الرئيسية / استفسارات / الدوخة والصداع والهبوط أثناء الرجيم .. ما الحل؟

الدوخة والصداع والهبوط أثناء الرجيم .. ما الحل؟

مساء الخير على كل متابعين دايت كلينيك الكرام، أتمنى أنكم تكونوا في تمام الصحة والعافية بإذن الله، النهاردة موضوع مهم جداً جداً أكيد هيفرق معاكم طالما قررتم تعملوا رجيم وتتخلصوا من السمنة بصحة وأمان.



لازم تفهموا كويس إن الرجيم بكميات الأكل القليلة اللي فيه والنوعيات دي عمرها أبداً ما هتكون مضرة للصحة، لكن في ناس كتير أول حوالي 10 أيام في الرجيم بيظهر عندهم بعض المشاكل اللي بتوصلهم إنهم يكرهوا الرجيم ويسيبوه.

المشكلة الأولى متعلقة بالنشاط .. هتحسي مع الرجيم إن نشاطك قل ومش قادرة تواصلي اليوم أو تعملي المطلوب منك بنفس القوة اللي كنتي فيها قبل الرجيم، وده سببه إنك بتكوني قللتي كمية الأكل اللي المفروض تدخل جسمك زيادة عن اللزوم، والحل بسيط جداً لو حسيتي إن النظام المكتوب ليكي قليل جداً جداً جداً عن نظام أكلك المعتاد، مفيش أي مانع أنك تزودي الكميات على مدار اليوم بمعنى لو مكتوب 2 بيضة أونتي خدتي تلاته مفيش مشكلة لو العشاء كوباية زبادي وأنتي خلتيهم إتنين مفيش مشكلة، وكذلك السناك لو قليل أوي ثمرة واحدة فاكهة .. خليهم إتنين.

بس بلاش نتلكك ونزود الكميات عمال على بطال، أنا بتكلم في حالة إن أكل الرجيم قليل بكتييييييير عن نظام أكلك المعتاد، علشان لو قعدتي تزودي كده في الأكل بدون مبرر مش هتخسي أصلاً.

الحاجة التانية الصداع، وده طبعاً بيحصل لكتير مننا في بداية الرجيم، والسبب ببساطة تجاهلنا لشرب الماء، بالتالي طالما قررتي تعملي رجيم بلاش اليوم يعدي من غير شرب 8 أكواب ماء على الأقل.

مشكلة الدوخة والهبوط تتلخص في تلات أمور:- 

قلة سكر الدم .. 

مع الرجيم خاصة في البداية بيكون الجسم مش متعود على كمية السكر القليلة دي بالتالي بتهبطي بسرعة وبتكوني دايخة أول ما تبدأي تعملي رجيم .. والحل ببساطة لو سكرك قل تروحي على برطمان المربى أو العسل الأبيض تاخدي معلقة أو تأكل ثمرة فاكهة .. وعلشان تعرفي ان فعلاً المشكلة في قلة السكر هتلاقي نفسك مش طايقة حد ومتوترة وممكن كمان تلاقي جسمك فيه رعشة بسيطة.

 

انخفاض الضغط .. 

مشكلة كمان بتواجه كتير مننا في بداية الرجيم، علشان تعرفي ان المشكلة دي عندك هتلاقي نفسك بعد فترة من الجلوس أو النوم .. تيجي تقفي تلاقي نفسك دايخة وعينك مش شايفة كويسة، أو شايفة حاجة لونها أسود مزغللة، في الحالة دي تهتمي ان نظامك يكون فيه مخلل ولكن بكمية قليلة، وكمان تحاولي من وقت للتاني تنامي على ضهرك وترفعي رجلك على خشبة السرير.

الأنيميا .. 

أكتر مشكلة ممكن تسبب الهبوط والدوخة أثناء الرجيم وطبعاً بتعرفي إن عندك أنيميا بالتحليل، والعلاج بيكون بالأدوية وكمان الإهتمام بالأكلات الغنية بالحديد زي السبانخ والعسل الأسود والكبدة وغيرها ..

 

هل أفادك الموضوع ؟

عن د/ أحمد منصور

69 تعليق

  1. 💪💪💪💪💪💪💪💪💪🙏🙏🙏🙏🙏🙏🙏

  2. غير معروف

    فادني كتير لانو نفس الحاله وكتير منيح انك حكيت عن الموضوع منتشكرك كتير

  3. ماشيه على النظام بقالى 3 ايام بس مشكلتى انى بسهر جداااااااا و بهبط ايه الحل لو سمحت يا دكتور

  4. عبير كامل

    شكرا يادكتور علي تعبك معانا
    كنت عايزه اعرف ايه بديل الكركديه للناس الي ضغطها واطي
    وليه بخس ببط
    بشوف ناس كتير بتخس كيلو واكتر ف الاسبوع وانا خسيت ف 5اسابيع 3ونص

  5. ممتاز دكتور عايزة نوع شيكولاتة دارك

  6. معلومات قيمه
    جزاك الله خيراً

  7. ابوه جداا والله ربناا يباركلك يا دكتور فعلاا اناا حاسه اني دماغب وجعاني اووي متشكره جداا بجد اناا كنت لساا دلوقتي بقول مش قادره دماغي وجعاني متشكرين ليك جداا ربنااا يخليك لينااا

  8. اخيرا عرفت سبب التوتر واني مش طايقه حد طيب كويس عرفت هعمل ايه 👍😁

  9. الله يعطيك ليرضيك يارب والله يادكتور اجا الموضوع في محله متل ما بقولوا حطيت ايدك على الجرح لاني الان اعاني من صداع ووجع في الراس وامبارح كمان كنت مش طايقه اي حد وفعلا كنت بدوخ وعدم تركيز واتزان لهيك انا بشكرك كتيييير

  10. رجاء اليمن

    يعطيك العافيه دكتور افدتني كثير
    وانا من الاسبوع الاول حاسه بدوخه وصداع والم بالمفاصل
    مع مرور الايام بدا يقل وسعيده جدا ببالمتابعه والتحدي احسست براحه نفسيه وجسمي اخف
    الله يسعدك ويحقق لك كل ماتتمناه

  11. فادني جدا يادكتور الله يسعدك

  12. غير معروف

    دكتور وزني في البيت غير عن وزني في المستشفى يا ترى الملابس بتنحسب في ميزان المستشفى ؟؟

  13. انا وزني 89 وطولي 156 وسني 26
    وانا بلعب رياضه بس انا اول ما لعبت رياضه كان وزني 88 دلوقتي بقالي شهر بلعب رياضه بزيد بس شكل الجسم ينزل بس الميزان زايد مش عارفه بقى اعمل ايه

  14. جزاك الله خيرا ربنا يكرمك
    افادني كتيييييييير
    ربنا يجعله في ميزان حسناتك

  15. دكتور اول اسبوع للصيام المتقطع نزلت 5كيلو
    الاسبوع الثاني زدت كيلو
    الاسبوع الثالث الوزن ثابت
    مع اني ملتزمه بالنظام
    بس الحلو يوم الجمعه بخليه الليل مش الظهر

  16. لو سمحت دكتور ممكن تنصحني اعمل ايه
    اول اسبوع للصيام المتقطع نزلت 5كيلو
    الاسبوع الثاني زدت كيلو
    الاسبوع الثالث الوزن ثابت
    مع اني ملتزمه بالنظام
    بس الحلو يوم الجمعه بخليه الليل مش الظهر

  17. جزاك الله خيرا يا دكتور احمد ع اهتمامك وتعبك معانا

  18. انا لسه بادءه الرجيم معاكوا ممن اعرف لو ينفع اشرب عصير برتقال في فتر ه الصيام

  19. رؤى محمد

    اكيد ف افادة كبيرة متشكره اعظم دكتور

  20. احلام فنزويلا

    مفيد جدا

  21. غير معروف

    شكرا جدا يا دكتور انا كنت محتاجه الكلام ديه

  22. ام محمود

    لو سمحت يا دكتور كنت متعوده اكل الزبادي قبل النوم على طول ينفع ولا لازم خمس ساعات قبل النوم بدون اكل خالص وشكرا جزيلا لحضرتك على المعلومات القيمه

  23. غير معروف

    انا معكم بالدايت من شهر و نص نزلت 9 كيلو .. لكن من يومين احس بدوخة طول الوقت و هبوط و اكتئاب .. عملي صعب لاني طبيبة .. و اقوم بالتعويض بحاجة حلوة او ملعقة جبنة فيتا لرفع الضغط .. لكن هل الرجيم يكون عبارة عن حالة مرضية من هبوط الضغط و السكر .. كيف يمكنني جعله نظام حياة !

  24. كتير حابه التزم بس ارادتي ضعيفة ومل اسبوع بقول رح ابدا قولو شو اعمل انا نفسية تعبانه كتير وزني ٦٧ بدي انزل لل٥٨

  25. يعطيك العافيه يا دكتور دايما بتفيدنا شكرا الك
    من غير ما نطلب مين ادنا

  26. سميرة سعيد

    بارك الله و جزاك الله فردوسه الآعلى

  27. سوما الترهوني

    يسلمو يا دكتور بس حابه أسألك عادي أكل برتقال برتقالتين باليوم

  28. غير معروف

    طيب انا لو مريض سكر ومش عارف اوازن بين مستوى السكر و قله الاكل اعمل ايه

  29. سهام hayatelrouh

    اااكيد .. ربنا يبارك ف حضرتك

  30. زينب متولى

    ف حاجة تخلى نفسى مسدودة عن الاكل شوية

  31. لو سمحت يادكتور انا والدة بقالي اربع شهور وبرضع طبيعي عايزة نظام ينفع مع الرضاعة

  32. برنامج سهل التطبيق نأكل من جميع الأصناف ونسخ انا نسيت 4كغ 2اسبوع كان وزني 74 وصار 70

  33. فادني كتير فعلا مشكله الضغط هي اللي بتقابلني وكميه الطعام ياريت لو في فيديوهات محفزة ع الدايت وتمارين صحيه

  34. ام حبيبه

    صباح الخير دكتور انا جديده معاكوا انا برضع بدات رجيم مع نفسي خسيت ف ٣شهور ١٥كيلو فقط كنت ١٠٨حاليا ٩٣وثابته ع كده مش عارفه اكسر ٩٠ممكن نظام ينزلني وميضرش البيبي عمره سنه

  35. ام محمود

    ممتاز يا دكتور كل دة عندى والله

  36. اميمة البدري

    اول يومين ليا وفعلا صدعت وفعلا ماشربتش ماية كويس

  37. جزاك الله كل خير بجد حضرتك رائع

  38. شكرا على التطبيق انا من الجزائر واعجبني الدايت لانت كاتبو لكن في مشكلة عندي انا في الفطار اشرب حليب بدون سكر مع شوية قهوة بدون سكر لا استطيع ان أتخلى عنه أعطني الحل من فضلك

  39. يادكتور حضرتك مش برد ليه كتبت لحضرتك السؤال 100مره😈😈

  40. انا ازن 76 و طولي 1.53واعاني من الم حاد في الركبة واعمل تلرياضة يومين في الاسبوع وانا اقبل التحديمن اليوم

  41. دكتور انا مسوية رجيم والعب رياضة بالبيت من حوالي ٣ اشهر بس ينزل وزني بطيئ كلش وصارلي يومين اتبعت رجيم كلينيك ون شاء الله مكملة وياكم بس حابة اعرف عادي اترك الرياضة لو ضرورية هم ترهلات بالجسم بلا رياضة لو عادي جان وزني ٦٥ وهسة ٥٧

  42. شكرا بادكتور انت اليوم جاوبت على اسئلتي اذا جعت واذا حسيت برغبة بالسكر واذا حصل هبوط كأنك موجود بفكرنا …انا جربت الاسبوع من 23 الى 29 خلال اربع ايام نزلت كيلو ونص ممتازين ويارب يزيدو لآخر الوقت المحدد ..المهم انو طريقة الريجيم كتير ظريفة ولطيفة وابدا مافيها ازعاج او امساك متل بقية الريجيمات .تحياتي وشكرا كتير لجهودك

  43. غير معروف

    شكرا يا دكتور على المعلومات القيمه

  44. طبيب اعرف ازاي أن جسمي بداء يخس

  45. طبيب اعرف ازاي أن جسمي بداء يخس

  46. ربنا يوفقك ويكرمك ويسعد قلبك وايامك

  47. ربنا يوفقك ويكرمك ويسعد قلبك وايامك

  48. دكتور انا ام لطفل دون السنتين ف بصحى كثير بالليل ومابنام كفاية ولما فيق بحس انو لازم اكل سكر او فواكه طبعا انا بشرب مية او حبة فاكهة صغيره
    شو السبب ياريت تجاوبني

  49. دكتور انا ام لطفل دون السنتين ف بصحى كثير بالليل ومابنام كفاية ولما فيق بحس انو لازم اكل سكر او فواكه طبعا انا بشرب مية او حبة فاكهة صغيره
    شو السبب ياريت تجاوبني

  50. ام عبد الله

    جزاك الله خيرا

  51. جزاك الله كل خير يادكتور انا لسه جديده وان شاء الله همشى على النظام من بكرة

  52. غير معروف

    السلام عليكم جزاك الله عنا خير الجزاء انا فعلا بحس بنفس الاعراض ال في ضغط ونسبه السكر فى الدم وكنت وزنى 112وحاليا 95من اسبوع كده وطولى 173 هل انزل اد ايه كمان لان انا بدات اضعف مش للاكل جسمانا وحسه بهزلا بعد ما كنت في قمه النشاط في اول 12كيلو بعدهم كل اما اخس كيلو يبان جدا جدا

  53. ام ريتال

    بصراحه المقوله دى مفيده جدا انا خسيت من 96 ل 71 و تعبت و هبط و سكرى واكرى و ضغطى واطين بذلت الضغط مبيترفعش عن 80 على 50 معظم الوقت و النتبجه انى سبت الرجيم خالص و حاليا 98 و. نفسيتى بئه ذى الزفت و مش عارفه ابدأ تاتى ولا عندى عزيمه ولا اراده



اترك تعليقاً

لن يتم نشر عنوان بريدك الإلكتروني.