حل الجوع أثناء الرجيم
أسهل طريقة للتخلص من الجوع أثناء الرجيم

التخلص من الجوع أثناء الرجيم بسهولة

الجوع يظل أكبر مشكلة يواجهها أي شخص يتبع نظام غذائي لإنقاص الوزن، تشوف رجيم كتير قبلك طبقه ونجح إنه يخس عن طريقه بصحة وأمان، وتتشجع بشكل كبير جداً، لكن تقابلك مشكلة الجوع والشهية المفتوحة تمنعك من إنك تواصل في مشوار الوصول للرشاقة وتحقيق الوزن المثالي.

طيب بنفطر ونتغدى ونتعشى، وبغض النظر عن أوقات الوجبات الرئيسية، برضو بنحس بالجوع، في شخص بيقدر يتخطى وقت الجوع ده بقوة الإرادة، وشخص تاني للأسف بيروح لأكلات تضيع إلتزام يوم كامل، يبدأ يلغبط بقى وزي ما إحنا عارفين على أمل أنه خلاص هيبدأ يعمل رجيم من بكره، وشخص تالت بيعمل اللي هنقوله دلوقتي.

النهاردا هنتكلم عن حاجتين مهمين جداً لو بدأتي في تطبيقهم هيفرقوا معاكي ويسهلوا عليكي الموضوع جداً، وإن شاء الله هتقدري تعدي يوم ورا الثاني بدون معاناة وبنجاح، الحاجة الأولى شرب الماء بكثرة على مدار اليوم، ودي محتاجين ليها جداً بالذات في فترة الصيف، بمعدل من 2 إلى 3 لتر يومياً، والحاجة التانية هي تناول (الخيار أو الخس) عند الشعور بالجوع.

الخيار والخس من الخضروات منخفضة السعرات الحرارية، والغنية بالألياف التي تعزز الشعور بالشبع وتحد من الجوع، علشان كده لازم نوفرهم عندنا خلال إتباع الرجيم، ثمرة خيار أو ما يعادل اتنين كوب من الخس مع كوب عند الجوع، هتشبعي جداً وبدون سعرات حرارية تذكر، السعرات الحرارية في 100 جرام خس تساوي 14 سعر حراري، والسعرات الحرارية في 100 جرام خيار تساوي 16 سعر حراري.

طيب لو بتعملي صيام متقطع ومش هينفع تآكلي خلال الـ 16 ساعة صيام، إضغطي على كلمة (مشروب سحري أثناء الصيام المتقطع) الموجودة بين القوسين والملونة باللون الأحمر، هتلاقي الحل إن شاء الله.

الأكل الغني بالألياف وبالتأكيد المحضر بطريقة صحية يفيدك، ليس فقط في تقليل الشعور بالجوع، بل يفيد الجهاز الهضمي بجيث يسهل على المعدة والأمعاء الوظائف الهضمية، ويمنع الأعراض التي قد تحدث بين الوجبات الرئيسية، اضطرابات الجهاز الهضمي، المغص والانتفاخ والآلام المعوية والإمساك وغيرها من الأعراض التي قد تحدث بسبب الأكل الغير صحي.

في حالات معينة من مرضى القولون العصبي، قد تزيد الأطعمة الخضراء الغنية بالألياف من اضطرابات الجهاز الهضمي، فهي بالفعل تقلل الشعور بالجوع لكنها قد تزيد الأعراض الهضمية سوءا.