مفاجأة لكل المتابعين

اللي داخل مفكر ان المفاجئة دي يوم فري كمان ولا حلة محشي لا سمح الله، يتفضل يخرج من المقال 😂😂 صباحكم خير وسعادة يارب، معاكم أخصائي التغذية العلاجية دكتور أحمد منصور.

أنا كنت عامل مقال من مدة طويلة كنت بجاوب فيه على الناس اللي عايزين يعرفوا وزنهم المثالي، بحيث إنهم لما يكتبوا، الطول والوزن أنا أحسب الوزن المثالي وأرد عليهم، بس بصراحة عدد التعليقات على الموضوع ده فاق التوقعات، وكان في إقبال رهيب من كل اللي حابين يعرفوا الوزن المثالي بتاعهم وأنا مقدرتش أرد على الكل طبعاً للأسف الشديد.

المفاجئة بقى اللي أنا عايز أقولها ليكم النهاردة أنا واثق إنها هتعجبكم، إن بقى في تطبيق تابع لتطبيق دايت كلينيك موجود على متجر جوجل بلاي – التطبيق ده مش بيحسب الوزن المثالي ده، التطبيق هتكتبي فيه وزنك وطولك هيحسب لك الآتي:-

  • عدد السعرات اللي جسمك بيحرقها يومياً ..
  • عدد أكواب الماء اللي لازم تشربيها كل يوم، علشان تساعدك في نزول وزنك ..
  • الوزن المثالي اللي إن شاء الله هنساعدك توصلي ليه .. 
  • كتلة جسمك ..
  • نسبة الدهون المتراكة في جسمك ..

في ناس كتير موجودين هنا على التطبيق مش عارفين يوصلوا لجروب الفيس بوك اللي أنا عامله، علشان التشجيع، المفاجئة الحلوة بقى ان التطبيق الجديد بتاع حساب السعرات والوزن المثالي هيساعدك بكل سهولة توصلي للجروب ✅.

 

طبعاً بتسألي نفسك دلوقتي أوصل للتطبيق إزاي؟

 

بكل بساطة هتدخلي متجر جوجل بلاي، وهتكتبي في البحث كلمة

حاسبة الدايت أحمد منصور

 

هتلاقي التطبيق بتاعنا ظهر ليكي

.. بالتوفيق يارب ويارب يعجبكم.🌿

دي صورة اللوجو بتاعة التطبيق:- 

عن د/ أحمد منصور

42 تعليق

  1. وااااو هروح انزله فورا شكرا كتير دكتور

  2. جودي العش

    كل سنه و حضرتك طيب يا دكتور كونت فكرة المفاجأة أن مسموح اليوم بقطعة تورته أو جاتوة😥😥😥😥

  3. ام زكريا السروجي

    يسعد صباحك دكتور الله يعطيك العافية ولله تطبيق رائع جدا الله يقويك 👍👍👍

  4. د/ أحمد منصور

    شكراً على ثقتك فينا يا أستاذة رهف

  5. بقايا رماد

    شكرآ دكتور

  6. د/ أحمد منصور

    هههههههههههه والتطبيق مفاجأة وحشة ؟

  7. د/ أحمد منصور

    ربنا يخليكي يا أم زكريا

    شكراً جزيلاً

  8. شكراا كتير دكتور أحمد

  9. د/ أحمد منصور

    العفو

    يا أستاذة رغدة

  10. التطبيق جميل جدا يا دكتور جزاك الله خيرا

  11. اولادي نور عيني

    نزلتوا من اسبوع تقريبا التطبيق اكتر من ممتاز

  12. غير معروف

    تم التنزيل وبإذن الله هوصل لنتيجه كويسه 💪💪

  13. د/ أحمد منصور

    أشكرك شكراً جزيلاً

    ذوق حضرتك أجمــل

  14. د/ أحمد منصور

    الحمد لله إنه عجبك

    شكراً على ثقتك

  15. هههههه احلى حاجة انك عارف اية المفاجأة إللى الكل مستنيه . بس المفاجأة مش وحشة . شكرا لمجهود حضرتك معانا .

  16. وانا اللي منيت نفسي بحلة محشي ترم العضم 😀
    عموما تسلم ايدك ع التطبيق يا دكتور انا مسيطاك فدبي والله يا دكتور وبفتخر إنك مصري ربنا يجعل الدعا اللي بيدعالك في ميزان حسناتك 3>

  17. نورين نورين

    شكرا دكتور احمد علي اللي بتعمله معانا كل سنه وانت طيب

  18. وانا اللى داخله منشكحه وبقول اكيد المفاجأة يوم فرى 😂😂😂

  19. د/ أحمد منصور

    هههههههههههههههه العفو

  20. د/ أحمد منصور

    يارب اللهم آمين

    شكراً جزيلاً لحضرتك على أنك
    بتتكلمي عني كويس
    وعن التطبيق

  21. د/ أحمد منصور

    عفواً

    وحضرتك طيبة وبخير يارب

  22. غير معروف

    ماطلع عندي ب سوق بلاي انا موجودة بتركيا كيف انزلو لو تحطو رابط لتنزيلو

  23. ياخسارة كنت متوقعة هناخداي وجبة زيادة كدة

  24. د/ أحمد منصور

    يعني المفاجأة وحشة يا أم هبة

  25. د/ أحمد منصور

    للأسف مش عارف أحط الرابط

    طيب جربي تكتبي ببحث ” الفيس بوك ”

    دايت كلينيك مع دكتور أحمد منصور

  26. ازيك يا دكتور لازم لازم تعملنا استثناء اليوم ليلة راس السنه واكل وسهره والكل باكل واحنا نقعد نتفرج حراااام

  27. غير معروف

    السلام عليكم دكتور نزلت التطبيق وحسبت الوزن المثالي وزني الحالي هو 59 وطولي 152 وعمري 25 النتيجه زياده في الوزن 25 كيلو زياده والوزن المثالي 44 كيف ؟

  28. يا دكتر انا زعلانه اوى اوى من نفسي بعد ماخسيت ٧ كيلو لاقيت نفسي
    ذيده كيلو مع انى مشيه على الرجيم بس بلخبط شويه اوللي ايه
    الحل لانى مشعرفه اعمل ايه وكده الحرق وقف وايه
    ياريت تردعلياا
    ونا برضع

  29. Mamet Malek Loka

    دكتور الشاي والقهوة والنسكافيه بلاك ومشروبات الساخنه بنحليها بسكر دايت فهل في حد معين لاستخدام سكر الدايت ف اليوم وايه افضل نوع سكر دايت

  30. سماح حمدي

    السلام عليكم ورحمه الله يمكن استبدال وجبه العشاء تمن جبنه قريش بفشار

  31. ندى محمد

    لوسمحت د.احمد هو حضرتك اللى من بورسعيد؟؟

  32. فطوم عسيري

    السلام عليكم ورحمة الله وبركاته
    انا فطوم من السعوديه
    وزني71.8
    طولي 145
    ممكن اعرف وزني المثالي وكم سعره حراريه وكم كوب اشرب من الماء
    ارجو الرد دكتور

  33. يا دكتور فين خانة التعليقات اريد اعلق بس ما في خانة التعليقات

  34. يا دكتور فين خانة التعليقات اريد اعلق بس ما في خانة التعليقات

  35. امل محمد

    تطبيق جميل وشكرا يا دكتور عل مجهودك

  36. انا عملت عملت الي قلت على بس مطلع حاكة

  37. يعطيك الف عافيه ويسلم اديك بس ملاحظة انا نزلت التطبيق بحكيلي وزنك المثالي٤٦للعلم انا عمري ١٨وطولي ١٥٥

  38. انا كمان يا دكتور جديده معاكم واتمني اوصل للوزن المثالي انا كنت ٩٣ وبقالي شهرين عامله دايت الصيام المتقطع ونزلت عليه وبقيت ٨٢ وابتديت معاكم من الاسبوع اللي فات واهو ملتزمه بكل حاجه واشكرك لمجهودك وتعبك معانا

  39. ممكن تقولي حل للسيلوليت الارداف

  40. هاجر فؤاد

    نزلته وممتاز جدا مجهود رائع من حضرتك وان شاء الله نكون عن حسن ظن حضرتك

  41. السلام عليكم ورحمه الله وبركاته

    انا مشتركة جديدة كنت حابة اعرف الطبخات. الدايت اللي بتنزلها في ليها مكان مخصص في التطبيق كنت حابة اكتب طبخة السمك والخضار بالدحاجة

  42. السلام عليكم استاذ انا طولي 155 وزني 74 وعمري 25
    طلع لي البرنامج ان وزني يحتاج 2240 سعره هل خذا صحيح

اترك تعليقاً

لن يتم نشر عنوان بريدك الإلكتروني.