طريقة عمل فراخ دايت
طريقة عمل فراخ دايت

خطوات تحضير ورقة فراخ بالبطاطس مناسبة للرجيم

عارفين طبعاً إن ممكن لو الغداء فيه تلات معالق أرز، ممكن نبدلهم بحبة بطاطس، ولو في 6 معالق أرز، نقدر نبدل منهم 3 معالق بحبة البطاطس، وناكل التلاته الباقيين، فالنهاردة إن شاء الله هنشوف وصفة جميلة متكاملة، صحية وطعمها جميل كمان.

رجيم صحي

ورقة فراخ بالخضار

المقادير

  • صدر فرخة
  • 2 حبة كوسة
  • حبة بطاطس
  • ثمرة طماطم
  • حبة بصل
  • ملح وفلفل
  • ملعقة زيت زيتون
  • ورقة طعام حرارية

 

خطوات التحضير

  1. نغسل صدر الفرخه كويس
  2. نقطع الكوسه والبطاطس مكعبات
  3. نقطع البصله
  4. ونتبل صدر الفرخه بالملح والفلفل الاسود
  5. ثم نضع جميع المكونات علي بعض
  6. ونضع صدر الفرخه في الورق الحراري ونضع ملعقة الزيت وربع كوب ماء.
  7. ونقفل الورقه ونضعها علي النار.

هيكون ده الشكل قبل التسوية.

ورقة فراخ بالخضار
ورقة فراخ بالخضار

الوجبة دي مش محتاجة حاجة جمبها، ممكن تضيفي الأرز معاها فقط لو اليوم مسموح فيه بـ 6 معالق أرز، ودايماً نحاول نفكر إزاي نحضر الأكل بطرق صحية، تخلينا نتعامل مع الرجيم كأسلوب حياة، نقدر نداوم عليه، بدون ملل.

لأن طبعاً كلنا عارفين إن الرجيم مشواره طويل شوية، وده منطقي جداً، لأن الوزن اللي إكتسبناه من الأكل الغير صحي، على مدار يمكن سنين، مش معقول من يوم وليلة تغيير نبدأ نلاحظ فرق، فالتنوع في طرق تحضير الأكل، من الطرق الفعالة جداً اللي تخلينا نقدر نلتزم بالرجيم لفترة كافية، ويسهل علينا كمان مشوار التثبيت.