الرئيسية / استفسارات / تنبيه هام ونصيحة !!

تنبيه هام ونصيحة !!

ممكن نتجاهل شرب كمية المياه المطلوبة يومياً، وممكن كمان منحسش إننا بحاجة لأكل طبق سلطة كبير أو طبق الخضار، فبالتالي نبقى فرحانين ظنناً مننا ان ده الأفضل وأننا مش شرط نشرب كل الحليب ده، أو الفاكهة اللي في السناك عادي لو تجاهلناها أنا هاجي على نفسي عشان أخس أسرع ..



هو أنتي آه هتخسي أسرع، لكن ده مش نظام دايت كلينيك وأنتي لو خسيتي من غير صحة أنا كده مش فرحان والمفروض إنتي كمان متبقيش فرحانه انك بتنزلي في الشهر عشرة كيلو خاصة لو أنثى لو راجل عادي ..

كنتي بتاكلي زمان أكل كتير غير صحي، دلوقتي المفروض تاكلي كتير برضو لكن صحي ..

مينفعش نعمل فجوة كبيرة بين الكميات اللي كان الجسم متعود عليها زمان والكميات اللي هتاكليها في الرجيم.. إنما احنا بنغير في النوع

يعني بدل طعمية وعيش كتير ومخلل، لأ بتاكلي ربع كيلو جبنة قريش وربع رغيف عيش بس وخضار،،
الكمية يمكن اكبر في الرجيم لكنها صحية وتساعدك كمان تخسي زي ما كل الناس بتخس معانا ..

 

بدل ما تخلصي غداء وبعد شوية تاكلي حلويات .. لأ هتتغدي وبعد الغداء تاكلي فاكهة .. تقريباً نفس الوزن اللي دخل معدتك لكن فرق السماء والأرض كتأثير على الجسم 

 

لكن أنا ليه حريص إني افكركم كل شوية بضرورة المياه والفاكهة والخضار،

علشان نتفادى ظهور الترهلات ” صحة الجلد ” و” صحة العضلات ” بجانب فقداننا للدهون، وكمان نضارة البشرة ..

 

بالنسبة كمان للناس اللي مش بتتحرك وبتعتمد في إنها تخس على النظام الغذائي فقط، إحنا إتفقنا إننا نحاول نمشي نفسنا على أد ما نقدر، بداية من الشهر التاني للرجيم، سواء نتمشي أو نجري في الشارع أو في المكان ” في بيتنا ” المهم نحرك العضلات بأي طريقة علشان نقويها، وده شئ بطبيعة الحال هيساعدنا برضو نخس بدون ترهلات.

 

المعادلة بسيطة جداً والرجيم نوعين .. 

رجيم قاسي ” كله حرمان ” غير صحي هينزلك كتير في الوزن، لكن مش بطريقة صحية بالتالي جسمك يكون شكله مش كويس، بعد الوصول للمثالي، وترجعي تزيدي في الوزن في وقت قليل جداً وكأنك معملتيش حاجة!!

أو رجيم صحي، تفقدي بيه وزنك بسلاسة، تعطي فرصة للجلد إنه يتشكل على مهله، على العضلات والدهون بشكلها الجديد، فتمنعي الترهلات من انها تحصل، وكمان بعد ما تخسي، تبقي قادرة تواصلي من غير ما وزنك يزيد تاني .. 

 

ياريت نفهم إن خسارة الوزن بشكل كبير، مش شئ كويس أبداً وهتعاني منه بعدين، طالما قررتي تخسي أرجــــــــــــــــــــــــوكي .. خسي صح 

عن د/ أحمد منصور

22 تعليق

  1. ام اهداء

    السلام عليكم تسلم كتير يا دكتور انا كتير مبسوطه انا ما وزنته بس قياسات نزلت كتير وجسمي مشدود مع الزول مش مترهل قبل كدا لما نزلت حصل ترهل ف الجلد

  2. والله من رجيم دايت كلينك من افضل الرجيمات وانا حاليا ملتزمة مية بالمية انا عانيت من السمنة الزايدة من صغري وكل ما اعمل رجيم يكون فيه الاكل كتير قليل لي يخليني بوقف الرجيم بسرعة و وزني بيزيد اكتر ملي كان بس من لما صرت اتبع رجيم دايت كلينيك حتى نمط حياتي تغير عنجد بفرح كتير لما كمل الغذا وبحس بشبع من غير ندم شكرا كتير دكتور

  3. محمد عمران

    السلام عليكم دكتورنا الجميل
    انا من سنة وانا متبع الصيام المتقطع ومانع السكر ومشتقاته والارز والمكرونة والبطاطس وكل النشويات.او بمعني اصح الكربوهيدرات لكن باكل الكربوهيدرات من الخضار الورقية . كان وزنى 117 حليا بفضل الله 85 ك بقالى شهربن ومش بنزل خالص مع ان طولى 179سم يعني لسة ماوصلتش الوزن المثالى . ماالحل دكتورنا
    عاوز اغير وابتدى معالك في الانظمة الاسبوعية .
    ولا ليك راى تانى.
    انا اسف اطلت على حضرتك … جزاك الله كل الخير

  4. حمزة خوري

    السلام عليكم ورحمه الله وبركاته
    يا دكتور انا لخبطت بقۑ لي اسبوعين مع انه وزني ما زاد لسۑ 76
    الاردات احسها زاد شوي بس بالميزان لا وانفتحت شهيتي بزيادة صرت احب الاكل وخاصة الحلويات الخ…

    انصحني الله والديك

    علما انه قبل ثلاثة اشهر كان وزني 92 لكن الحمدلله تغير كل جسمي واخاف يرجع وزني ثاني

    انصحني

  5. حمزة خوري

    السلام عليكم ورحمه الله وبركاته
    يا دكتور انا لخبطت بقۑ لي اسبوعين مع انه وزني ما زاد لسۑ 76
    الارداف احسها زاد شوي بس بالميزان لا وانفتحت شهيتي بزيادة صرت احب الاكل وخاصة الحلويات الخ…

    انصحني الله يرحم والديك

    علما انه قبل ثلاثة اشهر كان وزني 92 لكن الحمدلله تغير كل جسمي واخاف يرجع وزني ثاني

    انصحني

  6. شكرا لك دكتور 🌷🌹🌷
    انا معاك في الدايت تقريبا من شهر مكنتش ملتزمة في الاسبوع الاول بحكم اول مرة اعمل دايت بس الاسابيع 3 الماضية التزام تام +رياضة في البيت والحمد لله نزلت 7 كيلو بعد ماكنت 85 كيلو
    شكرا دكتور وجعل الله هذا العمل والمجهوذ في ميزان حسناتك يارب🌹🌷👍💪

  7. السلام عليكم أنا بدأت معاكم الاسبوع اللي فات بس موزنتش قبل ماأبدأ بس حسه بفرق كبيير وحاسه إني مرتاحه نفسيا وجسدياا بعمل كمان رياضه سويدي ف المنزل عشان أشد البطن شويه مكان الولاده في ترهلات وبشكرك علي المعلومات المفيده دي جزاك الله خيرآ حوزن بكرة بقااا عشان اعرف نزلت كام أخر مرة وزنت كان من شهر ونص

  8. سومية Adris Dls

    سلام عليكم شكرا دكتور على النصيحة و في انتظار نظام الأسبوع القادم
    طلب لو سمحت أعطينا نصائح للناس اللي راح تصور ١٥ يوم من شعبان

  9. مستمرين أن شاء الله

  10. حقيقى أنا لسه مابدأت دايت بس كلامك كل مره بيشجعنى ان آخد الخطوه دى شكرا لأن مواضيعك فعلا مؤثره وفاهمه دماغنا الفظيعه وكمان فاهمه نفسيتنا واتمنى ان الفترة الجاية ابعت لحضرتك رسالة لأنى أخدت الخطوة دى بسبب تشجيع حضرتك انت مثل أعلى للنجاح والمستوى الى انت قدرت توصل بيه لينا ده دليل على انك انسان ناجح وعظيم بالتوفيق دايما

  11. غير معروف

    جزاك الله خير الجزاء على ماقدمت من نصائح يادكتور الحمدلله ليا شهر داخله معكم في الجروب خسيت سبعه كيلوا والحمدلله مكملين لكن تنصحني بايه عشان جوانب والهنش ينزلو زي الجسم كله

  12. Ôsãd 3ïñy málàk

    انت اكتر من رائع ربنا يبارك في حضرتك ويكرمك بجد انت ساعدتني كتير والحمدلله خسيت حوالي 6كيلو ف شهر وشويه مع اني مكنتش ملتزمه اوي بس دي حاجه كويسه بالنسبالي لاني اول مره اعمل رجيم او بمعني تاني معملتش رجيم الا لما فهمت ان الدايت مش حرمان ودا بفضل حضرتك

  13. كلام صح جدا وصادر من خبير ربنا يبارك في علمك وصحتك يا دكتور وفي انتظار النظام الجديد👏👏👏

  14. ملك عاصم

    السلام عليكم ورحمة آلله وبركاته
    انا ليه اسبوع مع حضرتك والحمد لله
    نزلت ٢.٥
    كنت ١١٧.٥ وزنت الصبح ١١٥
    انا مجزئه هدفى لعدة اهداف
    الاهدف اللول الوصول لل١٠٠ ويارب يارب
    احققه

  15. وزني 70kg وطولي 153 وعمري 34 BMI سمنة من الدرجة الاولى ماذا أفعل كي أتخلص من دهون البطن

  16. شكرا ليك عالنظام ❤
    بس سؤال عالفطور مسموح مع الجبنة ب رغيف اسمر صغير بحجم التوست البني يعني؟

  17. يا دكتور لو سمحت بالنسبه للارداف فى اى حاجه تنزلها مع الرجيم طبعاااا

  18. راح اطبق احد الانظمة الموجودة في التطبيق وان شاء الله اجيب نتيجة كويسة وزني ٦٥ وطولي162 بعد اسبوع ان شاء الله ببدأ من الغد ان شاء الله وبعطيكم النتيجة وانا قد التحدي يا دكتو راح اتحدى نفسي

  19. انا عايزة ابدا رجيم بس المشكل لي عندي ابني بيسهرني ل 4 الصبح بجوع كتير اذا اتبعت نظام الصيام المتقطع ممكن اخلي وجبة العشاء ل 10 او 11 بالليل

  20. انا ابدا بكرة انشاءالله



اترك تعليقاً

لن يتم نشر عنوان بريدك الإلكتروني.