نظام جديد للصوم متقطع
نظام جديد صيام متقطع

نظام جديد صيام متقطع لوزن أقل من 90 كيلو يبدأ من يوم السبت الموافق 8 أغسطس

كالعادة يتجدد اللقاء معكم مساء كل يوم جمعة، نظام صيام متقطع ونظام عادي، صيام متقطع لوزن أقل من 90 كيلو، والرجيم العادي مناسب ليكي في حالة أن وزنك أعلى من 90 كيلو جرام.

لو مش هتقدري تصومي، مفيش أي مشكلة إنك تمشي على جدول الأكل المكتوب في نظام الصيام المتقطع بدون ساعات صيام، يعني نقسم الوجبات على مدار اليوم.

الصيام المتقطع ببساطة معتمد على إنك هتآكلي خلال 8 ساعات في اليوم وهتصومي عن الأكل 16 ساعة، من ضمنهم ساعات النوم، ومسموح خلال ساعات الصيام بشرب الماء والشاي والقهوة والأعشاب بدون سكر.

الفترة اللي هتآكلي فيها، مهم جداً إننا منزودش كمية السكر عن معلقة واحدة فقط، ناخد بالنا، علشان ممكن نبقى مظبطين كل حاجة في جدول الأكل، ونهمل نقطة السكر دي، وناخده بمعدل أكبر من المطلوب، فنلاقي في الآخر معدل نزول مش راضيين عنه.

الرياضة اللي ممكن نعملها تساعدنا على حرق الدهون، إننا نجري أو نمشي لمدة نحاول أنها تزيد عن نصف ساعة، ممكن في البيت عادي “جري أو مشي في المكان”.

ركز في الكلمتين دول

الرجيم طبيعي إنه يكون محتاج تضحية، مش منطقي أقولك تعالي ياللا تخسي، وتتفاجئي إنك هتمشي على نفس الأكل اللي سبب لك السمنة، يعني لو غرقنا الرجيم بالشوكولاته، وحلينا بقطعة ولا اتنين حلويات بعد كل وجبة، ولا اللب كان أساسي، كل يوم في السهرة، ولا طبق الأرز اللي ملوش أول من آخر كان حاضر معاكي يومياً في طبق الغداء، كل دي حاجات تخنتك وغيرها كتير أوي من عادات غذائية خاطئة، كلها كانت السبب إنك دلوقتي بتدوري على رجيم يخسسك.

اللي بنقدمه ليكي في نظام دايت كلينيك، رجيم صحي جداً جداً لو التزمتي بيه مستحيل، تحسي بأي معاناة، زي الهبوط مثلاً وما شابه، رجيم هيخسسك بشكل هيفاجئك، ولازم تعرفي كده كويس، لكن أكيد هيكون مختلف كتير عن الطريقة اللي متعودة عليها أغلب عمرك، حاولي تضحي شوية، وسيبي الباقي علينا هنفرحك يعني هنفرحك بإذن الله.

ممكن نبدأ يومنا بكوب من الماء، معاه 3 تمرات.

رجيم الأسبوع الحالي سهل، علشان اللي فات “اللي كان بعد العيد على طول” كان صعب شوية.

زي ما قولنا هتقدري تصومي قسمي الوجبات المكتوبة خلال 8 ساعات فقط.

مش هتقدري، مفيش مشكلة، إنك لو وزنك أقل من 90 كيلو، تطبقي جدول الأكل بدون ساعات صيام.

 

نظام اليوم الأول والثاني 

يوم السبت والأحد (8 و 9 أغسطس)

الفطار

يمكنك الإختيار من بين:-

  • ربع رغيف عيش بلدي + 2 بيضة مسلوقة
  • ربع رغيف عيش بلدي + قطعة جبنة قريش + بيضة مسلوقة
  • ربع رغيف عيش بلدي + 2 علبة زبادي

تقدري تبدلي ربع رغيف عيش بلدي بواحد توست بني أو نصف رغيف عيش سن

الوجبة الخفيفة الأولى

ثمرة فاكهة

الغداء 

يمكنك الإختيار من بين:-

  • ربع فرخة مشوية أو مسلوقة
  • قطعة جبنة قريش + بيضة مسلوقة
  • 2 بيضة مسلوقة
  • ربع كيلو سمك مشوي
  • علبة تونة مصفاة من الزيت

+ طبق سلطة

+ طبق خضار من أحد الخيارات الآتية:-

  • فاصوليا خضراء
  • كوسة
  • ملوخية
  • بامية

الوجبة الخفيفة الثانية 

كوب حليب خالي الدسم

أو

نصف كوب حليب كامل الدسم

 

العشاء

بيضة مسلوقة + ثمرة خيار

أو

علبة زبادي + ثمرة خيار

 

نظام اليوم الثالث والرابع 

يوم الاثنين والثلاثاء (10 و 11 أغسطس)

الفطار

يمكنك الإختيار من بين:-

  • 2 بيضة مسلوقة + خيار أو خس
  • 2 علبة زبادي + خيار أو خس
  • كوب حليب + بيضة مسلوقة
  • قطعة جبنة قريش + بيضة مسلوقة + خيار أو خس
  • 125 جرام جبنة بيضاء لايت + خيار أو خس

الوجبة الخفيفة الأولى

ثمرة فاكهة

الغداء 

يمكنك الإختيار من بين:-

  • ربع فرخة مشوية أو مسلوقة
  • 2 بيضة مسلوقة
  • ربع كيلو لحمة مشوية أو مسلوقة
  • ربع كيلو كبدة مشوية أو محضرة بأي طريقة تناسب الرجيم
  • ربع كيلو سمك مشوي
  • طبق مشروم دايت
  • علبة تونة مصفاة من الزيت
  • ربع كيلو كفتة مشوية
  • ربع كيلو جمبري مشوي أو مسلوق

+ 3 معالق أرز أو 4 معالق مكرونة أو ربع رغيف عيش بلدي

+ طبق سلطة

+ طبق خضار من أحد الخيارات الآتية:-

  • فاصوليا خضراء
  • سبانخ
  • بروكلي
  • كوسة
  • بامية

الوجبة الخفيفة الثانية 

 

لا يوجد

 

العشاء

كوب لبن رائب

أو

كوب حليب

أو

علبة زبادي

 

نظام اليوم الخامس والسادس

يوم الأربعاء والخميس (12 و 13 أغسطس)

الفطار

يمكنك الإختيار من بين:-

  • ربع رغيف عيش بلدي + 2 بيضة مسلوقة
  • ربع رغيف عيش بلدي + قطعة جبنة قريش + بيضة مسلوقة
  • ربع رغيف عيش بلدي + 2 علبة زبادي
  • كوب حليب + 3 معالق شوفان
  • ربع رغيف عيش بلدي + 4 معالق فول

تقدري تبدلي ربع رغيف عيش بلدي بواحد توست بني أو نصف رغيف عيش سن

الوجبة الخفيفة الأولى

ثمرة فاكهة

الغداء 

يمكنك الإختيار من بين:-

  • ربع فرخة مشوية أو مسلوقة
  • 2 بيضة مسلوقة
  • 2 قطعة لحمة مشوية أو مسلوقة
  • ربع كيلو سمك مشوي
  • علبة تونة مصفاة من الزيت

+ طبق سلطة

+ طبق خضار من أحد الخيارات الآتية:-

  • فاصوليا خضراء
  • كوسة
  • ملوخية
  • بامية

الوجبة الخفيفة الثانية 

كوب حليب خالي الدسم

أو

نصف كوب حليب كامل الدسم

 

العشاء

بيضة مسلوقة

أو

علبة زبادي

أو

كوب لبن رائب

 

نظام اليوم الفري

يوم الجمعة 14 أغسطس

اليوم الفري

عندنا وجبة مفتوحة بتكون وجبة الغداء.

وجبة الفطار والعشاء بيكونوا دايت.

مسموح بقطعة حلويات بحجم كف اليد بعد وجبة الفطار أو الغداء، ويوجد مقال عن تحضير الكب كيك دايت لليوم الفري موجود على الموقع في قسم أكلات دايت كأحد الحلويات التي يمكن تناولها في اليوم المفتوح في الرجيم، وأرجو الالتزام بالنصائح ليكون الرجيم أسهل، وللوصول إلى الوزن المثالي في أقرب وقت.