رجيم دكتور أحمد منصور
رجيم دكتور أحمد منصور

نظام أكلي اليوم الأول في رحلة المائة يوم لنسف الدهون

السلام عليكم ورحمة الله وبركاته، أهلاً بكم متابعينا الكرام، الحريصين على التغيير للأفضل دائماً، زي ما اتفقنا هشاركم بنظام أكلي يوم بيوم هنا على الموقع، علشان تعرفوا بالظبط أنا أكلت إيه من ضمن الخيارات الكثيرة اللي موجودة في كل وجبة في رجيم دايت كلينيك.

رجيم صحي

النهاردة اليوم الأول، في رحلة المائة يوم وطبعاً بما إن وزني أعلى من 100 كيلو، فأنا هتبع النظام العادي الأسبوعي، مؤقتاً لحد ما وزني يقل عن الـ 90 كيلو، وأبدأ أمشي على نظام الصيام المتقطع أسبوع بأسبوع.

إن شاء اللله هوقف أكل قبل نومي بتلات ساعات، محافظ على شرب المياه، ودي نقطة مهما اختلفتأنواع الرجيمات لكنها تعتبر أساس في رحلة فقدان الوزن، ومن السكر الأبيض هاخد معلقتين صغيرين.

اليوم بدأته بكوب ماء من الحنفية معاه معلقة عسل أبيض، والفطار 2 علبة زبادي + نصف رغيف عيش بلدي +2 ثمرة خيار.

الوجبة الخفيفة الأولى نصف كوب حليب كامل الدسم + ثمرة تفاح، والغداء 6 معالق أرز + 3 سمكات بلطي مشوي + طبق سلطة، والوجبة الخفيفة الثانية “مفيش علشان مش مكتوب في النظام”، أما بالنسبة لوجبة العشاء، فهتكون عبارة عن ربع رغيف عيش بلدي + بيضة مسلوقة + ثمرة خيار.