نظام الصيام المتقطع

صيام متقطع يوم بيوم.. نظام يوم الخميس الموافق 19 مارس 2020

كل يوم معانا بنمنحك فرصة جديدة، وتحدي جديد، نتمنى تنجح فيه وتثبت إنك أقوى، وتكون حريص إن كل لحظة تمر على خير من غير أي لغبطة، صدقني فرحة الوصول للوزن المثالي جميلة جداً وبكل تأكيد تستاهل تتعب علشان توصل ليها، بالفعل الأمر محتاج شئ من التضحيه.

رجيم صحي

 

تنبيهات وتعلميات خاصة بيوم الخميس 

 

قبل الوجبة مهم بربع ساعة شرب كوب ماء

بعد الوجبة بساعة .. شرب كوب ماء

خليكي فاكرة، كل ما تطبقي النظام بالحرف بكل تفاصيله، كل ما هيكون معدل نزولك رائع وجميل.

أرجو الإلتزام بالنصيحة التالية

مسموح يومياً بمعلقة سكر واحدة فقط

تقليل كمية السك المستهلكة على مدار اليوم، هتفرق كتير جداً معاكي في صحتك، وفي معدل نزولك على الميزان.

أما إذا كان سكر  دايت .. هيكون مسموح منه بما يعادل في التحلية بـ 4 معالق سكر.

 

مسموح أيضاً بزيت الزيتون ملعقة يومياً، نقسمها بين الجبنة في الفطار و السلطة في الغداء، أو نحضر بيها طبق الخطار المطبوخ في وجبة الغداء.

 

بخصوص الملح

الملح لازم تعرف أنه يسبب إحتباس السوائل بالجسم، لذلك يرجى عدم زيادة كمية الملح المستهلكة يومياً، عن ملعقة واحدة صغيرة، ويفضل أن تكون ممسوحة، يعني مش مليانه للآخر.

 

الرياضة، تدعم نزول وزنك، وتعطيك الشكل الذي ترغب به، يفضل على الأقل المشي يومياً لمدة تتراوح بين نصف ساعة إلى ساعة إلا ربع.

 

زي ما اتفقنا مسموح بتناول الطعام خلال 8 ساعات في اليوم، يعني على سبيل المثال، لو أول وجبة هتكون الساعة 10 الصبح، بالتالي لازم توقف أكل 8 مساءاً ( بعد 8 ساعات ).

 

ممكن بدء اليوم، خلال الـ 8 ساعات المسموح فيهم بتناول الطعام، بكوب من الماء الدافئ مذاب فيه معلقة عسل أبيض، ومعصور عليه نصف ليمونة ما لم يكن هناك مانع طبي.

 

النوم العميق “المنتظم” كل ليلة هام لدعم نزول وزنك، ورفع معدل الحرق، والعكس صحيح.

 

مهم جداً التنويع في طرق تحضير الأكلات

يعني بنفس الكمية والصنف المتاح لينا في وجبة الغداء

ممكن نحضره بأكثر من طريقة لتجنب الملل خلال فترة الرجيم.

 

 

الفطار

يمكنك الإختيار من بين:-

  • كوب حليب + 4 معالق شوفان
  • كوب حليب + 4 معالق قمح بليلة
  • 2 بيضة مسلوقة + ربع رغيف عيش بلدي + خيار أو خس
  • 5 معالق فول + ربع رغيف عيش بلدي + ثمرة طماطم
  • 2 علبة زبادي + 1 توست بني + خيار أو خس
  • قطعة جبنة قريش + بيضة مسلوقة + ربع رغيف عيش بلدي أو نصف رغيف عيش سن + ثمرة خيار أو خس

 

سناك 1

والمقصود بسناك 1

هو الوجبة الخفيفة بين وجبة الفطار والغداء

 

ثمرة فاكهة

من أحد الخيارات الآتية:-

  • فراولة ( 5 ثمرات صغيرة ) أو ( 3 ثمرات حجم كبير )
  • تفاح ( ثمرة واحدة )
  • برتقال ( ثمرة واحدة )
  • موز ( ثمرة صغيرة )

 

 

وجبة الغداء

 

يمكنك الإختيار من بين:-

  • سمك مشوي بوزن لا يتعدى 300 جرام.
  • ربع فرخة مشوية أو مسلوقة “بدون جلد” من الصدر.
  • ربع كيلو لحمة مشوية أو مسلوقة
  • 2 بيضة مسلوقة
  • طبق عدس دايت
  • علبة تونة بدون زيت
  • ربع كيلو جمبري مشوي أو مسلوق
  • صدر أرنب مشوي أو مسلوق

 

+ طبق سلطة ( طماطم + خيار + فلفل + جزر + خس … )

+ طبق خضار مُـحضر بطريقة صحية من أحد الخيارات الآتية:-

  • بامية
  • كوسة
  • سبانخ

 

 

سناك 2

والمقصود بسناك 2

هو الوجبة الخفيفة بين وجبتي الغداء والعشاء

لا يوجد

 

العشاء يوم الخميس 19 مارس

يمكنك الإختيار من بين:-

 

  • علبة زبادي + ثمرة فاكهة
  • كوب حليب + ثمرة فاكهة

 

الهدف في دايت كلينيك

هو الإلتزام بتعلميات الرجيم لمدة 100 يوم

متابعي تطبيق دايت كلينيك، حققوا نتائج مذهلة فاقت توقعاتهم بكثير خلال هذه المدة

لذلك أطلب منك لو أنتي جديدة معانا، تطبيق رجيمنا يوم بيوم، الإلتزام بالكميات والأصناف المكتوبة في كل وجبة، وترتيب النشويات على مدار اليوم وفي الأسبوع.

اليوم الفري يعتبر من ضمن المائة يوم.

أفتحي صفحة جديدة معانا، ولو وقعتي في يوم، ركزي في اليوم اللي بعده، ويكون كل هدفك إنك تعدي اليوم من غير لغبطة، لحد ما نوعدك بمشيئة الله هييجي الوقت وتبقي قادرة تعملي الرجيم بدون ذرة معاناة.

لو لسه محملتيش التطبيق

إضغطي على كلمة ( تطبيق دايت كلينيك )، الموجودة بين القوسين.

علشان يوصلك تنبيه كل أسبوع بالرجيمات الجديدة اللي بنضيفها.