أعشاب تخسيس الكرش
أعشاب حرق دهون البطن

أعشاب تخسيس الكرش ورفع معدل حرق دهون الجسم بالكامل

مرحباً بك متابعنا الكريم، يارب تكون بخير وفي صحة وسعادة، وتكون بتستفيد من وجودك معانا، في الواقع مع أي رجيم بينزل على تطبيق دايت كلينيك، بتسأل كتير عن أعشاب تكون فعالة وتفرق معانا خلال مشوار الرجيم، سواء بالنسبة للي متبعين نظام الصيام المتقطع أو الرجيم العادي.

رجيم صحي

لازم نفهم إن الأعشاب مش الحل السحري، للتخلص من دهون البطن أو السمنة بشكل عام، لكن هي مجرد حافز وداعم، مجرد بترفع الحرق، بجانب فوائدها الصحية اللي أغلبنا عارفها.

يعني ببساطة لو قولنا إن في حد بيعمل رجيم، وشخص تاني مش بيعمل رجيم، والاثنين بيشربوا أعشاب تحت مسمى أعشاب حارقة للدهون، أياً كانت الأعشاب دي وتركيباتها، اللي هيخس هو اللي بيعمل رجيم، لأن أساس علاج السمنة هو الرجيم، والقاعدة الأساسية للتخلص من الدهون المتراكمة هي إتباع نظام غذائي صحي، لا يؤثر سلباً على الجسم ولكن يسمح بناء على سعراته، وأصناف الأكل المضافة به، بمعدل نزول مرضي بشكل أسبوعي، في حالة إتباعه بدون لغبطة.

الشاي الأخضر

فوائد الشاي الأخضر للرجيم
فوائد الشاي الأخضر للتخسيس

 

الشاي الأخضر هو الأفضل على الإطلاق، وهو عشب أثبتت أبحاث كتير جداً فعاليته كمشروب للتخسيس، الشاي الأخضر بيحتوي على مادة البوليفينول، والمادة دي بتنتج نشاط حراري في الجسم عن طريق إنها بتحول السعرات الحرارية إلى طاقة، بالتالي مش بتتخرن في الجسم وخاصة أكتر منطقة بتضايقنا وهي الكرش على هيئة دهون.

دي أول مادة فعالة في الشاي الأخضر، المادة التانية هي الكافيين، موجودة أيضاً في تركيب الشاي، ومن فوائدها إنها بتسمح للجسم باستخدام الدهون المخزنة للحصول على الطاقة، وكمان بتحفز معدل التمثيل الغذائي أثناء فترات الراحة.

طب إزاي نستفيد من الشاي الأخضر، ونشرب كام كوباية وإمتى كمان، كل ده هتلاقوا إجابته لما تضغطوا على الجملة الموجودة بين القوسين اللي متلونة باللون الأخضر (قواعد تجعل الشاي الأخضر مشروب سحري لحرق الدهون).

 

الزنجبيل

فوائد الزنجبيل لحرق الدهون
فوائد الزنجبيل لحرق الدهون

 

الزنجبيل أيضاً من أكثر المشروبات الفعالة للتخسيس وإنقاص الوزن، عن طريق أنه بيسبب إرتفاع طفيف في درجة حرارة الجسم، وأعتقد دي حاجة بنحس بيها بعد ما نشرب أو خلال شربنا للزنجبيل، بالتالي بيزود معدل حرق الدهون بالجسم.

مغلي الزنجبيل من أهم فوائده إنه بيقلل إفراز هرمون “الكورتيزول”، والهرمون ده الجسم بيفرزه لما بنكون حاسين بتوتر أو قلقانين، مشكلة الهرمون ده إن بيسبب زيادة الوزن، عن طريق إنه بيزود تراكم الدهون حول منقطة البطن، علشان كده شربنا للزنجبيل مهم لإنه بيقلل من إفراز الهرمون ده.

الزنجبيل كمان مفيد بالنسبة للي متابعين نظام الصيام المتقطع لإنه بيساعد في زيادة الشعور بالشبع والإمتلاء لفترات طويلة، ونقدر نقول القرفة كمان بتعمل نفس التأثير عن طريق إنها بتخفص مستوى السكر في الدم، وبالإضافة لكده فالقرفة بتنشط الدورة الدموية، وبتساعد الجسم على إنتاج الطاقة عن طريق حرق الدهون الزائدة.