تحلية دايت ليوم فري بدون ثبات في الوزن

اليوم الفري أحد أسباب ثبات الوزن، لما بنتعامل معاه، بطريقة إننا ممكن نآكل فيه كل حاجة في أي وقت، وده طبعاً مفهوم خاطئ عن اليوم الفري.

رجيم صحي

كل ما كنت عارف تتعامل صح مع اليوم ده، هتقدر تستفيد منه نفسياً من ناحية إنك تآكل حاجات محروم منها، أو بمعنى أصح تصبر نفسك طول الـ 6 أيام بإنك هتفصل شوية في اليوم السابع.

وتقدر كمان تستفيد من اليوم ده في إنه يرفع معدل الحرق، للأسبوع اللي عليه الدور في الرجيم.

لو مش عايزة تخربيها أوي في اليوم الفري، جبت لك وصفة بسيطة جداً من ناحية التحضير والسعرات تقدري تعمليها في اليوم ده.

المقادير

  1. كوب حليب خالي الدسم
  2. ملعقتين سكر دايت “ملعقتين صغيرين”
  3. ملعقة كبيرة عسل نحل
  4. ملعقة كبيرة نشا
  5. رشة فانيليا
  6. 4 ثمرات موز

الخطوات 

تخلط كل المكونات في إناء على النار، ماعدا الموز ثم نقلب، إلى أن نحصل على قوام متماسك، ثم نرفعه من على النار.

يقطع الموز ويرتب في كاسات أو في طبق للتقديم، ويصب عليه الخليط السابق، وشرائح موز على الوجه، ويقدم بارد.