صينية سمك دايت
سمك دايت

لرجيم بدون حرمان.. طريقة عمل صينية سمك شهية تناسب الدايت

السمك من أكثر الأكلات اللي بفضلها في الرجيم، علشان فوائدة الصحية، وسعراته المناسبة، والأهم إن طعمه لذيذ وبيفضله أغلبنا، يعني إحنا أصلاً من غير رجيم، معظمنا بيجيب السمك على الأقل مرتين في الأسبوع.

رجيم صحي

طريقة عمل صينية سمك صحية بسهولة

صينية سمك دايت
صينية سمك دايت

 

المقادير

مطلوب (9 سمكات بلطي، خلطة بطانة الصينية، خلطة حشو السمك، وخلطة تتبيل السمك)

يعني معانا تلات طبقات

الأولى:-

  • 3 ثمرات طماطم مقطعة شرائح
  • 2 بصلة متوسطة مقطعة شرائح
  • 3 حبات فلفل رومي مقطعة شرائح
  • ملعقة ملح صغيرة
  • ملعقة كمون صغيرة
  • ملعقة كبيرة “ثوم مهروس”

 

الثانية (حشو السمك):-

  • ملعقتين ثوم مهروس
  • ملح وكمون
  • عصير ليمونة كبيرة

 

الطبقة الثالثة:-

  • معلقة ثوم مهروس، وملح وكمون
  • 2 ثمرة طماطم مقطعة “مكعبـــــــــــــــــــــــــــات صغيرة”
  • 2 فلفل رومي مقطع “مكعبــــــــــــــــــــــــــــــــــات صغيرة”
  • بصلة واحد متوسطة مقطعة مكعبات صغيرة

 

خطوات التحضير

الخطوة الأولى

أول حاجة هننضف السمك كويس (نشيل القشر والخياشيم)، ونغسله كويس، ونسيبه في مصفاة عليه رشة ملح، علشان ينزل “المياه الزيادة”، وبعد كده هنفتح ضهر كل سمكة ثلاث فتحات، ونتبله بملح وكمون ولمون، ونسيبه ساعة في التتبيلة.

الخطوة الثانية

نقلب الطماطم الشرائح مع البصل والفلفل الشرائح مع التوم والملح والكمون جيدا ونفردهم فى الصينية.

الخطوة الثالثة

بالمعلقة هنخلط الطماطم المقطعة مكعبات مع البصل والفلفل والتوم المهروس والتوابل.

 

الخطوة الرابعة

ناخذ كل سمكة متبلة باللمون والكمون والملح نحشى البطن توم مهروس ونقفلها ونحشى فتحات الضهر بخلطه الخضروات المقطعة مكعبات ونرص السمك فى الصينية ونضع باقى الخلطة على السمك ونوزع عليهم حوالى معلقة واحدة كبيرة زيت وندخلها فرن يكون ساخن مسبقاً، ونسيبه يستوى على درجة حرارة متوسطة، هياخد تقريباً نصف ساعة، ثم تحت الشواية على درجة حرارة متوسطة إلى أن يستوي تماماً.

لو معانا في الغداء أرز (هناخد الكمية المكتوبة)، مع نصف كيلو السمك، ولو مش مكتوب أرز يبقى طبق سلطة كبير مع نصف كيلو سمك، أكلة جميلة وصحية جداً وبتشبع ومش بتتعارض مع الرجيم، دمتم بخير متابعينا الكرام.