات صيام لو مش هتقدر تصوم، وفي نفس الوقت وزنك أقل من 90 كيلو.

نظام الصيام المتقطع بسهولة، بيعتمد على إنك بتصوم 16 ساعة في اليوم، وبيكون مسموح ليك بتناول الوجبات خلال 8 ساعات فقط في اليوم.

ساعات الصيام من ضمنها ساعات النوم، ومسموح خلال الستة عشر ساعة صيام بشرب الماء والشاي والقهوة والأعشاب بدون سكر.

أما بالنسبة للساعات المسموح خلالها بالأكل فبثبتها زي ما نحب ووفقاً لظروفنا، وليكن من 8 صباحاً حتى 4 بعد العصر، أو من 12 ظهراً حتى 8 مساءاً، أو حتى من 2 بعد الظهر إلى 10 مساءاً.

يكفي معلقة سكر واحدة فقط في اليوم، ومهم شرب الماء بكثرة على مدار اليوم، وخاصة قبل تناول الوجبة، أقل شئ في اليوم ليك 8 أكواب مياه، المشي يومياً ولو نصف ساعة داخل المنزل “في المكان” أمر هام لتدعيم معدل نزول وزنك خلال تحدي الصيام المتقطع، وكذلك التعرض للشمس يومياً ولو ربع ساعة للحصول على فيتامين دال الهام لرفع معدل حرق الدهون.

هفكرك لو متابع قديم لينا، وهقولك معلومة لو أول مرة بتتابعنا، وهي إن نظامنا في دايت كلينيك الأسبوعي، مش دائماً بيكون سهل ومش كل الوقت صعب الإلتزام بيه، في إختلاف من أسبوع لآخر، وفقاً للنظام الذي نراه مناسباً لصحتك وداعماً لمعدل نزولك الأسبوعي بدون أي آثار جانبية سلبية، وبالشكل المرضي ليك في المقام الأول والأخير.

نظام الأسبوع الحالي هيبدأ بمشيئة الله من يوم السبت الموافق 31 أكتوبر ويستمر لمدة أسبوع فينتهي يوم الجمعة الموافق 6 نوفمبر، على أن يكون نظام اليوم السابع والأخير فري، وفي آخر الجدول هتلاقوا طبيعة اليوم الفري بتكون ماشية إزاي.

تحدي الصيام المتقطع

نظام الأسبوع وتحدي الصيام المتقطع الحالي، منقدرش نحكم عليه إنه صعب ولا إنه سهل، هو بالفعل وسط بين الاتنين، ولكنه رجيم مناسب للأسبوع الحالي بعد حلاوة المولد، يعني أنا عارف إن الأغلب لغبط الأسبوع اللي فات، فتصميم برنامج الأسبوع الجديد، تم مراعاة الأمر ده فيه.

أتمنى من الكل الإلتزام بالمكتوب يوم بيوم، حتى نهاية الأسبوع، وأسبوع تلو الآخر حتى تصل لإلتزام برجيم دايت كلينيك لمدة 100 يوم، وهي المدة التي أثبت متابعينا أنها غيرت شكلهم ووزنهم تماماً خلالها، فلا تضيع الفرصة وتوكل على الله وإبدأ متابعنا الكريم.

نظام يوم السبت

اليوم الأول 31 أكتوبر

الفطار

يمكنك الإختيار من بين:-

  • نصف رغيف عيش سن + 2 بيضة مسلوقة + خيار أو خس
  • 1 توست بني + 2 علبة زبادي + خيار أو خس
  • 1 توست بني + جبنة بيضاء لايت (125 جرام) + خيار أو خس
  • حبة بطاطس مسلوقة ومهروسة مضاف لها بهارات وفلفل أخضر + قطعة جبنة قريش أو بيضة مسلوقة بدلاً من الجبنة
  • نصف رغيف عيش سن + قطعة جبنة قريش + بيضة مسلوقة + خيار أو خس

ممكن ربع رغيف عيش بلدي بدلاً من العيش السن أو التوست.

سناك (1)

ثمرة فاكهة

الغداء

يمكنك الإختيار من بين:-

  • ثلث كيلو سمك مشوي نقسم الكمية الموجودة في كيلو واحد على تلاته + طبق سلطة مضاف لها معلقة زيت زيتون
  • علبة تونة بدون زيت + طبق سلطة مضاف لها معلقة زيت زيتون
  • ربع فرخة مسلوقة + طبق ملوخية
  • ربع كيلو كفتة مشوية بدون دهون + شرائح طماطم وخيار وخس
  • 2 بيضة مسلوقة + قطعة جبنة قريش + طبق سلطة
  • 200 جرام لحمة مسلوقة + طبق كوسة أو بامية أو فاصوليا خضراء

نفس كمية اللحمة أو الفراخ، نقدر نحضرهم بطرق كتير جداً دايت، مش شرط الطريقة التقليدية اللي هي مسلوق أو مشوي، لا ممكن شاورما أو فاهيتا أو أي طريقة تانية تكون مناسبة للرجيم وبنفس الكمية.

العشاء

علبة زبادي لايت + ثمرة خيار

طالما مكتبناش سناك (2) يبقى مش متاح لينا خلال اليوم بوجبة خفيفة أخرى، ولكن عند الجوع نقدر نآكل خيار أو خس، مفيش مشكلة.

نظام يوم الأحد

اليوم الثاني 1 نوفمبر

الفطار

يمكنك الإختيار من بين:-

  • كوب حليب + بيضة مسلوقة
  • 2 علبة زبادي + 3 تمرات
  • 2 بيضة مسلوقة + خيار أو خس
  • علبة زبادي + بيضة مسلوقة
  • 2 بيضة مقلية بزيت زيتون
  • قطعة جبنة قريش + بيضة مسلوقة + خيار أو خس

سناك (1)

6 حبات لوز ني

أو

نصف كوب حليب كامل الدسم

أو

كوب حليب خالي الدسم

الغداء

يمكنك الإختيار من بين:-

  • ربع كيلو جمبري مسلوق + طبق ملوخية
  • ربع أرنب مسلوق + طبق ملوخية
  • 2 بيضة مسلوقة + قرنبيط دايت في الفرن
  • صدر فرخة مشوية أو مسلوقة + طبق سلطة أو طبق بروكلي أو طبق شوربة خضار أو طبق سبانخ
  • نصف كيلو سمك مشوي + طبق سلطة
  • 200 جرام لحمة مسلوقة + طبق سبانخ أو فاصوليا خضراء

العشاء

كوب لبن رائب

أو

بيضة مسلوقة + خيار أو خس

أو

علبة زبادي + ثمرة خيار

نظام يوم الاثنين

اليوم الثالث 2 نوفمبر

الفطار

يمكنك الإختيار من بين:-

  • بيضة مسلوقة + خيار أو خس
  • علبة زبادي + خيار أو خس
  • كوب حليب
  • قطعة جبنة قريش + طبق سلطة صغير

سناك (1)

ثمرة فاكهة

الغداء

يمكنك الإختيار من بين:-

  • نصف كيلو سمك مشوي + 6 معالق أرز مسلوق + طبق سلطة
  • كفتة مشوية (200 جرام) بدون دهون + ربع رغيف عيش بلدي + طبق شرائح خضار
  • صدر فرخة مشوي + 6 معالق أرز بسمتي + خضار مشوي بالفرن طماطم مع فلفل أخضر وكوسة
  • صدر فرخة مسلوق + 4 معالق مكرونة + طبق شوربة خضار
  • علبة تونة بدون زيت + نصف رغيف عيش سن + طبق سلطة
  • 3 معالق أرز مسلوق + كوب شوربة عدس + 2 بيضة مسلوقة
  • 200 جرام لحمة مسلوقة + 6 معالق أرز بسمتي + طبق فاصوليا خضراء

العشاء

علبة زبادي لايت + ثمرة خيار

 

نظام يوم الثلاثاء

اليوم الرابع 3 نوفمبر

الفطار

يمكنك الإختيار من بين:-

  • 2 علبة زبادي + ثمرة فاكهة
  • كوب حليب + بيضة مسلوقة
  • بيضة مسلوقة + قطعة جبنة قريش
  • 2 قطعة جبنة قريش + خيار أو خس
  • 2 معلقة فول + بيضة مسلوقة + ثمرة طماطم أو خيار
  • 4 معالق فول + طبق شرائح خضار طماطم وفلفل وخيار

سناك (1)

ثمرة فاكهة

الغداء

يمكنك الإختيار من بين:-

  • ثلث كيلو سمك مشوي نقسم الكمية الموجودة في كيلو واحد على تلاته + طبق سلطة مضاف لها معلقة زيت زيتون
  • علبة تونة بدون زيت + طبق سلطة مضاف لها معلقة زيت زيتون
  • ربع فرخة مسلوقة + طبق ملوخية
  • ربع كيلو كفتة مشوية بدون دهون + شرائح طماطم وخيار وخس
  • 2 بيضة مسلوقة + قطعة جبنة قريش + طبق سلطة
  • 200 جرام لحمة مسلوقة + طبق كوسة أو بامية أو فاصوليا خضراء

العشاء

كوب لبن رائب.

 

نظام يوم الأربعاء

اليوم الخامس 4 نوفمبر

الفطار

يمكنك الإختيار من بين:-

  • نصف رغيف عيش سن + 2 بيضة مسلوقة + خيار أو خس
  • 1 توست بني + 2 علبة زبادي + خيار أو خس
  • 1 توست بني + جبنة بيضاء لايت (125 جرام) + خيار أو خس
  • حبة بطاطس مسلوقة ومهروسة مضاف لها بهارات وفلفل أخضر + قطعة جبنة قريش أو بيضة مسلوقة بدلاً من الجبنة
  • نصف رغيف عيش سن + قطعة جبنة قريش + بيضة مسلوقة + خيار أو خس

سناك (1)

ثمرة فاكهة

الغداء

يمكنك الإختيار من بين:-

  • نصف كيلو سمك مشوي + 6 معالق أرز مسلوق + طبق سلطة
  • كفتة مشوية (200 جرام) بدون دهون + ربع رغيف عيش بلدي + طبق شرائح خضار
  • صدر فرخة مشوي + 6 معالق أرز بسمتي + خضار مشوي بالفرن طماطم مع فلفل أخضر وكوسة
  • صدر فرخة مسلوق + 4 معالق مكرونة + طبق شوربة خضار
  • علبة تونة بدون زيت + نصف رغيف عيش سن + طبق سلطة
  • 3 معالق أرز مسلوق + كوب شوربة عدس + 2 بيضة مسلوقة
  • 200 جرام لحمة مسلوقة + 6 معالق أرز بسمتي + طبق فاصوليا خضراء

العشاء

علبة زبادي لايت + ثمرة خيار

 

نظام يوم الخميس

اليوم السادس 5 نوفمبر

الفطار

يمكنك الإختيار من بين:-

  • 3 معالق شوفان + كوب حليب + معلقة عسل أبيض
  • 3 معالق كبيرة قمح بليلة + كوب حليب + معلقة عسل أبيض
  • ربع رغيف عيش بلدي + 4 معالق فول + ثمرة طماطم + خيار أو خس
  • ربع رغيف عيش بلدي + بيضة مسلوقة + 2 معلقة جبنة بيضاء لايت
  • ربع رغيف عيش بلدي + قطعتين جبنة قريش + خيار أو خس
  • 1 توست بني + 2 علبة زبادي + خيار أو خس

سناك (1)

ثمرة فاكهة

الغداء

يمكنك الاختيار من بين:-

  • صدر فرخة مشوية + طبق شرائح خضار
  • صدر فرخة مسلوقة + طبق شوربة خضار أو ملوخية
  • نصف كيلو سمك مشوي + طبق سلطة
  • 2 بيضة مسلوقة + خضار مشوي
  • علبة تونة بدون زيت + طبق سلطة
  • ربع كيلو كفتة مشوية + طبق شرائح خضار
  • 200 جرام لحمة مفرومة + طبق بامية
  • 200 جرام لحمة مسلوقة + طبق فاصوليا خضراء

العشاء

علبة زبادي + خيار أو خس

نظام يوم الجمعة

اليوم السابع 6 نوفمبر

يوم الجمعة إن شاء الله هيكون يوم فري، اليوم الفري فقط للملتزمين خلال الستة أيام بالرجيم بدون أي لغبطة، هيكون ليك وجبة مفتوحة وهي وجبة الغداء، أما بالنسبة لوجبة الفطار والعشاء هيكونوا دايت، زي أي يوم بالأسبوع.

لو تقدر تعدي بدون يوم فري مفيش مشكلة، ممكن تخليه مرة كل أسبوعين، أو مرة واحدة بالشهر، وليك في اليوم الفري قطعة حلويات بحجم كف اليد.

وبكده يكون إنتهى نظام الأسبوع الحالي، نحن نبذل كل ما بوسعنا لنيل رضاكم ومساعدتكم، فلا تبخل علينا صديقنا العزيز ومتابعنا الكريم، بعمل تقييم خمس نجوم لتطبيق دايت كلينيك على متجر جوجل بلاي.

برنامج للتخسيس الصحي