الرجيم والرضاعة

📝 بوست مهم ياريت نركز فيه، ونقرأه للآخر💡

 

لو بترضعي وحابة في نفس الوقت تتخلصي من وزنك الزائد، اللي جزء منه اكتسبتيه أثناء فترة حملك، فأكيد شايلة هم طفلك وحاجته الشديدة للحليب الغني بكل العناصر المهمة لتقوية مناعته وتساعده في تطوره البدني والعقلي.

 

خايفة إن الرجيم يكون سبب في أنه يقلل كمية الحليب اللي الطفل المفروض ياخدها منك؟؟

 

لازم تهتمي بتناول بعض الأكلات على رأسها

 

1️⃣ الشوفان

 

وببساطة هو بيرفع من تركيز هرمون الحليب بسبب احتوائه على “بيتا جلوكان” وفي أوروبا يعتبر من الأطعمة الموصى بيها للأمهات لزيادة ادرار الحليب، وبالنسبة للرجيم فهو هيساعدك لو فطرتي بيه، أنه يشبعك لفترة طويلة لأنه غني بالألياف الغذائية.

 

2️⃣ المكسرات

 

الغير مملحة 👌 وخاصة اللوز، مفيد لنمو الجهاز العصبي لطفلك لأنه غني بأوميجا ٣، واللوز من المكسرات المحفزة للحليب.

 

3️⃣ الجزر والبطاطا

 

الاتنين ومعاهم البنجر مهمين جداً لتحسين إنتاج الحليب، وكمان حرصك على تناولهم هيحمي طفلك من الإصابة بالأنيميا، فلو بتعملي رجيم نوعي في السناك “وجبات خفيفة بين الوجبات الرئيسية”

ما بين الجزر 🥕 والبنجر والبطاطا “الحلوة” 😅

 

4️⃣ البروتينات

 

البروتين لما بيقل بيأثر على إنتاج الحليب علشان كده لازم الأم تهتم بتناوله وتركز على أكل البيض واللبن واللحوم بأنواعها المختلفة والكبدة، والمأكولات البحرية لأنها غنية بأوميجا ثري اللي لسه متكلمين عنه من شوية.

 

5️⃣ الفاكهة المجففة

خاصة

” المشمش”

 

من أكثر الفواكه اللي بتحفز إنتاج الحليب وبتحسن جودته وكميته، فممكن يكون سناك يومي ليكي لو بتعملي رجيم.

 

7️⃣ بذور السمسم

 

ممكن تضيفي منها كمية قليلة على طبق السلطة، هتفيدك جداً في زيادة إفراز الحليب وكمان فيها نسبة عالية من الكالسيوم، المفيد جداً لصحتك خلال الفترة دي.

 

8️⃣ الأرز البني

بجانب إنه بيحافظ على مستويات السكر في الدم، فهو بيحتوي على منشطات هرمونية بتساعد في تعزيز افراز الحليب.

 

9️⃣ التمر

 

ابدأي يومك بالتمر، مش بس غني بالحديد وهيفيدك لأنك بنسبة كبيرة عندك انيميا، لأ كمان مدر للحليب.

 

⚠️ بخصوص الشوفان ⚠️

لازم تمضغيه كويس جداً جداً، وإلا متاكليش منه، لأنه لو متمضغش كويس، ممكن يسبب انسداد في الأمعاء.

 

 

إدعم محتوى دايت كلينيك .. عن طريقة تقييم تطبيقنا على متجر جوجل بلاي .. هيفرق معانا جداً

لو بنفيدك، ياريت تدخل المتجر تبحث عن دايت كلينيك 

وتضغط على التطبيق هتلاقي متاح ليك التقييم، وإتأكد إن الخمس نجوم ملونين بالأخضر

عن د/ أحمد منصور