لماذا تتغير مقاسات جسمي بصورة كبيرة مقارنة بالميزان ؟

البوست الذي طال انتظاره، إن شاء الله لو ركزنا فيه، هنحب رجيم دايت كلينيك، وهنتشجع نكمل ومش هيحبطنا أي قراءة ميزان ولا الكلام الفارغ ده. 😂😂

رضوى ورانيا بدأوا رجيم من 15 يوم بالظبط، رضوى مع دكتور ما، ورانيا مع دكتور أحمد منصور، الأنظمة مختلفة، بس المتشابه معاناتهم في الرجيم خاصة في البداية وأنهم بادئين من وزن واحد الاتنين بدأو بوزن 95 كيلو جرام.

اتفقوا هيوزنوا بعد أسبوعين يعني النهاردة، اتقابلوا في الشارع ولأول مرة بعد التزام 15 يوم، استغربت رضوى من شكل جسم رانيا الجديد، قالت لها معقول كل ده في 15 يوم؟؟؟

ردت رانيا شكلك كده مكنتيش ملتزمة يا رضوى، وضعفتي، بس طبعاً لأ انا شخصياً شاهد ان رضوى التزمت فعلاً.

عشان مطولش عليكم، الاتنين راحوا الصيدلية، وكانت الصدمة رضوى 90 كيلو ونص ورانيا 93، طبعاً مش محتاج اقولكم إيه اللي حصل بعدها، عيطت ونست من شوية ان صاحبتها اللي نزلت 4 كيلو ونص اصلا مش باين عليها وانها لسه منبهرة بالجسم اللي وصلت ليه صحبتها اللي أحبطها الميزان..

اديني يا رضوى يا أختي عنوان الدكتور اللي انتي متابعه معاه، أنا كنت حاسة م الأول أن في حاجة غلط، خدت الرقم وقررت رانيا تتابع مع دكتور رضوى، وبعد أسبوعين الحمد لله نزلت رانيا من 93 إلى 88 كيلو ورضوى واصلت النزول وبقت الحمد لله 84 كيلو، وأتأكدوا بكده أنهم في الطريق الصح.

بس ثواني نسيت اقولكم ان الدكتور اللي في الصيدلية نفسه قالهم ان شكلهم مختلفش كتير عن آخر مرة وزنوا فيها، بس ده مكنش شئ صادم ليهم، هما اصلا رايحين وشايفين ان كل اللي حصل انهم ترهلوا شوية، لكن بنفس محيط الجسم ومقاساته تقريباً ثابتة.

القصة دي قصة ناس كتير تابعت مع دايت كلينيك، ناس كتير كل اللي حواليهم انبهروا بمقاساتهم الجديدة بعد أيام قليلة من الرجيم ، لكن قرروا ميكملوش فيه بسبب الميزان وبطئ معدل نزولهم عليه.

الرد ببساطة في الكلمتين الجايين دول، أنا كأحمد أقدر بفضل الله اعمل لك رجيم يخليكي طايرة من الفرح في كل أسبوع تروحي توزني فيه، من الأرقام اللي هتشوفيها ع الميزان، لكن مش هبقى راضي عن نفسي وانا عارف اني بضرك، سواء برجيم قاسي أو برجيم يفقدك من عضلات جسمك على حساب الدهون.

رجيم دايت كلينيك رجيم صحي بيركز في الأساس على حرق الدهون المتراكمة في الجسم، بطرق مختلفة، علشان كده بتلاحظي تغير كبير في مقاساتك مقارنة بالرقم اللي بتشوفيه ع الميزان، يعني ممكن تكوني 90 كيلو والناس مش بتديلك أكتر من 80 كيلو، السبب في كده نوع الرجيم، اللي انا حريص اكمل بيه، لأن ده الرجيم اللي مش هيخلي جسمك يترهل ولا يبوظ، ومش هضحك على حد برجيم كل يومين يروح يلاقي نفسه نازل ع الميزان بالاتنين كيلو لكن ما شاء الله الكرش زي ما هو وباقي الدهون في باقي الأماكن زي ما هي.

بالعقل كده 60 كيلو بكرش وشكل جسم وحش، ولا 70 بجسم متناسق ورشيق ومفهوش غلطة؟؟

طيب نبص على الصورة اللي تحت دي
ركزوا فيها جداً، عارفين دي ايه؟؟

دي دهون وعضلات والاتنين ليهم نفس الوزن بالظبط، يعني اللي ع اليمين عضلات وزنها نفس وزن الدهون اللي على الشمال.

أنتوا شايفين الفرق عامل إزاي؟
متخيلة انك لما تفقدي 2 كيلو وربع دهون هتشيلي من جسمك كل الجزء اللي ع الشمال ده؟؟؟

يعني فرق رهيب في مقاسات جسمك، لكن ع الميزان هما يادوب اتنين كيلو وربع.

اللي بيحصل في الرجيم بتاعنا إنك بعد التزام أسبوعين على سبيل المثال، بتكوني نزلتي مثلا اتنين كيلو وربع دهون ومثلا برضو في خلال نفس المدة، زدتي ربع كيلو عضلات اللي حجمها قليل جداً جداً،

المحصلة على الميزان اتنين كيلو وربع – ربع = اتنين كيلو، لكن كشكل عام نزلتي كتير جداً في مقاسك عشان جسمك فقد شئ حجمه كبير ووزنه قليل مقارنه بالعضلات اللي كتلتها زادت ولكن بحجم غير مؤثر على مظهرك العام.

طبعاً ده مش معناه انك مش هتفقدي معانا وزن، لأ طبعا الناس كلها بالالتزام بتنزل ميزان وبتوصل كمان للي هما عاوزينه وأكتر،

لكن البوست ده بطمن بيه الناس اللي بتتقهر لما تشوف محصلة النزول شهرياً أربعة كيلو ع الميزان وبيكون اصلا شكل جسمهم اختلف تماما عن أول ما بدأوا الشهر.

مع العلم ان رجيمنا في ناس بتنزل عليه أصلا الأربعة كيلو في أسبوعين واوقات أقل من اسبوعين كمان، لكن برضو بوضح سبب اختلاف المقاسات مقارنة بمؤشر الميزان، واللي بيكون سبب في إحباط ناس كتير.

 

عن د/ أحمد منصور

39 تعليق

  1. رانيا ابراهيم

    دكتور انا عملت عملية وشلت المرارة ينفع اتبع انظمة حضرتك ؟واية نصحيتك ليا بعد ماشلتها لان دايما بشوف الناس اللي شالت المرارة بتتخن

  2. فاديا البيطار

    بالنسبة الي دكتور بهمني اخسر دهون
    صح انا بشوف الميزان اسبوعي بس شكلي غير الميزان
    شكرا دكتور احمد

  3. مقال رائع ي دكتور بجد
    انا الحمد لله بدات معاك وانا ٨٥
    وانهردا وزنت لقيت نفسي ٧٩ انبهرت جدا

  4. ربنا يجازيك خير يا دكتور يارب ويقدرك على فعل الخير ❤️
    فعلا والله شكل الجسم لو حلو الميزان مبيفرقش خالص معايا الحمد لله

  5. غير معروف

    الف مبروك

  6. لمياء احمد

    ربنا يباركلك يا دكتور انا ماشيه ع رجيمك بس باكل بيض وجبنه قريش بس وبمشي كل يوم ساعه ومنزله برنامج تمارين بعملها كل يوم وكنت 88 بقيت 85 وبرضو ف فرق مقاسات يا رب اخس اكتر واوصل حتي ل 75 عشان فرحي قرب

  7. فعلا يادكتور انا نزلت ٢ كيلوو ف اسبوعين وده ضايقني بس الا صبرني اني حسيت المقاسات بتاعتي اختلفت
    ومكمله مع دايت كلينك لحد مااوصل لهدفي ان شاءالله

  8. غير معروف

    شكرا إلك يا دكتور أحمد كلامك جدا منطقي ومريح

  9. انا حرقي قليل جدا ونزلت ٥ كيلو بس في شهرين يعني قليل بس فعلا حسيت بفرق مقاسات رهيب ربنا يكرمك والله فعلا الرجيم صحي جدا وبتشجعنا كل اسبوع

  10. يعني يا دكتور واحنا متابعين رجيم دايت كلينك معك والميزان بينزل ٣ كيلو كل اسبوع يعني صيامنا غلط ..ولهذا السبب كنت خايفة اوزن حالي الاقي الميزان مو فرق معي لهالسبب راح اترك الميزان فترة شهرين واوزن نفسي واللي لاحظتو انو صح المقاسات بتتغير تغيير بسيط خاصة الخصر

  11. طمنيني هل مقاسات جسمك متغيرة كثير او بس متغيرة شوي ..بدي بس اتاكد اذا ماشية معكم صحيح لانو انا في فرق بس في شكل بطني وباقي المقاسات يعني بلاقي اني نحفت بسنتمتر واحد كل اسبوع

  12. صح انا كمان المقاسات عندي اختلفت جدا جدا بس الميزان مش كتير بس انا راضية على شكلي وجسمي والبس الي انا حابة

  13. غير معروف

    انا سويت نظامك قبل اسبوعين نزلت كيلو واحد دهون حشويه (اللي هيا الدهون الضارة) ودحين مع اخصائيه نزلت كيلو وربع منها دهون ومنها عضل مع اني اسوي رياضه بس اتضايفت انو العضل قل وزنو ومعدل الايض في رجيمك كان اعلى مع رجيمها قل عشان كده حرجع اكمل نعاك ان شاء الله بس ياريت تعطينا نصايح عالرياضه واي افضل نوع

  14. آنا مش بقدر انزل اورن علشان ظروفی الصحیه بس في فرق في المقسات ربنا یکرمک یادکتور

  15. روضة النجار

    مقال جميل جدا شكرا لحضرتك دكتور امد

  16. غير معروف

    دكتور ريجيمك رهيب أنا شخصيا زرت كذا أخصائية تغذية وما استفدت أما عندك فنتيجة ممتازة

  17. انا بلشت معك هاد تاني اسبوع بكرا الصبح ح انزل اوزن حالي اول اسبوع نزلت كيلو واحد بس مبسوطة جدا لان انا ما التزمت جدا أصلي بحب بطني جداً وهالاسبوع بكرا بخبرك بالنتيجة بس من الاسبوع الجاية ه التزم جداً و هأبهركن انشالله😍
    شكرا جدا لك دكتور منصور

  18. وزني ٨٠
    طولي ١٧٤
    انثى
    دهون متراكمة في منطقة البطن فقط وانا زاعجني هالموضوع جداً وانا لسه مو متزوجة وهيك رجاء لو تساعدني يادكتور بدي ارجع لل٧٠ بس بدي بطني يقل في طريقة!!!!

  19. دكتور سمعت عن ريجيم الموز شو رأيك فيه؟؟؟

  20. غير معروف

    كلام صحيح ميه بالميه وفعلا المرادي لا للميزان
    👍👍

  21. شكرا دكتور على دي المعلومات الحلوة عن جد كنت محتاجتها بجد مشكور ولك جزيل الشكر والتقدير

  22. ام محمد هيثم

    دكتور بعد اذنك هوينفع العيش اللي كاتبه في الفطار اخده في الغداء والوقت في مواعيد الاكل بيفرق لاني بابدء اكل 5المغرب ده غلط ولا صح ولو سمحت رد عليا

  23. قبلت التحدي

  24. دكتور اني نفس الشي صار وياية كلامك صحيح القياسات عندي تنزل مثلا محيط الصدر والبطن والخصر والورك لكن الوزن نفسه بس بالملابس داحس الفرق وبعد متابعتك صرت مااهتم لمن القى وزني مدينزل بس صراحه انا غير ملتزمه بس العب رياضة يوميا

  25. كلامك جوااهر ومنطقي وإجا بمحلو لأني كنت متخوفه إنو انحف كلياتي بحكم العب رياضه بالنادي 3مرات بالأسبوع ومع هالرجيم خفت ما يضل فيني شي لأنو ودي بس اشيل الدهون المتبقيه وما ودي أخفف من العضل

  26. السلام عليكم
    دكتور زوجي ملتزم بخطوات الدايت واكلو قليل جدا مقارنة بسابقا لكن وزنه وشكل جسمه ما تغيرر نهائي ما السبب ياريت تجاوب دكتورإ

  27. انا من الناس اللي بتنزل مقاسات حلو بس ع الميزان بنزل بطئ قوى نزلت ف شهرين من 127الي 116بس ال11كيلو دول فارقين في جسمي خالص الف شكر لحضرتك يادكتور مشكور علي مجهوداتك

  28. سوزان مصر

    انا بدعليك يادكتور اول مره اشوف دكتور رجيم مش عايز يروج لاسم دواء وبينصح الناس بس ربنا يزيدك علم وكل الناس تلاقى نيجه حلوه معاك

  29. غير معروف

    سنتيمتر حلو علي فكرة مش وحش اطمني وكملي

  30. دكتور احمد أنا الآن 4اسابيع ع الرجيم لكن الميزان ثابت كما بدأت والمقاسات تأثرت بنسبة خفيفة ولكني خايفة من إحباط الميزان وانا ملتزمة تقريبا أكثر من 90%رأي حضرتك ايه

  31. نينا من الجزائر

    انا عمري 35 سنة طولي 170 سنتم أشكرك كثيرا على انتباهك لنا و حرصك علينا و تشجيعاتك.بارك الله فيك و في كل القروب.انا كان وزني 97 كيلو منذ شهر نوفمبر بدأت معاك و بنسبة بس 50%من رجيمك و الان بعد 5 اشهر صار وزني 85 كيلو انا ماني متسرعة و رضيانة كثير و مشجعة حالي و كل اللي مثلي و انصحهم بالتطبيق و مكملة لحتى أوصل 75 كيلو.شكرا دكتور

  32. والله يا دكتور اني اتبعت نظامك وايضا تمارين وصار جسمي ووزني يخبل شكرا الك دكتورنا الغالي ربي يحفظك

  33. اني مشتركه جديده بالبرنامج من العراق اتمنى انزل معاكم ومستمره ان شاالله

  34. ابو يوسف.

    مساء النور دكتور احمد
    انا ماشي على برنامجك
    لكن الخبز تقول نص خبز بسن ماني عارف ايش نوعه لان لهجتك مصريه ممكن اعرفه
    والخبز عموما فقط بالفطار والغدا ناكله وبالكميه المحدده. اذا زودت نص رغيف ثاني هل ماانزل وزني ولكم الشكر

  35. ام سيف الدين

    السلام عليكم اقسم بالله الكلام داه حصل معايه فعلا بعد شهر رجيم مع خضرتك ومش ملتزمه كمان اوي اوقات بلغبط بس امبارح كنت عند اصدقائ ومشفونيش بقالهم فاطره اتفجوء بشكلي والله بتقلي خسيتي خاالص قلتلها دول ٣كيلو بس مبقوش مصدقين اقسم بالله ان شكلي نزل اكتر من 10كيلو واكتر كمان مبقوش مصدقين ان 3كيلو بس ولله الحمد المقسات اتغيرت الهدوم وسعت عليا بعد ممانت بتدخل بل عافيه الحمد لله الفضل لله ثم لحضرتك يادكتور ربنا يجعلو في مزان حسناتك 🌸💪

  36. نجلاء عباس

    دكتور لو سمحت انا متابعة مع حضرتك ونزلت 9كيلو بس عندى حاليا الم فى جنابى ناحية الكلى وانا شفت حالة خست قبل كده والدكتور قالها ان فيه دهون حاملة الكلى نزلت فاثرت على الكلى هل الكلام ده صحيح وازاى اتجنب حدوث كده والم اجنابى سببه ايه الرجاء الرد ضرورى

  37. طب يا دكتور انا عملت اول كان وزني 89th اسبوع رجيم نزلت فيه 2 كيلو نصف وبعد كده بعدها باسبوعين لقيت نفسي زي ده كيلو وبعد كده قعدت اسبوعين كمان يعني لحد ما الشهر خلص ورحت اوزان اخر الشهر لقيت نفسي نازله 2 كيلو 700 بس الحمد لله لحد دلوقتي 86 وهوزنى بكره وربنا يستر

  38. غير معروف

    ربنا يجازيك خير انا فعلا نزلت ٥ كيلو بس فرق الشكل اكتر من كده بكتير و مقاس اللبس اختلف تماما

  39. غير معروف

    لوسمحت يادكتور انابشوف مقاساتى كل اسبوع والاسبوع دا مقاسى زى ماهو عليه من الاسبوع الى فات اعمل ايه

اترك تعليقاً

لن يتم نشر عنوان بريدك الإلكتروني.