تثبيت الوزن .. ماذا أفعل بعد الوصول للوزن المثالي ؟

الحمد لله رب العالمين بعد شهور من إنشاء تطبيق دايت كلينيك، أصبح في عدد كبير من الأعضاء في حاجة شديدة للموضوع ده، بعد وصولهم للوزن أو الشكل المثالي اللي بيتمنوه.

مبدئياً الموضوع ده للناس اللي نزلت معايا في الوزن مش لأي حد عايز يثبت .. لأ لازم تكون نزلت برجيم دايت كلينيك، علشان النصائح فعلاً تكون مفيدة ليك وتلاقي ليها نتيجة، لإن تثبيت الوزن معتمد على الرجيم والطريقة اللي خسيتي بيها.

تفتكروا في حاجة إسمها تثبيت الوزن .. بالعقل كده ينفع أثبت وزني ومخسش أو أزيد عن وزن معين ؟؟

الجسم طول ما بياخد سعرات قليلة هيخس وطول ما بياخد سعرات أكتر من اللي محتاج ليها هيزيد في الوزن .. الناس اللي بتعمل جراحة تصغر معدتها علشان تتحكم في الأكل اللي هتاكله بيزيدوا في الوزن، وتابعت مع ناس كتير على مدار الفترة اللي فاتت عملوا عمليات وزادوا تاني في الوزن.

الخلاصة .. مستحيل تقدر تثبت جسمك عند وزن معين بالظبط لا يزيد ولا يقل عنه جرام، لا بنظام أكل ولا حتى بعمليه، لازم تفهم كده كويس جداً أي كلام غير كده ملوش أي أساس علمي.

طيب أنا عامل الموضوع ده ليه طالما مفيش حاجة إسمها تثبيت ..

ركز كويس في السطور الجاية ..