اكل ايه في اليوم الفري

الأكل نعمة من عند ربنا، ومن متع الحياة بالنسبة لكل واحد فينا، إنه ياكل أكلة حلوة، مش شرط تكون غالية، لكن نفسه فيها، وبيشوف إن طعمها شهي ومميز بالنسبة ليه.

لكن مش هنزوق الكلام، أنا عندي سمنة إذاً أنا مريض، وده شئ مش عيب ومش حرام، لكن غلط أكون عاقل وأسيب نفسي في وزن زائد وأعرض حياتي وصحتي لخطر، وبما أني مريض فعلاجي في الحالة دي هو الرجيم.

الرجيم فعلاً دواء لأي حد بيعاني من السمنة ولازم تعرفي إنك لما تخسي مش بس هتعرفي تلبسي الهدوم اللي نفسك فيها، لأ إنتي بالرجيم بتفادي نفسك من أمراض كتير محتاجة موضوع كامل نتكلم عنها فيه.

الدواء دايماً مش بنفضله، بس بيصبرنا عليه إنه فيه الشفاء بإذن الله، الرجيم كمان صعب بالنسبة لناس كتير، لكن بيصبرنا عليه وجود ما يسمى باليوم الفري.

اليوم الفري اللي أنا بشوف إنه مهم جداً نفسياً لأي حد بيعمل دايت، ع الأقل بيصبر نفسه ان بعد التزام 6 أيام هيقدر ياكل في اليوم السابع اللي نفسه فيه.

لكن زي ما في فوائد صحية ونفسية لليوم الفري، ممكن كمان يكون سبب في إنك تضيعي مجهود أسبوع كامل من الإلتزام، والموضوع ده الهدف منه أعرفكم تعملوا إيه علشان تستمتعوا باليوم وتاخدوا منه فوايده، بدون ما يكون سبب في ثبات الوزن.

أكل إيه في اليوم الفري؟

مبدئياً عايزة تأكلي براحتك وتدوسي في الأكل، 24 ساعة متواصلين، حلويات وبيتزات، يبقى كده هتعملي فري يوم واحد في الشهر، تأكلي فيه بدون حسابات، وأنا لا أعتقد إن في حد هيصبر 29 يوم من الإلتزام بأكل الرجيم، علشان يقدر يأكل براحته في اليوم الـ 30.

حيرتنا معاك يا دكتور .. يعني إحنا دلوقتي مش هنعرف نأكل براحتنا لو عملنا فري مرة كل أسبوع.

هقولك ..

الفري الأسبوعي .. بيكون وجبة فري مش يوم فري ..

يعني ليكي وجبة واحدة بس تأكلي فيها براحتك وطبعاً محدش هيختار الوجبة دي تكون الفطار أو العشاء ..

الخلاصة؟

فطارك في اليوم الفري نفس فطار أي يوم رجيم طول الأسبوع 

العشاء، نفس العشاء بتاع أي يوم في الرجيم 

الغداء ناكل فيه براحتنا، وأسمع أحلى سلام لو مكانش ” دايت كلينيك ” هيدلعنا مين هيدلعنا .. 

كشري مصري ماشي .. 

مكرونة بشاميل وماله .. 

محشي شغال بس اللي هيعمل محشي كوسة، يعتبر نفسه عازمني  وأنا قبلت العزومة .. 

مقليات ( فراخ بانية .. سمك ) .. قشطة 

بيتزا – كريبات .. ميضرش 

 

والمفاجئة بقى إنك في اليوم الفري الأسبوعي تقدري تأكلي قطعة حلويات .. 

قرأتوها قطعة، ولا صينية؟؟ 

أنا بقول قطعااااة اللي هي الخرطة يعني .. أو شوكولاتايه بس مش الحجم العائلي

 

تمام كده عرفتوا هتعملوا إيه في اليوم الفري؟

آه صحيح .. اللي هيعمل حلويات، جلاش أنا معزوم برضو .. تمام؟

 

معلش يا جماعة لو اليوم الفري مكنش على قدر توقعاتكم .. بس هو ده السيستم اللي يخلي اليوم الفري مفيد وفعال مش سبب في ثبات الوزن.

 

ها؟

ناويين تطبخوا إيه بكره بقى؟ .. قولولي في التعليقات 

 

عن د/ أحمد منصور

191 تعليق

  1. دا احلى دكتور دا والا ايه

  2. سماح محمد

    شكرا د أحمد خسيت ٣ كيلو ونص ف اقل م اسبوع ومكمله معاكم باذن الله ربنا يجازيك عنا خير 😊

  3. هاجر فؤاد

    محشى كوسه وكرنب وواحده شيكولاته شوفت انا شاطره ازاى

  4. د/ أحمد منصور

    ما شاء الله

    فرحتيني جداً بالتوفيق لحضرتك في القادم

    يارب وجميع المتابعين

  5. غير معروف

    دكتور انا ما التزمت هاد الأسبوع اعمل فري ولا اكمل صيام

  6. د/ أحمد منصور

    كوسة ؟

    العنوان إيه يا فندم ؟ 😂😂

  7. إن شاء الله نلتزم خلال الأسبوع ونلتزم بالوجبة الفرى 🙏🙏🙏

  8. د/ أحمد منصور

    ههههههههههههه

  9. أنا وزني 60 كيلو و طولي 164سم و سني 38 سنة و دكتورة الجيم مصممه إني أطلع ل 65 كيلو و بتخوفني إن دهون الكبد هتنزل و هدخل في مشاكل صحية لو نزلت عن 65 كيلو و أنا عايزة أنزل ل 57 كيلو …. فهل كلامها صحيح و لا أكمل دايت مع حضرتك ؟؟؟

  10. د/ أحمد منصور

    ان شاء الله ربنا يعينك

  11. مشكور يادكتور مشتهية قطعة حلوى والغذاء حاكل من لي بيطبخوه بكرة ان شاء الله

  12. د/ أحمد منصور

    اعملي فري والتزمي الأسبوع القادم

  13. السلام عليكم ورحمة الله وبركاته
    شكرا جزيلا لحضرتك يا دكتور انا كنت بعت لحضرتك من شهر كنت متابعة فى رجيم ووصلت ل 70كيلو وبعدين حصل ثبات للوزن وبدأت مع حضرتك والحمد لله نزلت 3كيلو وزنى بقى 67 انا راضية جدا عن وزنى لان شكلي أصبح كويس بس ملتزمة بالدايت علشان احافظ على وزني،بس فى مشكلة وهى اللغد أسفل الدقن رغم ان الوجه خس جامد هل ليه حل جزاك الله خيرا وبارك فيك

  14. د/ أحمد منصور

    ألف هنا

  15. فطوم عسيري

    انا نفسي هفتني على مسقعه باذنجان مع رز ابيض وسلطه ان شاءالله في يومي الفري
    شكرا دكتور من اعماق قلبي كسرت ثبات الوزن وبدات انزل بفضل الله ثم بفضل توجيهاتك

  16. د/ أحمد منصور

    ما شاء الله

    بالتوفيق لحضرتك
    دايماً

  17. كشري حضرتك دكتور محترم جدا جدا

  18. انا ناويه اعمل مكرونه بشاميل وبانيه بس ربنا يفرحنا بكره فى الميزان الصبح علشان اطبخ بنفس وعلى فكره انا خسيت فى النظام اللى فات 4.4ك وربنا يبارك لك يادكتور

  19. والله يادكتور جزاك الله خيرا بس الصراحه انا بخلي الفطار والغدا فري 😂😂مش بدوس ف الاكل اوي بس الفطار بيبقى نفسي ف حاجه غير بتاع الدايت وطبعا باكل حلو ومش بتعشى والحمد لله لغاية دلوقتي بخس بس عارفه هيجي وقت وهحس بنتيجه مش مرضيه هحاول أطبق كلامك 😂

  20. د/ أحمد منصور

    ده
    من ذوقك والله
    شكراً

  21. فاديا البيطار🙏🙏🙏🙏

    ميرسي يادكتور كلك ذوق ولطافة الله يجزيك كل خير

  22. فاديا 🤩🤩🤩🤩

    ميرسي يادكتور كلك ذوق ولطافة الله يجزيك كل خير

  23. رقيه ياسر

    الدكتور الفرفوش واللي بيقول مكرونه بشاميل دا رزق 🤣🤣🤣🤣🤣🤣

  24. أم أسامة

    أنا مشيت معكم ٥ أيام ونزلت ٢ كيلو بالتزام تام. شكرا دكتور

  25. غير معروف

    مشكور يا دكتور على جهودك معنا

  26. الرحمه ملاك

    لوسمحت يا دكتور هو اليوم الفري دا يعني مفيش صيام متقطع في اليوم دا ونقدر ناكل في اي وقت في اليوم ولا برده بنمشي النظام

  27. انا التزمت الحمدالله وخسيت كيلو في ٤ ايام ويارب اكون خسيت حبه كمان ان شاء الله اوزن بكره ولا يوم السبت الصبح وان شاء الله هعمل بيتزا وهاكل جاتو عندي فرح 😁😁وربنا يستر بقي

  28. راضية بقدر الله

    بيتزا 😋 شكرا دكتور

  29. غير معروف

    ربنا يفرح قلبك دايما فرحة موصول مداها للجنة .. واغلب اللي اعرفهم نزلوا التطبيق

  30. دكتور يعني انا ملتزمه مع دايت حضرتك لمدة أسبوعين اعمل بكره الفري اللي حضرتك ذكرته ولا استنى شويه ارجو الرد وشكرا

  31. محشي كوسة وبنجان وفلفل وورق عنب والله يادكتور وحضرتك معزوم طبعا احجز تزكرة بقى وعلى السعودية 😊😊

  32. غير معروف

    انا بكره معزومه في بيت اهلي

  33. ام ياسين

    دكتور وانا جديدة احب ابدأ معاكم بريجيم الصيام المتقطع وزني 70 وطولي 150 واحب اتخلص منهم قبل رمضان

  34. الاوركيديا

    بصراحة يادكتور انا بحب الزيت والزعتر والمكدوس كتير
    وبستنى الفري عشان اكل منهم
    ان شاء الله ناويه اعمل صينيه بطاطا بالدجاج

  35. زهرة اللوتس

    الاسبوع الماضي لم التزم بالتمام
    اكلت 3 ملاعق رز في اليوم الثاني
    واليوم تناولت على الفطار ربع رغيف
    اشعر بثبات الوزن هذا الاسبوع
    ولكن اشعر بالسعاده من النجاح الذي حققته مع دايت كلينيك
    جزاك الله خيرا
    وجعلها الله في ميزان حسناتك
    طولي 150… وزني الحالي بعد التزام 40 يوم 59
    هل النظام يقدر يوصلني للوزن المثالي؟؟!!

  36. انا نفسي في القرنبيت نالمقلي وشوية بإنجان مخلل

  37. مابعرف شو الاكلة لي ح اكلها بالفري بكرا
    لكن لي اعرفو يادكتور مارح اقدر ع قطعة حلويات واحدة
    ينفع ماااكل وجبة واخليها كلها حلويات😭😭

  38. هاكل كبده اسكندرانى ومكرونه اسباجيتى
    انا خسيت الاسبوع اللى فات كيلو ونص ومكنتش ملتزمه قوى
    بس هلتزم ان شاء الله الاسبوع الجاى

  39. بصراحه يا دكتور احنا مش عارفين نشكر حضرتك على ايه ولا ايه بجد شكرا لحضرتك كتير عبئ تعبك و مجهودك معانا فى كل حاجه انا حسيت 4كيلو الأسبوع اللى فات ولسه مكمله مع حضرتك الأسبوع ده بس لسه موزنتش

  40. أنا ما فهمت زين الريجيم إلي لازمني اسويه حرمت نفسي من كثير الأشياء أو ماباكل كثير ومع ذلك فقدت بس كيلو بهالأسبوع 😢😢 بليزز أحد يشرح لي الدايت

  41. أنا ما عرفت اسوي هالريجيم بليز اشرح لي 🙏🙏

  42. ساعدني كيف راح اعمل هالريجيم ما فهمت 😣😣

  43. إيمي ياسر

    ههههههههههه والله حضرتك دكتور عسل مكملين معاك انشاء الله

  44. مساك الله بالخير والصحه والسعاده دكتور
    انا من اليمن واريد انزل وزني لني اعاني من بعض الامراض
    وقبل كم اشهر سويت ريجيم بنظام غذائي نزلت 16 كيلو بشهر لكن بعد كم اشهر رجع وزني في ازديات فاثر في صحتي وخاصه بسيوله الدم هل في نصايح معينه وريجيم يناسب جسمي وصحتي

  45. طيب يادكتور انا مستنيه اليوم الفرى عشان اكل كسكسى هل ده اعتبره فطار ولا اعتبره من الحلويات مع العلم انى باكله بعسل نحل ولبن؟؟؟

  46. نادية منال

    انا سوف اطبخ الرشتة وهي من الاطباق الجزائريه التقليدية مممممممم بالدجاج😋😋😋😋😋

  47. ياسمينا ياسمينا

    شالله يخليك لينا يارب ههههههههه
    اكلةسمك وشوربة سى فوود

  48. السلام عليكم دكتور انا متابعة معاكم مرت ١٥ يوم شكلي ثابت بالخصوص منطقة البطن لم اعتمد على الميزان بل على الشكل فقط تلك المدة، مع بداية الاسبوع الثالث سوف اتوزن . كيف اخسر دهون البطن بلييز ؟

  49. و الله يا دكتور طريقة حضرتك جميلة جداا ربنا يوفقك و يسعدك🙏🏻😂

  50. زهرة من الجزائر

    انا كالمعتاد على الفطار كسكس بمرقة خضار ولحمة هذي عادة عند الجزائريين وعلى قهوة العصر إما مسمن او بغرير او تارت بليمون شكرا لكل جهودك دكتور وجمعة مباركة لحضرتك وللجميع مع خالص تحياتي

  51. سحر عازم فلسطينيه

    لما اعمل محشي حفتكرك بالحلى كلها😍😍😍

  52. غير معروف

    بس يا دكتور مفيش رجيم للناس اللي في المدارس
    ولا حضرتك نسيتنا

  53. انا مشيت على النظام ونزلت ٧٠٠ جرام بس فى خمس ايام ده مزعلنى جدا

  54. الله يحفظك يادكتور ممكن اخلي الفري عشا ولا لا لازم غدا

  55. نورا حسن

    احلي دكتور ده ولا ايه

  56. غير معروف

    السلام عليكم دكتور أنا عاوزة ابدء في الصيام المتقطع انا ولدت من اربع شهور وبرضع البيبي طبيعي ممكن دايت للمرضعة في الصيام المتقطع أرجو الرد

  57. والله حضرتك ممتاز بجد زعلانه انى معرفتش البيدج والابليكيشن من زمان جزاك الله خيراا انا بداه من اول الاسبوع والنظام مريحالداخلي ومش متعب خالص ومكمله ان شاء الله جزاك الله كل خير❤❤

  58. لسة مش عارفة ممكن اعمل كنتاكي وعيش تورتيا
    هو اوزن بكرة ولا بعدو ممكن ترد عليا يا دكتور

  59. Elhaddad fatima

    السلام عليكم دكتور شكرا على ماتقدمه لنا من نصائح الله يجعل كل مجهوداتك معنا في ميزان حسناتك.تحية لكل الجروب دايت كلينيك ومرحبا بكم في المغرب احنا في يوم الجمعة نطبخ كسكس بالخضار واللحمة .

  60. جنة الخلد

    ياريت الدكتور يجاوب

  61. مرحبا بي انا قريبة ليك والكسكس افضل اكلة فالمغرب بصحتك اختي

  62. السلام عليكم دكتور جزاك الله خيرا والحمد لله نزلت بهالاسبوع ٣ كيلو ربنا يوفقك ..
    وكل جمعة وانتو بخير ..نحن بالمغرب نحضر الكسكس بالخضار واللحمة ونتناوله مع اللبن كل جمعة ..وصحة وعافية للجميع

  63. السلام عليكم دكتور انا مضى على ولادتي 3 اشهر للعلم انا ولدت عمليه قيصريه هل ينفع ابلش رجيم ولاحضت بعد الولاده وزني زاد بنسبه كبيره جدا ارجو الرد لو سمحت

  64. غير معروف

    ممكن رجيم نباتىوشكرا

  65. صباح الورد وجمعه مباركه كتير ممتاز يسعدك رب زي ما بتسعدنا

  66. غير معروف

    السلام عليكم دكتور احمد انا بدأت مع حضرتك اول اسبوع نظام متقطع بتاريخ 9/2 نزلت من 84.7 ل 80.4 يعنى نزلت 4كيلو و 300 جرام بالاسبوع فرحانه جدا وشكرا جدا لحضرتك جزاك عنا كل خير وياريت نكمل بنظام الصيام المتقطع على طول بس سوءال لحضرتك انا عندى نقص فيتامين د نسبته 8 اقدر اخد ايه ودا بيأثر عليا وعلى صحتى والدايت وشكرا جدا جدا جدا لحضرتك ربنا يفرحك زى مبتفرحنا

  67. عسل والله يا دكتور… ربنا يحميك يارب..😍😍❤️

  68. الف الف مبروك يا حبيبتي ❤️

  69. دكتور جد شكرا الك ويعطيك الف عافيه
    الي اسبوع مبلشه معكم و الحمدلله اليوم توزنت و طلعت نحفانه 4 كيلو و ان شاء الله مكمله معكم 😍

  70. بصراحة كلام زي الفل انا اوعدك انفذ الكلام ده ادعيلي بارك الله فيك

  71. انا كل جمعه بقضي عند حماتي وما ادراك ما حماتي وطبيخ حماتي بس الحمد لله ملتزمه بس مش عاوزه قبل اسبوعين تاني

  72. الريجيم بكل سهوله انك تصوم 16 ساعه (يتضمنها ساعات النوم كمان) عن الأكل فقط…….ولكن تقدر تشرب ماء وشاي بدون سكر وقهوة من غير سكر واعشاب اذا انت عاوز كمان من غير سكر ….وخلال الساعات الباقيه يعنى ال8 ساعات تاكل اللي كاتبه الدكتور في الفطار والغدا والعشا….يعنى بعد ما تصحى من النوم على فرض صحيت الساعه ٨ تقدر تبدأ الاكل لحد الساعه 4 وبعد كده ما تكلش اي حاجهلتاني يوم الساعه 8 يعني لما تصحى الساعه 8

  73. انت اكثر من رائع….جزاك الله خيرا

  74. غير معروف

    انا ناويه انهارده اكل سمك مقلي🐟🐟ورز🍚وسلطه خضرا🥗 ربنا يسعدك يارب يا دكتور🌹🌹🌹🌹

  75. انا وزنت النهاردة وخسيت 800جم فقط مع العلم انى كنت ملتزمة كتيير عن الاسبوع اللى فات اللى نزلت فيه 4.4ك يعني مجموع النزول فى أسبوعين 5.2ك الحمدلله انا مش زعلانه لكن عشمى انى أنزل اكتر من كده الإسبوع الجديد وانا مكملة معاكم أن شاءالله وربنا يعينا جميعا ويفرحنا بالوزن المثالي ويبارك لنا فيك يا دكتور أحمد

  76. غير معروف

    اناا توزنت اليوم ونزلت دكتور 0.6 عاااادي كنت ملتزمه 100 هاد تاني اسبوع 😭😭😭😭

  77. مروه عادل

    شاله يخليك يارب ويزرقك بصينينة محشي كوسه وصنية جلاش 😂😂
    هعمل سمك مقلي وهاخد حلو كوباية صغيره كريم كراميل 😁
    بعد اذن سيادتك يعني 🤭

  78. نور من السعودية

    بصراحة عاجبني الدايت. حلو. وبسيط وسهل. ان شاءالله احقق نزول في الوزن.شكرا يادكتور

  79. طب هاد الدايت لاي وزن بنفع

  80. بصير الواحد يكتر بروتينات عل الغدا لانو رجيم بروتيني تقريب يعني لشخص بعمل مجهود كبير والزيت مسموح لان عندي امساك

  81. غير معروف

    دكتور لو سمحت ممكن اعرف مواعيد القطار والغدا والعشا امتي

  82. غير معروف

    ادعولي يارب التزام

  83. غير معروف

    دكتور انا وزني ٩٠ كيلو وانا ام مرضعة وبدي انزل من وزني من ٢٥ الى ٣٠ كيلو شو لازم اعمل وعلى اي رجيم لازم امشي مع العلم اني شهيتي على الاكل كبيرة وبضل جوعانة ارجو المساعدة

  84. غير معروف

    ينفع اليوم علغدا. اكل علبه تونه. مع قطعه خبز ولا ماينفعش غير. علبه التونه فقط ردو علي بليز

  85. غير معروف

    ردوا عليا

  86. غير معروف

    ردوا

  87. غير معروف

    السلام عليكم دكتور انا عمري ١٧ وطولي١٥٤ووزني ٦٦ لوسمحت يادكتور ابغى دايت مناسب علما بان جسمي شكل التفاحه

  88. ام جومانه

    السلام عليكم أنا جديده ممكن اعرف الريجيم أنا وزني تسعين وطولى ١٦٠ وعملت ريجميات كتير ومنفعتش عندي مشكلة في العظام والدكتور قالي علاجك انك تخسي ممكن ابتدي معاكم

  89. جزاك الله خيرا عنا بصراحه الانظمه كلها حلوه جدا والاحلى انها مش بتجوع خالص وبشعر انى خفيفه فى اى حاجه بعملها

  90. غير معروف

    والله انا شايفه حلو جدا

  91. شيماء درويش

    والله انا شايفه حلو جدا

  92. غير معروف

    ينفع عادي

  93. بط ورقاق ورز وقلقاس

  94. غير معروف

    ربنا يباركلك يااااارب علي الا بتعمله معانا …..
    بس نفسي اقدر امشي علي رجيم واوظب عليه ….
    ادعولي والنبي …. 🙏😍😍

  95. غير معروف

    اسمي …..ام يوسف

  96. بالتوفيق يا دكتور ممكن آكل بليل خس أو خيار عند الجوع

  97. غير معروف

    طيب عاوزين ريجيم للاوزان الأقل من 50 كيلو وايه هو الدايت نظامه لاني مش عرفه شكرا مقدما

  98. غير معروف

    رح بلش من بكرا معكن نشالله

  99. غير معروف

    دكتور احمد انا هاابدا بكرة مع النظام الجديد ودا اول اسبوع بالنسبالي وان شاء الله ابقي اد التحدي وياريت اعرف اشرب ايه علي الريق وايه نظام دايت الصيام وانا بصوم اثنين وخميس امشي وجبة الغدا كانها فطاري وتحياتي لحضرتك ووزني 90ك

  100. سما نصار

    انا جديده ف الجروب متابعه من امبارح بس ان شاء الله انا ف التحدى وزنى 78 وانا عندى الغده الدرقيه خامله وان شاء الله يكون خير اتمنا التوفيق للجميع

  101. ام عمرو السعدنى

    ان قبلت التحدى وزنى ١٢٠وطولى١٧٣وربنا يجعله فى ميزان حسناتك

  102. غير معروف

    لو سمحت يادكتور لو انا بدأت من يوم الاتنين امشى على النظام ازاى وارجو الرد سريعا

  103. دكتور انا ٧٧ كيلو وطولي ١٥٦ وسني ٢٩ وعملت دايت شهرين خسيت ٥ ك بس جالي اكتئاب ورجعت تاني وانا قبلت التحدي

  104. غير معروف

    انا حبدا الريجيم باليوم الفري

  105. اميره بنقابي

    ماشاء الله عجبني بس هو بيخسس عضلات ام دهون فقط؟؟

  106. سمك مقلى

  107. جزاك الله خيرا يادكتور علي الرجيم
    ومش حاسة خالص اني محرومة
    خسيت في أسبوعين 4كيلو
    ولسة هستمر للوصول للوزن اللي عايزاه

  108. طب.لو بصحا بدري.لولادي علشان المدرسه وهنام تاني اكل حاجه قبل منام وله اما اصحي

  109. انا يا دكتور راح اعمل يوم مشروبات بس

  110. غير معروف

    ربنا يخليك یادکتور ومنتحرمش منک

  111. غير معروف

    بيتزا

  112. وداد احمد

    بص يابرنس انا مش كذابه انا بوزت الرجيم ٣ ايام لأنى بشتغل طول النهار فوالنبى خلى بالك منى الاسبوع اللى جى واوعدك امشى مظبوت..عموما انا بشكرك جدا ربنا ميحرمنا منك ابدا

  113. غير معروف

    دكتور لو سمحت هو الأرز البيتي نفس سعرات الأرز العادي

  114. غير معروف

    دكتور لو سمحت هو الأرز البسمتي نفس سعرات الأرز العادي

  115. شكرا على مجهودك دكتور احمد

  116. غير معروف

    مكرونه باشمل
    جزآك آلله خيرا على مجهود حضرتك

  117. اهلاً دكتور
    اول مره اعمل ريجيم بحياتي لان وزني زاد بعد ثلاث ولادات
    واول ريجيم هو ريجيمك و من 78.400 الى 75.800 بمعدل حوالي 400 غرام يوميا
    التزمت و النتيجه مفرحه الحمدلله و بكره اليوم الفري حدلع نفسي ☺️☺️☺️
    مستنيه ريجيم شهر ثلاثه

  118. ام ياسمين مصر الشرقيه

    انا سيده عندي ٥٩ سنه وطولي ١٥٦ ووزني ٩٠ ك ـوالضغط عندي احيانا عالي ومفيش علاج بخده وكام مره اعمل رجيم ومش اكمل واتخن وازيد اكتر من الاول نفسي تقولي على وصفه او علاج لسد الشهيه مع برنامج الدايت هو برنامج الدايت ممتاز واكون عاجزه عن الشكر والتقدير

  119. دكتور هي الرياضه او المشي شئ اساسي مع هذا النظام وان كان المشي اساسي لاكن انا معنديش فرصه للمشي يبقي ايه البديل وشكرا لحضرتك

  120. دكتور لو سمحت الرياضه او المشي ضروري مع هذا النظام وان كان ضروري لاكن انا معنديش الفرصه للمشي فيكون ايه البديل

  121. اناا وزني 70 كيلو وهوزن يوم السبت اشوف بقيت كام بس مش هعمل ڤري بكره عشان يوم الاربعاء كناا عملين كشري وكلت طبق فاا مش هعمل بكره خلاص بس هوزن بعد بكره وربناا يسعدك يا دكتور ✌❤❤

  122. غير معروف

    ربنا يبارك فى حضرتك

  123. روضة النجار

    علاغلب بيتزا

  124. روضة النجار

    بكرة الفري سمك مقلي

  125. شكرا دكتور على التفاني في العمل

  126. لو لو محمد

    😍😍😘😘

  127. قبلت التحدي

  128. غير معروف

    طب ايه بقا
    واللب والشيتوس والساقع والايس كريم…. انا مش مهم عندي اي اكل ف الدنيا… انا دا المهم عندي 😭😭

  129. غير معروف

    ممكن حد يقولي اعلق ازاي

  130. دكتور هل ينفع اليوم الفري يكون يوم الخميس بدل الجمعه ياريت ترد عليه

  131. استاذه إيمان

    انا مش باكل اى حاجه من منتجات الألبان اعمل ايه يعنى جبنه وزبادى ولبن اخد بدلهم كلهم بيض

  132. غير معروف

    هههههه

  133. الدايت كتير سهل انا صرت نازلة اول اسبوع ٢ كيلو والاسبوع التاني اليوم نحنا اليوم التالت نازلة كيلو شكرا دكتور

  134. غير معروف

    وانا مثلك بالزبط

  135. امواج محمد

    فريه هيكون محشي وبط والحلو تورته من صنع ايدي هي قطعه بس كبيره شويه 🙈🙈🙈انا معنتش بخرج لاهلي غير ف يوم الفريه😂

  136. كابتن محمد

    الحمد لله نزلت الأسبوع دة مايقرب من ٦ كيلو بس مع النظام في رياضه ومش وحرق شكرا دكتور احمد

  137. شيماء الخطيب

    انا عشان لغبط فى النص الاسبوع فى هعاقب نفسى مفيش فرى

  138. اشكر مجهودك وشرحك الرائع

  139. شكرا يادكتور على مجهودك الحمدلله انا خسيت 6كيلو لي اسبوعين ومكمله معاك ان شاءالله ممكن في يوم الفري اكل سمك مقلي وبيتزا 3قطع والتحلية ايسكريم🙊

  140. غير معروف

    قبلت التحدي السلام عليكم ورحمة الله وبركاتة لو سمحت يادكتور هوا لاذم رياضه او مشي اثنا الرجيم اغلب السمنه في للمناطق الثفلي مع العلم اني سويت خمسه قيصريه وانا مكمله معاكم ان شاء الله تنصحني بليله يادكتور عشان ينزل دهونالجسم كله

  141. لينا جيوسي

    دكتور انا بدات معكم من يوم الثلاثاء اكمل بلبرنامج ولا اعمل فري ومشي بعدهة على البرنامج الجديد بدات معاكم بوزن 71و900جرامو وزت الصبح كان 70ثلث ايام نزلت1900شكرا الك يدكتور نضامك رائع جدا

  142. مشتافه للجنه

    قبلت التحدى

  143. سارة الدسوقى

    وانا جديده وقبلت ادخل التحدى وواثقه ان شاء الله ف ربنا ثم فيك ان هوصل للوزن المثالى ال بتمناه يادكتور
    ومبدائيا كده انا حابه اشكرك ع مجهودك وربنا يوفقك

  144. غير معروف

    الله يخليك يادكتور ويقدرك على فعل الخير هاد الاسبوع التاني لي وان شالله مكملة معك

  145. غير معروف

    الف شكرا يادكتر

  146. غير معروف

    بتمنى اخس انا كمان يا دكتور ممكن تساعدني
    انا هبدا الدايت بتاع حضرتك من بكره أن شاء الله
    ياااااااااااارب اخس بقى

  147. اني اعزمك دكتور بس ياترى تكدر تجي على العراق 😊😊😊😊🤗🤗🤗

  148. بجد أحلى دكتور وكلامك من دهب
    وانا أنشأ الله هلتزم بيه

  149. طب ي دكتور انا بدأت الدايت من يوم السبت ينفع اكل ف اليوم الفري ده ولا ايه؟؟؟

  150. خلود خالد

    دكتور لو سمحت انا كنت ماشيه ع رجيم بقالى ٣ اسابيع انا خسيت بس نش زى ماكنت فكره خسيت تقريبا حوالى ٦ كيلو او ٧ كيلو بس فاانا عاوزه اكمل ع رجيم حضرتك ينفع اكمل عليه ولا ابدا من الاسبوع الجديد ؟

  151. ةالله انا حناكل رشتة يا بنت بلادي

  152. جيهان فايز

    اولا حضرتك دمك خفيف جدا🌹ثانيا انا في حياتي ما شفت رجيم مبسط وخفيف وشجع للدرجة دي..ان شاء الله انا هبدأ مع حضرتك..وعندي ثقة كبيرة في الله اولا ثم في حضرتك والانظمة بتاعتك..واول ما اعمل الجلاش هقولك 😉🌹

  153. غير معروف

    ربنا يسعدك يا دكتور والله أنا عملت رجيم قبل كدة مع دكتور كان الإفطار يوم كامل أكل خضار يعنى خيار خس والتانى يوم كامل فاكهة بس فيه فاكهة كتير ممنوعة والثالث فاكهة وخضار والرابع فراخ مسلوقة من الفطار والغدا والعشا
    والرابع سمك مشوى برده فطار وغدا وعشا اليوم الخامس والسادس نكرر فيهم الأول والتانى يعنى كان حرمان تام

    لكن حضرتك الله يباركلك مش قادرة اوصف لحضرتك شعورنا كلام والله يا
    دكتور اقد ايه معجبين برجيم حضرتك ومن أول أسبوع الماضى خسيت فيه 5كيلو ربنا يسهل فى الأسبوع دة

  154. انا لسه بادئ دايت من يوم السبت والحمد لله فى خمس ايام بس نقصت نسبة الاكل تماما وماشى ع الدايت ومغيش اى تعب ربنا يوفقك يارب

  155. غير معروف

    أيوة هو ينفع أى شخص بس لازم تقرأى التعليمات علشان لاقدر الله لو تعانى من حاجة مثل السكر أو…. أى حاجة 👍

  156. طب انا جسمي ثابت ومبينزلش
    اعمل اى؟!!

  157. دعاء احمد

    لو سمحت يا دكتور انا طولي ١٦٥ ووزني حاليا ٨٠ للأسف وجربت كذا مرة اعمل دايت لكن فشلت لاني غصب عني بحب الاكل بس فعلا بطني اتنفخت فجأة وبقيت باكل كتيير ومنظر جسمي بقا وحش جداا بجد ونفسي اخس وبكون وزني ٦٥ زي وزني… وان شاء الله هبدأ ف الدايت بتاع حضرتك من بكرة ان شاء الله ويارب اخس

  158. غير معروف

    هو انا ممكن اكل رنجه في الفري

  159. رمال لافي

    انا وزني ٥٧
    متحمسه كتير انزل لو ٥ك
    يارب

  160. ام مروان

    الدكتور الفرفوش رزق والله انت عسل

  161. وانا يسأل نفس السؤال

  162. أحلى دكتور أنا رحابت ي بكرة الدايت لشوف شو رح يصير معي

  163. شكرا جدا لحضرتك وادعلنا نستمر

  164. ممكن اترك طبق الخضار اللي في جدول الغداء واكتفي بالسلطة مع باقي المسموح ضمن الجدول

  165. سالي سعيد

    النظام ده ينفع للرضاعه ولا الرضاعه ليها نظام خاص

  166. مدام رودى

    انا اول مرة فى حياتى احاول اعمل رجيم او اخس لان دايما كان وزنى مناسب بس بقالى خمس شهور فى زيادة لحد ما بقى وزنى 85 المشكلة انى مش جسمى كلة مش تخين انا بتخن من منطقة الارداف بس انا طولى 176 ووزنى حاليا85 انا عاوزة انزل 10 كيلوا فى اقرب فرصة انا بدات رجيم من يوم الاحد وبمشى ساعة هل فى حاجة تانية ممكن تتعمل غير كدة

  167. غير معروف

    شكرايادكتور🌹

  168. غير معروف

    لوسمحت يادكتورعوزه اخدالفطار هو الى فرى ينفع بليز ترد عليا

  169. يادكتور الاقباط عندنا صوم من يوم الاتنين لمدة ٢٥يوم ممنوع اكل البيض واللبن واللحوم والجبن…ايه نظامنا اللى هنمشى عليه

  170. ام عبد الله

    اقسم بالله لو قريب منى فى البلد لاعزمك كل يوم فرى بعمل احلى محشى واحلى قلاش حلو وحادق

  171. غير معروف

    خلاص كشري كلمتك ما تنزلش الارض ابداً يا دكتور احمد 😂😂😂😂😂😂

  172. ي دكتور انا وزني ٨٠كيلو وطولي ١٦٢وسني١٤سنه ولسه هبدا الرحيم من بكره في يا تتوصى بيا وانا شهيتي على الاكل كبيره جدا

  173. ياريت

  174. غير معروف

    عملتي رياضه ولا بس رجيم؟؟

  175. ليمار محمد

    شكرااا الك والله نادر هالبرنامج انا عملت ريجيم ٣ اشهر نحفت شي ١٩ كيلو فرحت كتير قام رجعت اكل ما ستفدت انا ما بنصح هيك حتى لو ما بقاش تعملي دايت انضبتي شوي في الاكل احسن شكرا الك دكتور 🥰🥰

  176. ليمار محمد

    أنا بستعين في مشروب كمان جبته من عند العطار بشربه الصبح وقبل الاكل ٤ مىات بالنهار استفادة ونتأج لا تصدق

  177. السلام عليكم دكتور إني أسمي علا من العراق أريد أضعف بس شهيتي على الاكل كلش مفتوحة يعني ما اكدر اصيطر على روحي شسوي ساعدوني اني طولي 169 ووزني 83 وبديت يوم الاربعاء يعني اكدر اسوي يوم ااجمعه فري

  178. غير معروف

    السلام عليكم دكتور ومشكور على كل جهودك وبارك الله فيك وعلا وبعد ما أنجزنا 14رجيم المبتدئين بنجاح ونزل وزني 2ك والحمد لله عاوزة اكمل معكم ممكن اعرف كيف🌻🌻🌻👍👍👍

  179. السلام عليكم دكتور ومشكور على كل جهودك وبارك الله فيك وعلا وبعد ما أنجزنا 14رجيم المبتدئين بنجاح ونزل وزني 2ك والحمد لله عاوزة اكمل معكم ممكن اعرف كيف🌻🌻🌻👍👍👍

  180. هل مسموح في الريجيم التبديل بين الوجبات ؟؟؟؟

  181. نوره الشعواطى

    انا بكرة صيام بأذن الله هفطر شاورما فراخ لذيذة اوى بالطريقة اخدتها من الجروب حلو ولا ايه

  182. ماشاء الله عليك يادكتور قاعدةلستفيد منك نصايحك

  183. طبعا الدكتور كتير بغاوز يعني ازا ما كنتي حدا بعرفه ما تتوقعي يرد ع تعليقاتك 😉

  184. ههههههههه

  185. ربنا يخليك يا دكتور لان النظام الاسبوعي مع الخيارات عم يساعدونا كتير ربنا يخليك لينا يا دكتور بجد انت راااااااائع 👍👍

  186. ممكن فسيح فى اليوم الفرى وراضيه انى ما اكلش حلويات خالص عادى

  187. هاجر الحفناوى

    النظام تحفة يادكتور بس ينفع اكل جلاتى وله بليزززز 😭😭😭😭 ينفع ؟؟ 😁😁

  188. منة الله

    يا دكتور انا فى اوله ثانوى ووزنى ٦٨ كيلو وعايزه اخس والنبى 😭😭😭 ممكن انا امشى على النظام ده وله لناس اكبر 😁😁

  189. اسلوبك حلو بالكلام ويشجع ادعولي اكدر اخلي ماما تسوي هذا الدايت واني هم شويه …..بس لو سمحت يادكتور اني وزني ٥٩وطولي ١٥٨ وعمري ٢٩ يفيديني هذا الرجيم لو اقلل بعد بالكميه اللي انت ذاكرها؟

  190. الوردة البيضاء

    شكرا الك دكتور والله اني خلال هذه الاسبوع نزلت 4كيلو وشجعت اهلي واهل هم ستمرو وياي من بدايت الاسبوع وهم نزلو 4كيلو الف شكرليك يادكتور

  191. Awesome things here. I’m very glad to peer your article.

    Thanks so much and I’m looking ahead to contact you.
    Will you please drop me a e-mail?

اترك تعليقاً

لن يتم نشر عنوان بريدك الإلكتروني.