فوائد الكركدية
فائدة الكركدية

فرصة النجاح في رجيم دايت كلينيك في فصل الصيف

تفتكروا إيه اللي ممكن يحصل لو بدلنا الأكل اللي زيادة عن حاجة جسمنا بمشروبات، يا ترى نتيجة كده إيه، هنخس، آه بجاوبك على تخيلك ده، صدقني هنخس، بس المشروبات دي هي المياه، واللي زيها، يعني إيه واللي زيها، يعني عندك كوباية المياه سعراته الحرارية = صفر، بالتالي المشروبات اللي هتساعدك تخس دي لازم لإما تكون صفر لإما قريبة جداً جداً من الصفر زي الشاي ومشروبات الأعشاب.

يعني أنت مثلاً ملتزم بالأكل، ومش بتلغبط، واليوم ماشي كويس، طبعاً هتقوم جاي لما تجوع تقول بلاش أكل بقى علشان الرجيم، فتقوم رايح شارب كوباية عصير مانجه، فيها كمية سكر أد كده، ولا موز بلبن مثلاً، ولا عصير قصب، وتقول بقى مهي دي مشروبات، مش أكل يعني المفروض متخنش.

طبعاً تفكير غلط بكل تأكيد وأغلبنا عارف ده، فكرة إنك تحافظ على ترطيب جسمك، ده سر من أسرار النجاح في الرجيم، متتعاملش معاه باستهتار، متستناش لما تعطش أوي وبعدين تقوم شارب كمية مياه كبيرة، ده غلط أصلاً على الصحة وملوش علاقة بالنجاح في الرجيم.

مشروب الكركدية الساقع
مشروب الكركدية الساقع

الصح تتفادى الشعور بالجوع والعطش مع بعض، بإن جسمك على طول يكون رطب، هتقولي مليش نفس للشاي أو القهوة، علشان الجو الحر، وحتى المياه مش حابب أشربها على طول كده، هقولك وعصير الليمون راح فين، والكركدية الساقع راح فين.

مسموح لينا في اليوم بمعلقة أو اتنين من السكر الأبيض، وسكر دايت كمان، بس مش هنكتر عن اللي يعادل في التحلية أربع معالق سكر، نستغلهم في مشروبات زي الكركدية الساقع اللي بنعرف نعمله، لكن بنجهل فوائده المذهلة ونذكر منها:-

  • يساعد على حفظ توازن السوائل بالجسم ويعالج احتباس الماء
  • يساعد على خفض ضغط الدم المرتفع
  • غني بفيتامين سي
  • يرفع المناعة
  • يعزز صحة القلب والشرايين

 

طيب معدتك مليانه وجسمك رطب بمشروبات سعراتها الحرارية منخفضة أو منعدمة زي المياه، إيه اللي هيحصل، خلاص يا سيدي مش هتاكل، ولو كلت هتقدر تلتزم بالكمية اللي محددينها، وتسيب الباقي على جسمك بقى هيحرق لك الدهون المتراكمة اللي مزعلاك.

يشرفني إشتراككم بقناتي على اليوتيوب، ولو عندك أي سؤال سيبيه في تعليق على الفيديو