رجيم دكتور أحمد منصور
رجيم دكتور أحمد منصور

رجيم دكتور أحمد منصور “جديد” صيام متقطع يبدأ السبت 11 يناير وينتهي الجمعة 17 يناير

نكمل مع بعض في رجيمات الصيام المتقطع الأسبوعية مع دايت كلينيك، الفرصة بتجدد كل الأسبوع، يعني لو لسه مبدأتيش، إبدأي من بكره معانا في نظامنا الجديد، وصدقيني هتلاقي نتيجة تبهرك بإذن الله.

الصيام المتقطع أنوع كثيرة، اللي بنطبقه في دايت كلينيك، هو عبارة عن صيام 16 ساعة ويكون مسموح بتناول الأكل، خلال 8 ساعات فقط في اليوم.

الـ 16 ساعة من ضمنهم ساعات النوم ..

وخلال الـ 16 ساعة الغير مسموح فيهم بتناول الأكل، مهم جداً نشرب المياه كمان مسموح لينا بشرب:-

  • القهوة
  • الشاي
  • أعشاب ترفع معدل حرق الدهون مثل الشاي الأخضر، والقرفة.

الوجبات المكتوبة في النظام، قسميها براحتك خلال الـ 8 ساعات، يعني ببساطة لو هتفطري الساعة 10 الصبح، بالتالي المفروض آخر وجبة تكون 6 مساءاً.

لو هصوم أعمل صيام متقطع إزاي “صيام المسلمين”؟

الأمر بسيط جداً صيام المسلمين لا يختلف كثيراً عن تطبيق الصيام المتقطع، وأفضل منه كمان، حضرتك بتصومي من 5 الفجر تقريباً وحتى 5 المغرب.

وخلال الفترة دي بنعطي للجسم فرصة إنه يحرق من الدهون المتراكمة، وفقدان الوزن بفعالية.

وبيكون مسموح بتناول الأكل، خلال الفترة من أذان المغرب وحتى أذان الفجر.

وأنا دائماً لأي حد شايف إن نظام الصيام المقتقطع صعب، إننا في رمضان، بنصوم عدد ساعات مقارب، وبدون حتى شرب الماء، وربنا بيقدرنا.

المهم طريقة تطبيق الصيام المتقطع مع صيام الاثنين والخميس

هنتسحر الساعة 2 قبل الفجر، ومن الساعة 2 حتى أذان الفجر مسموح بشرب الماء فقط ..

بالتالي كده ساعات الصيام هتكون في حدود الـ 16 ساعة

ولما نفطر، هناخد المكتوب في وجبة الغداء

ونتسحر بالمكتوب في وجبة الفطار أو العشاء

وبينهم مسموح بتناول السناك المكتوب في النظام مثل الفاكهة أو المكسرات أو الحليب.

والفطار يكون على كوب حليب مع 3 تمرات.

كده بنصوم 16 ساعة وبناكل من أذان المغرب إلى 2 قبل الفجر (8 ساعات).

 

مفاجأة الأسبوع الحالي

الأسبوع ده إن شاء الله هبعت لكم رجيم لمدة أسبوع سهل جداً جداً، هنضيفه في آخر المقال، الهدف منه إنك تلتزمي وتبقي قادرة من بعده تطبقي أي نظام، يعني حاجة تدفعك للأمام، وتعطيكي ثقة في نفسك إنك تقدري تعملي رجيم، وكمان بإذن الله هتكون نتيجته كويسة.

هنبدأ دلوقتي نتكلم في تفاصيل نظام الصيام المتقطع الجديد

وفي الآخر هضيف لكم النظام السهل اللي إتفقنا عليه ..

ياللا نركز يا أبطال

 

نصائح هامة قبل إتباع النظام

  • شرب الماء سر نجاحك في الرجيم ( بيقلل الشهية وبيرفع معدل الحرق ) تقدري تعرفي بالظبط كمية المياه المسموح تناولها يومياً من “هنا“.
  • أفضل بداية لليوم تكون على مشروب مياه دافئة مع ملعقة عسل أبيض أو 3 تمرات ( تنشيط الحرق وفيتامينات وعناصر غذائية محتاجين ليها في بداية اليوم ).
  • الرياضة يومياً مهمة جداً جداً نتمشي لو حتى في البيت نصف ساعة كل يوم ( تدعيم معدل نزول الوزن، وكمان شكل جسم مرضي ).
  • مسموح في اليوم بملعقة زيت زيتون يتم وضعها على طبق السلطة أو على الجبنة القريش أو في تحضير طبق الخضار.
  • الملح أكثر من المطلوب يسبب ثبات في الوزن، حيث يؤدي لإحتباس الماء بالجسم، مسموح يومياً بملعقة واحدة ممسوحة من الملح.
  • البيض في اليوم مسموح بتناول 2 فقط مش أكثر من كده.
  • يفضل يكون نومنا مظبوط ويكون نوم عميق، ننام بحد أدنى 7 ساعات، الأبحاث العلمية بتؤكد علاقة النوم بمعدل الحرق، هتنام كويس، هتحرق دهون بشكل أفضل.
  • مسموح في اليوم بملعقة سكر واحدة أو إثنين بحد أقصى، على قدر بعدك عن السكر، على قد ما هتلاقي نتيجة مبهرة مع الرجيم.
  • من السكر الدايت، مسموح فقط بما يعادل في التحلية أربع ملاعق سكر.

 

لو مكتوب في النظام سناك ثمرة فاكهة

فالفاكهة الأفضل على الإطلاق ” التفاح “.

 

 

مهم جداً قبل البدء في الرجيم

تحضير أكلات الرجيم والبعد عن توفير غيرها

مثل:-

  • الشوفان
  • التونة
  • البيض
  • الجبنــــــــــــــــــــــــــــــــــــــــــــــة القريــــــــــــــــــــــــــــــــــــــش
  • العسل الأبيض
  • نوع أو إثنين من الفاكهة مثل البرتقال أو التفاح
  • الحليب
  • الزبادي
  • الخضار ” أنواع مختلفة ” مثل الباذنجان والطماطم والخس وغير ذلك ..

 

تقدري تبدلي ربع رغيف عيش بلدي بـ

  • واحد توست بني
  • أو نصف رغيف عيش سن

 

ده شكل قطعة الجبنة القريش اللي أنا أقصدها

 

الحليب المكتوب في النظام

حليب خالي الدسم

تقدري تبدلي كوب حليب خالي الدسم بنصف كوب كامل الدسم

 

يفضل تناول السمك مرتين على الأقل في الأسبوع.

 

 

 

كوب أو علبة الزبادي في وجبة العشاء

ممكن لايت أو عادي

بوزن تقريبي 100 جرام أو أقل.

 

ممكن نبدل الجبنة القريش

بجبنة بيضاء لايت.

الجبنة اللايت هتلاقوها في السوبر ماركت عادي.

 

الرجيم الجديد 

نظام لمدة 7 أيام

 

 

نظام يوم السبت

عزيزي القارئ ..

عزيزتي القارئة ..

برجاء العلم بأنه قد تم نقل جميع الأنظمة الأسبوعية إلى تطبيق دايت كلينيك، من الآن وصاعداً، ستكون الرجيمات الأسبوعية المتجددة حصرية فقط على التطبيق، يمكنك الوصول للتطبيق من المتجر من خلال الضغط على كلمة (تطبيق دايت كلينيك) الموجودة بين القوسين، والملونة باللون الأحمر.

تأكد أيضاً أنك قمت بتحديث التطبيق.

عن د/ أحمد منصور