أعاني من زيادة في دهون البطن والصدر .. ماذا أفعل؟

الرسالة دي وصلتني .. 

عوزة رجيم يخسس البطن والصدر هما اكتر مكانين مدايقني ومهما عملت دايت مبيخسوش خصوصا الصدر

وحبيت إن أنا أجاوب عليها في موضوع مستقل علشان الكل يشوف الإجابة .. لأني متاكد أنه يهم كل اللي بيتابعني .. 

حضرتك بتقولي مهما عملتي دايت مش بيخسوا ..

 

السبب في كده إن مفيش نظام غذائي للتخسيس الموضعي .. في بس مجموعة أكلات .. ممكن تزود تمركز الدهون في المنطقتين دول .. ولازم أثناء إتباعك للدايت تكوني حريصة على تجنب تناولهم علشان المشكلة منتزيدش تعقيداً ..

  1. منتجات القمح المصنعة زي الدقيق الأبيض والكيكات والبسكوت والأرز الأبيض والمكرونة البيضاء .. والمفروض إنك في حالتك دي تعتمدي على منتجات القمح الكاملة مثل ( الشوفان أو الأرز البني أو التوست البني ).. والحاجات دي هتساعدك في الشبع وهتساعدك تقللي الدهون في المناطق دي.
  2. حاولي تبعدي عن الدهون المشبعة أو الدهون المتحولة زي الزبدة والسمنة والكريمة .. والأفضل إنك تستخدمي زيت بذر الكتان (الزيت الحار ) أو زيت عباد الشمس أو زيت الزيتون .
  3. لازم تشيلي من أكلك المشروبات الغنية بالسكر .. زي المشروبات الغازية أو العصائر المعلبة .

 

الكلام اللي فات ده كله مجرد عوامل مساعدة .. مش حل جذري للمشكلة .. 

أفضل وأسرع حل للتخلص من دهون المناطق دي .. هو الرياضة .. وأنا بجهز دلوقتي موضوع عن تمارين سهلة لتخسيس منطقة الصدر والبطن .. هتلاقوه في قسم “تمارين رياضية” الموجود بالتطبيق.

 

عن د/ أحمد منصور

8 تعليقات

  1. غير معروف

    😊

  2. غير معروف

    اعرف ازاى النظام اللى يناسبنى وزنى فوق 100 كليو

  3. شكرا على النصيحه

  4. د/ أحمد منصور

    العفو يا فندم

    لنا الشرف بمتابعة حضرتك للتطبيق يا أستاذة سما

  5. ريهام حسن

    اولا شكرا جدا علي التطبيق الرائع ده
    ثانيا كنت عايزه رجيم خاص للجزء العلوي من الجسم لاني عندي عدم تناسق الجزء العلوي اتخن كتير من السفلي ..
    شكرا لك

  6. د/ أحمد منصور

    عفواً

    تحت أمر حضرتك يا أستاذة ريهام

  7. غير معروف

    انا مش بحب اشرب لبن بس….ممكن السناك اللي بين الفطار والغدا كوبايه قهوه بالبن بسكر دايت

  8. السلام عليكم
    انا وزنى 97 كيلوا ماهو النظام اللى امشي عليه لو سمحت يا دكتور
    مع العلم كان وزنى اول 115 من شهرين وكنت اعمل ديت ولكن جسمى توقف عن النزول عند 97

اترك تعليقاً

لن يتم نشر عنوان بريدك الإلكتروني.