الرئيسية / استفسارات / أهم موضوع في التطبيق !

أهم موضوع في التطبيق !

مساء الخير 🍁، الموضوع ده كان لازم يبقى موجود على التطبيق من مدة طويلة، لكن للأسف بسبب إنشغالي الدائم كنت مأخره أسبوع ورا التاني، بس خلاص حان الوقت إني أكتبه، وأتمنى منكم تقرأوا الموضوع بتركيز علشان أكيد هيفيدكم.



أنا إيه هدفي من وجودكم؟

سواء موجودة معانا من شهر أو إتنين أو سنة أو لو لسه موجودة من يومين .. حسيتي إني متطلع لأي شئ غير إني أفيد أكبر عدد ممكن من الناس لوجه الله تعالى وأساعدكم تخسوا بالطريقة الصح مش بالطريقة اللي السوق كله ماشي بيها، لعل دعوة منكم من القلب ربنا يتقبلها وتتغير حياتي بيها.

هو أنا هخسر حاجة لو خليت الفطار زيتونة والغداء رجل فرخة والعشاء حباية حمص، لأ طبعاً مش هخسر حاجة، وكلكم هتخسوا ما شاء الله وكل يوم كمان مش كل أسبوع، هتفضلوا تخسوا بالنظام ده لحد ما تختفوا حرفياً اللي هو تموتوا لا قدر الله بسبب عجز الجسم عن أداء وظائفه الحيوية بكمية الأكل اللي لا تسر عدو ولا حبيب دي.

أكيد أي دكتور معندوش ضمير من مصلحته يشوف الناس اللي بتتابع معاه بتخس بالعشرة كيلو في الأسبوع بغض النظر عن العواقب الجسيمة اللي هتترتب على النزول الكبير جداً ده.

 

أنا أي نظام بكتبه بشوف عليه تعليقات بتقول إن الأكل كتير جداً ..

أنا مش عايزكم تشوفوا الأمر ده سلبي .. أنا مدرك كويس جداً أنا بعمل إيه وعارف بخسسكم أزاي، الصحة غالية أوي والتعامل معاها مينفعش يكون عشوائي، مش عشان عايز أعمل رجيم وأخس وفي المقابل أضيع صحتي ..

هعمل إيه بجسمي الرشيق  “” ده لو بقى رشيق أصلاً “” وأنا صحتي ضايعة ؟؟ 

 

علشان نبقى متفقين يا جماعة .. النزول الصحي والآمن والممتاز والذي يعني عدم وجود أي مشاكل في الحرق ولا في النظام، هو 4 كيلو شهرياً فيما فوق ..

مما يعني إنك لو عايزة توزني كل عشر ثواني .. أوكي .. براحتك خالص إن شاء الله توزني مرة مع الشهيق ومرة مع الزفير لكن رجاء حار جداً جداً أنا مش عايز أسمع كلمة وزني ثاااااااااااابت إلا لو إلتزمتي شهر كامل ولقيتي في الآخر نفسك نازلة أقل من أربعة كيلو .. وصلت المعلومة دي؟؟؟

 

في ناس بتوزن بعد 15 يوم تلاقي نفسها نزلت 3 كيلو .. بعد اليوم الـ 16 توزن تلاقي نفسها لسه عند 3 كيلو .. منزلتش أكتر من كده .. يا دكتوووووووووووووووووووووووور أنا ثااااااااااااااااااابتة إلحقنااااااااااااااااااااااااااااي ..

أنتوا متخيلين والله في ناس بتحكم على نفسها إنها ثاتبة من يوم وإتنين .. طبعاً متزعلوش مني أنا بعتبر ده شخص مش عايز يكمل في الرجيم وبيدور على أي حجة يقنع بيها ضميره وإرادته الضعيفة إن الرجيم ملوش لازمة ومش هيكمل فيه.

طالما حضرتك مع دايت كلينيك، إذا الحكم بالثبات من عدمه يكون شهري .. مش بقولك متوزنيش على طول .. لأ أوزني قبل الأكل وبعده زي الدواء كده براحتك خالص لكن الحكم الصح اللي تكلميني فيه يكون شهري، نزلتي في شهر أقل من أربعة كيلو هنا بقى نتفاهم .. طبعاً الشهر ده إلتزام مش نصه محشي وحلويات وتقولي ثاتبة بعد شهر.

إنما بقى يا دكتور أنا عضيت إبني لقيت وزني ثابت روحت عضيت بنتي وزني زاد، دخلت الحمام وطلعت لقيت وزني ثابت وكنت مفكرة هخس والله في الخمس دقايق اللي هقعد فيهم في الحمام  .. بلاش كده بقى يا جماعة .. بلاش الميزان ياخد في حياتنا الحيز ده وبلاش تعضي ولادك.

 

 

الحاجة التانية اللي قربت أكتبها على البالطو وأعملها كول تون على الموبايل .. الدورة الشهرية بتزود الوزن من 2 إلى خمسة كيلو، بالتالي مش منطقي أوزن وهي موجوده وياريت كمان ميبقاش الميزان قبلها ولا بعدها بــ 3 أيام علشان هتلاقي وزنك ثابت، ومتقلقيش هتلاقي نفسك بعد ما تنتهي وزنك نزل تاني.

 

بالتالي ضيفي على إنك لو عايزة تحكمي صح بالميزان الشهري .. يكون كمان الميزان ده بعيد عن أيام الدورة الشهرية.

 

طيب إي هي مميزات رجيم دايت كلينيك عن أي رجيم تاني؟ ليه المفروض أحبه وأحب أمشي عليه مع إني شايفة الأكل كتير أو وزني مش بينزل بمعدل واو ؟

 

الأكل كتير في النظام ..

شئ طبيعي الحرمان هيوصلك لمرحلة الشراهة بعد ما تخلص رجيم، أنا مش هبقى فرحان إنك نزلت 30 كيلو في شهرين وبعد ما تسبني، تلاقي نفسك بتجري على الأكل اللي خلقه ربنا وبتاكل في صحابك، ما طبيعي تتصرف كده وأنت بقالك شهربن محروم.

زي ما قولت أنتوا اللي هتخسروا مش أنا .. لو قولت لكم تأكلوا من غير سناك أو تقللوا البروتين أو تقللوا الوجبات اللي مكتوبة للنص ..

فأي حد شايف الأكل كتير يفهم إن أولاً صحتك محتاجة تتغذى ومش عشان عايز تخس .. فتقوم ظالمها معاك وتديها عينات أكل وتقاوي .. ومش بس علشان تخس بصحة فكر كمان لو رجيمك كان حرمان .. هتعمل إيه لما توصل للوزن اللي نفسك فيه ؟ والله هتزيد في الوزن تاني بصورة بشعة ومش هتقدر تسيطر ..

وأنا شخصياً اتعاملت مع ناس خست كتيييير أوي بأنظمة غلط، وبعد ما خست زادت تاني بسبب النقطة اللي بكلمكم فيها دي إنه كان عايش طول الرجيم على عينات ..

 

أنا بخلصكم من عاداتكم الغلط .. بسحب منكم سلوكم الخاطئ مع الأكل من غير ما تاخدوا بالكم، بربيكم على نظام أكل جديد، تقدروا تمشوا عليه بكل سهولة، وتمشوا عليه أحبابكم من غير تعقيد علشان تعيشوا أنتوا واللي بتحبوهم في صحة وقوام رشيق للأبــــــــــــــــــــــــــــــــــــــــــــــــــــــــــــــــــــــــــــــــد.

 

عايزة سبب كمان يخليكي تحبي رجيم دايت كلينيك؟

النظام بتاعنا بفضل الله يضمن ليكي عدم ثبات في الوزن .. يعني هتفضلي تخسي لحد ما تقرري إنك تثبتي، جسمك مش هيعطل عن الحرق، لإن البداية والطريق كله الحمد لله صح، فمفيش أي عطلة هتقابلك في نص الطريق.

لازم تفهمي كويس جداً إن مع دايت كلينيك جسمك بيتخلص من الدهون مش عضلات ودي نقطة مهمة جداً أرجوكم تحبوها، فرق شاسع إن جسمك يخسر عضلات أو إنه يخسر دهون ومن غير ما تاخدي بالك كمان كتلتك العضلية بتزيد.

 

ليه لازم تفرحي إن معدل نزولك معانا مش كبير ؟

 

بغض النظر عن إن النزول التدريجي بيسمح لمخك إنه يتعود على النظام الجديد في الأكل، ويخليكي بكل قوة بعد ما تبطلي رجيم تكوني كارهة الأكل الكتير والنوعيات الغير صحية، وبالتالي ضمان 100% إنك عمرك ما ترجعي تخينة تاني ..

إلا النزول بإعتدال ليه فايدة عظيمة جداً جداً ..

وهي إن بيعطي فرصة للجلد إنه يستعيد مرونته مع كل كيلو بتفقده، بالتالي مفيش فرصة إن جلدك يكون مترهل،

 

وأنا مش هكون فرحان أبداً إني أنزلك في شهر من 100 كيلو إلى 80 بس للأسف شكل جسمك مش حلو أبداً، يعني لما وزنك ينزل بشكل سريع، بالبلدي كده مش هتدي فرصة للجلد إنه يتشكل على الشكل الجديد اللي خدته دهونك وعضلات، الجلد مش هيلحق يتأقلم فهيصيبه الترهل.

 

في النهاية الموضوع ده علشان أطمن قلوبكم عشان حسيت إن ناس كتير معترضة على الأكل الكتير أو ناس للأسف فاهمة إن نزول 4 كيلو في الشهر مصيبة تستدعي اللطم على الخدود وكمان ليه بمنع النشويات في وجبة أو في يوم وأضيفها في يوم وباقي التغييرات اللي بعملها معاكم في الأنظمة.

 

بالنسبة للأنظمة الغذائية 

ففي نظام غذائي بينزل مساء كل يوم جمعة هتلاقوه ( هنا )

دمتم في خير وسعادة وراحة بال .. 🍁

عن د/ أحمد منصور

107 تعليقات

  1. بصراحه كلامك كله صح .تسلم ربنا يجازبك خير عنا يارب❣

    • غير معروف

      جزاك الله خيرا

    • غير معروف

      احلى نظام دايت والله انا مبسوطة جدا انى معاكو ويااااارب اوصل للمثالى☺👍

    • محمد عرفة

      ربنا يكرمك

    • شكرا لمجهودك يا دكتور👌🏻✋🏻

    • غير معروف

      جزاك الله خير كلامك كله على اسس علمية

    • دكتور انا بجد مش عارفه الناس بتفكر ازاي اصلا ايه قيمة الميزان وانا شايفه جسمي حرفيا بيتنحت وياخد فورمه جديده ومقاسات جديده وشكل جديد reshaping يعني انا مش كل اسبوع بنزل عالميزان ولما بنزل بيكون مش اكتر من كيلو بس شكلي بيفرق من اسبوع للتاني😍😍
      مفيش حاجه تتقال غير شكرا شكرا شكرا دايت كلينيك 🖤❤

  2. معاكم لااسبوع الرابع

  3. غير معروف

    بارك الله فيك يا دكتور وجعلها في ميزان حسناتك

  4. عبير الشام

    كلامك كلو صح واروع دكتور شفتو بحياتي ربنا يوفقك ومايحرمنا منك ابدا

  5. تسلم ايدك يا دكتور كلامك جواهر حقيقي

  6. اسيل ابراهيم

    الله يعطيك العافية يادكتور كلامك صح مية بالمية ويجزيك عنا كل خير بالدنيا والاخرة ياااااارب

  7. ميمو ميمو

    ربنا يبارك لك يا دكتور وربنا يجزيك كل خير ربنا

  8. كلام صح وزي الفل يادكتور مشكور ع جهودك معنا جزاك الله كل خير عنا🌷😍

  9. غير معروف

    👍😍

  10. عندك حق يادكتور والله انا بقالى اسبوع مع حضرتك اصلا وده الصح والدايت تحفه احنا بناكل بس ب كميات قوليله وانا ماشيه ع كلام حضرتك بالظبط وبقى عندى قدره كمان ربنا يباركلك ويجزيك خير بس انا ابتديت اخس من وشى يادكتور هو حلو بس وشى لما بيخس بيبقى وحش بس فرحانه والله ومعدتى مرتاحه جدا جدا ربنا يسعدك ويراضيك يارب يادكتور أحمد

  11. شكرا دكتور انشاءلله مكملين للآخر لغاية مثالي

  12. جزاك الله خير علي المجهود وعلي الضمير وربنا يكرمك

  13. هدى محمود

    جزاك الله خير الجزاء عنا بإذن الله بدأت معاك من شهرين ونصف وكنت ٩٠كيلو والان ٧٨ كيلو وشكل جسمي اختلف جدا وفرق كبير فى المقاسات ربنا يجعله في ميزان حسناتك يارب

  14. آيه عبدالله

    شكرا جدا والله 🌸
    ربنا يكرمك ويجازيك خير 🌸

  15. سومية Adris Dls

    انا معاكم من شهر ١٠ اللي فات و نزلت ب٣٠ كلغ و الحمد لله و انا اصلا دكتورة و معنديش أدنى شك في نظامكم الصحي و اللي خلا وزني ينزل بهدا الشكل و لاول مرة في حياتي مع الاحتفاظ بنشاط في العمل و البيت بالإضافة للرياضة شكرا جزيلا دكتور

  16. فاديا البيطار

    ميرسي كتير يادكتور اقسم بالله كلامك كلو حكم وكل كلمة بتقولها بتدخل في القلب على طول
    الله يعطيك الف عافية ويعطيك الصحة وراحة البال
    وكل اللي بتتمناه بحياتك

  17. ناهد عباس

    جزاك الله خيرا يا دكتور

  18. اسلام أم جاد

    شو النظام

  19. ام البراء

    كلام جميل
    ربي يسعدك ويعلي مراتبك فالدنيا والاخره
    دايت كلينك 😍

  20. ريتاج احمد

    حضرتك ممتاز جزاك الله كل خير ويجعله في ميزان حسناتك

  21. كلامك مظبوط رجيم بدون حرمان عشان ننزل بصحة جيدة ومنحسش بتعب ووهن

  22. ام سفيان

    شكر ليك بجد انا فعلا لسه بدءة معاك من اسبوع وقررت انى مش هوزن إلا يعد شهر علشان احس بالفرق..جزاك الله خيرا

  23. انت صح يا دكتور شكرا ليك وانا اول أسبوع معاك ان شاء الله التزم الاسبوع ده 100٪

  24. غير معروف

    ربنا يبارك فيك ويسعدك .. ويحقق كل اللى تتمناه ..
    كلامك كله صح ١٠٠ ف ال ١٠٠

  25. تبارك الله ي دكتور

  26. غير معروف

    ماشاء الله عليك يادكتور بصرحة انا فرحانة جدا بعد ما خسيت 12 كيلو فى شهرين ومكمل معك انا كنت 104 وبقت 92 وطلولى 166

  27. كلام حضرتك رائع وجزاك الله خير ربنا هيكرمك ويكرمنا معاك

  28. يعطيك العافيه كلام صح

  29. ابتسام عمر

    جزاك الله خيراً

  30. جزاك الله خير يادكتور ربنا يجعلها في ميزان حسناتك

  31. احلى نظام دايت والله انا مبسوطة جدا انى معاكو ويااااارب اوصل للمثالى☺👍

  32. سوما الترهوني

    الله يبارك فيك يا دكتور كلامك صح ميه بالميه

  33. بنت اليمن

    فعلاً كلامك صحيح بصراحة النظام الذي تعطيه لنا ما يخلي الواحد يحس بالحرمان متوازن جداً
    الله يجزاك عنا كل خير ويسعدك يادكتور

  34. :)💪🏻💪🏻💪🏻💪🏻💪🏻

  35. والله يا دكتور انت دمك خفيف وكلامك كله زي العسل😂

    ربنا يجازيك خير علي كل اللي بتعمله معانا

  36. بجد يادكتور كلامك تمام خالص انا بدئت اعرف قرايبي بالبرنامج بتاع حضرتك عشان يبتدوا يمشوا عليه 👍👍❤

  37. سيدرا الروح

    انا اول مرة اعمل ريجيم وبكون مرتاحه فيه لهدرجه مع لعلم كانت النفسيه ذفت قبل ماقرر بلش معكن وجرب والحمد لله ولفضل لربنا ولدكتورنا انا متفاجئة بحالي على لاراده لصارت عندي فجأة واني كفي للآخر وقد ماعبرنا رح نضل مقصرين بحقك ربنا يقويك متل ماعطيتنا هالحماس ولاراده لقويه وكلامك كلو صح لمفروض لوزن يكون بالشهر وانا ع اعتمد ع لمقاسات اكتر من لميزان برغم نزول وزني

  38. سومة عبدالله

    بارك الله فيك و يرحم والديك
    و جزاك عنا خير جزا الله يحفظك و يحميك و يرزقك سعادة الدارين

  39. قبلت التحدي

  40. انا من شهر معك ونزلن كيلو واحد علما انني امشي عالنظام حرغيا ما السبب ارجوك ساعدني

  41. جزاك الله خيرا يادكتور إن نقص من وزني،كيلو وجرمات خلال اسبوع

  42. كلام حضرتك صح جدا وان شاء الله مكملين جزاك الله خيرا كثيرا

  43. احسنت

  44. جزاك الله خيرا أخى الكريم وحفظك من كل سوء

  45. صلوا على خير البشر

    دكتور جزاك الله كل الخير على بتقدموا لينا دا.

    أنا لسه مبتدئة معاكم من اليوم ودة أول أسبوع ليا .
    أنا طولة 151ووزنى 85والسن40 ونفسى جدا اخس لأن التخن عملى مشكلة فى القلب ضربات قلب سريعة مع صعود السلم أو المشى لمسافة قليلة .ونهجان ومبقدرشى اتكلم مع اى إنسان إلا لما أرتاح شوية .علشان كدة قررت أنى اعمل رجيم .اه نسيت اقول لحضرتك أنا بكلية واحدة والتانية حصلها ضمور .والحمد لله على كل حال .
    نفسى جدا اخس وأوصل للوزن 70على الأقل.
    جزاك الله كل الخير .

  46. غير معروف

    كلام منطقي جداً، انا من غزة والي أسبوعين معك يا دكتور ونزلت فيهم 4 كيلوو😀

  47. انا بشكرك كثير وربنا يوفقك اكتر واكتر انت انسان رائع والبرنامج والدايت ده اصلن شي جميل وصحي وكل فائده

  48. غير معروف

    كلامك صحيح مية بلمية بارك الله فيك يادكتور وجعله الله في ميزان حسناتك

  49. شكرا ليك يادكتور وجزاك الله كل خير انت في الاول وفي الاخر بتعمل علشان مصلحتنا مش مصلحتك وخايف علي صحتنا والريجيم بتاع حضرتك فعلا حلو جدا وكلامك كلة منطقي فعلا ربنا يبارك لحضرتك ويعطيك الصحة والعافية ويوفقك دايما

  50. دلال جرار

    الحق معك يادكتور جدولك الغذائي غني بالعناصر اللي بيحتاجها الجسم انا جربت من قبل اني اسوي رجيم قاسي عند حدا تاني ونزلت لاكن بالمقابل لقيت الحديد والفيتامينات كلها كمان نزلت وضليت اتعالج شهرين من هالوضع لاني كنت فاقده للنشاط وإرهاق دائم لاكن الحمد لله ع كل حال

  51. دمعة ورد

    كلام منطقي وواقعي
    ربنا يجزيك كل خير ان شاء الله

  52. جزاك الله كل خير احلا كلام ربنا يباركلك

  53. غير معروف

    😚😚😙😙شكرآ

  54. ربنا يجازيك خير يادكتور ان شاءالله

  55. ويبقي الامل

    جزاك الله الف خير علي المجهود والمعلومات القيمة ربي يحقق كل أمانيك يارب الصراحة النظام مريح جدا

  56. أسماء ابوالفضل

    ربنا يجازيك خير يا دكتور أحمد والله بدعيلك كتير والموضوع ف وقته انا ينزل ع الميزان ببطء بس كل اللي يشوفني يقولي خسرت جدا واللبس فرق جدا معايا … انا بعد ولادتي التانية وإني زاد جدا وصلت 92 ومش بحب اعمل رجيم فكرة الحرمان من الأكل بتتعبني 😂 بس لقيت الابلكيشن دايت كلينيك قدامي ومتأكده أن ربنا بعته ليا كهدية وخصوصاً مفيش حرمان من الأكل بالمعنى الحرفي وبقي فعلا أسلوب حياة ووزني وصل 83 ونزلت من 46 % دهون ل 30 % ليا حوالي شهر واسبوع مع حضرتك 😊آخر أسبوعين كنت ينزل بالجرامات 😂 يمكن عشان كنت بعك شوية…ر بنا يباركلك ويرزقك بكل خير يا دكتور

  57. يارب ان شاء الله أكمل معاكم وأنزل أكتر من 4 ك فى الشهر

  58. غير معروف

    جزاك الله كل خير

  59. دكتور انا مشكلتي مش بعرف اكمل في الدين وبرجع تاني

  60. نادية منال

    بارك الله فيك يا دكتور نظامك في الرجيم رائع وصحي وهذا بتجربتي معك رغم انني وصلت الى الميزان الي حبيتو فأنا من فترة لاخرى احب اتطلع على النظام الجديد واحب اواصل معكم 😃

  61. 😍😍 يامدلعنا ومهنينا ومكبرنا ومغذينا 😊

    تِسلم ويِسلم لسانك

  62. سوزان عمارة

    جزاك الله عنا خير الجزاء

  63. كلام حضرتك صح جدا جدا
    جزاك الله عنا كل خير

  64. غير معروف

    والله يا دكتور الجو بيمطر وهدعيلك
    اللهم اصلح حالك ويفرحك ويرزقك ويباركلك
    ويجعل مساعدتك ليناةفى ميزان حسناتك
    واتقابل انا وانت على الحوض ونشرب من ايد النبى
    ويبقى جوزى معاناعشان بحبه قادر يا كريم اللهم امين يارب العالمين

  65. انا كتيير مرتاحه بالدايت ونزولي ممتاز وفرحانه كتيير من شكلي …. شكرا دكتوور

  66. غير معروف

    طيب انا في شهر كامل خسيت اتنين كيلوو بس انا مش عارفه اعمل رياضه خالص عشان عندي ديسك مش عارفه اعمل ايه

  67. بسم الله ماشاء الله عليك يادكتور كلام حضرتك مفيد جدا وصح جدا جدا ربنا يباركلنا في حضرتك ويجازيك عنا كل خير

  68. معك حق دكتور ربنا يجزيك الخير ويجعله في ميزان حسناتك….أنا معايا تكيس ونزلت معاك في ٤٠ يوم ٧ كيلو ودي حاجة عمرها ما حصلت قبل كدة .
    أنا بشكرك من كل قلبي.

  69. أحلى نظام والله جزاك الله خيرا أن شاء الله

  70. جزاك الله خيرا يا دكتور كلام حضرتك صح جدا

  71. حنان المغرب

    كلامك راءع يدكتور انا كتبت كتير لحضرتك بص بص مش مشكاة انا مكملة وبادن الله خير

  72. مروة محمد

    تاءكيدا لكلام حضرتك انا جربت اتظمة دايت كتير ومع دكاترة وكنت بنزل بسررعة وارجع اتخن بسرعة اكبر ووزن اتقل لانها فعلا كانت تعتمد علي الحرمان وكمان ادويه لفقد الشهية عمري ما عرفت اخسر وزن وميرجعش تاني غير مع حضرتك لاني مش حاسة بحرمان بنزل دهون مش عضلات وميه شبعانه مش حاسة بحرمان شكرااا جزاك الله خير عني وعن كل الي استفاد من حضرتك انا بدءت معاك من تالت شهور 92 الان 80 وهكمل مع حضرتك ان شاء الله💜💜💜💜💜💜

  73. غير معروف

    كلامك كله صح
    ربنا يجعله فى ميزان حسناتك يادكتور

  74. جزاك الله كل خير

  75. ربناااا يبااارك فيك ياا دكتور

  76. نظام ممتاز .

  77. غير معروف

    جزاك الله خير يادكتور وكلامك كله صح وربنا يجعله في ميزان حسناتك
    وحضرتك انا بدات معاك من 23فبراير وكنت 91وصلت بفضل الله وحضرتك ل85 وبجد مبسوطة اوي ومكملة مع حضرتك وربنا يجازيك خير

  78. من فضلك يا دكتور بالنسبه لسن 11ل15 سنه يمشوا علي نفس النظام ولا لا؟؟

  79. رجاء اليمن

    اشكرك جدا دكتور وكلامك صحيح والرجيم قبل مايكون للجسم يكون للصحه والقلب والحاله النفسيه وهو تحدي للنفس والحب للمشتهيات
    انا معكم اكثر من شهر ونزلت 6كيلو لكن هناك فرق ريته في الصحه
    لكن في مشكله هي عندي مركبه صمام اصطناعي وعندي الضغط ودسك بالرقبه والعمود الفرقي ولازم انزل وزني ويكون ثابت لايزيد ولاينقص عن الوزن المثالي

  80. غير معروف

    ‘شِشِڴرَا. الُڴ يـﮯاااااحُلُا دِڴتْوَرَ الُلُهہ. يـﮯوَفَقًڴ

  81. إيمان سليمان

    جزاك الله عنا خير الجزاء بجد انا حسيت ان الموضوع دا جاء في وقته والله شكرا جدا دكتور ولك الف تحيه

  82. مشكورين

  83. جزاك الله خير الجزاء يا دكتور

  84. شكرا يا دكتور أحمد جزاك الله خيرا ويجعله في ميزان حسناتك مساعدتك لينا بصراحة فوق الوصف والخيال علي فكرة انا خسيت 6 كيلو في شهر معاك وبدأت الشهر التاني من الأسبوع الماضي ومكملة أن شاءالله شكلي اتغير للاحسن زميالي في الشغل مش مصدقين اني خسيت كده كنت 104 بقيت 98 كيلو

  85. شيماء الخطيب

    بصراحه يادكتور حضرتك بتريحنا بمقالاتك وبترد على اسئله مهمه جدا وبتغير اسلوبنا الغلط واحده واحده الحمدلله يعنى احنا كدا ماشين على الطريق الصح والاصح ربنا يجازيك عنا خير يادكتور احمد يارب بجد شكرا ليك

  86. هبة زياد

    بصراحة رجيمك كثير حلو ومتنوع ومفهوش حرمان بالعكس كثير ممتاز
    ربي يبارك فيك ويكرمك ويعطيك كل خير

  87. ممتاز النظام وبدون حرمان وتغير في المقاس موصروري الميزان وبالخصوص الي يلعب رياضه حتى لو مشي نص ساعه باليوم انا متبعه معاكم سارلي فتره رغم اني بخربط شوي بعض الاحيان الكل يقول وين نصك التاني

  88. ابو يوسف. السعوديه. الجوف

    يعافيك ربي يادكتور.
    بالرغم اني لسى مانضميت معكم بالتحدي والحميه والا البرنامج لكن لشكرك من اعماق قلبي على نزول اللي متبعين معك بالدايت
    انا كنت متبع نطام اخر وصخي وبه نشويات وبروتينات وكل شي ماعدا الحلويات ونزلت من ١٢٥ إلى ٨٠ بقريبا ٧ شهور ولكن وبسبب اصابتي باحدى فقرات الرقبه انزلاق وقف الدكتور التمارين والنادي وزدت ٣ كيلو وبعد ٤ شهور تعافطت ورجعت وبقوه عن طريق دايت اكتنز وشهرين ونزلت ٧٨ تركته واتبعت ديت السعرات ونزلت الي ٧٦ وباقي عن المثالي ١٠ كيلوا
    وابغى ادخل دايت كلينك ولكن متردد بسبب ان الخبز ممنوع وهذا ماقدر اصبر عنه
    واكرر شكري
    وباذن الله راح ادخل معاكم

    • غير معروف

      من فضلك ممكن أعرف سبب الإنزلاق هو تمارين رياضية ولا إيه لأني بعد نزول وزني وكنت بلعب رياضة جالي الم في الرقبه وتنميل في الزراعين وطلبت مني الدكتورة اوقف تمارين لحين عمل اشاعة ..!

  89. جزاك الله خير

  90. غير معروف

    انا جديده بقالي شهر ومش بيوصلي نظام الدايت

  91. موضوع جميل جدا ومفيد بصراحه الله يباركلك يادكتور
    انا مرضعه والدوره بتيجي شهر وشهر لا هل لما اوزن في الشهر اللي مجاتش في هياثر
    انا عارفه ان حضرتك بتقول انها بتزود بس انا شهر كامل مش بتيجي ارجو الرد يادكتور

  92. غير معروف

    جزاك الله خيرا بس لياسؤلل الوجبات اللي مش موجود فيها عيش ينفع نبدل يوم بيوم

  93. رجيمك حلو اوي يا دكتور ولكن عايزة اعرف ايه اسباب الجوع المفاجئ اللي بيحصلي ومش باكل فاكهه خالص مش بحبها ولا الحلويات ممكن يكون دا سبب او مشكله عندي ممكن الرد ضروري

  94. لو سمحت يادكتور انا عملت in body وعملية الايض فيه ضعيفة قوي ياريت تقولي حلول لرفع عملية الايض

  95. السلام عليكم ورحمة الله وبركاته
    أنا دخلت أعلق علي الموضوع ده بالذات لأنه فعلا موضوع مهم جدا .. وحبيت أحكي تجربتي أنا وزني كان 108 ك ودلوقتي وصلت لوزن 90 في مدة 6 شهور الحمد لله ومبسوطة جدا طبعا من النتيجة دي .. في الأول بدأت مع دكتور تغذيه كان نظام كيميائي ممنوع ممنوع ممنوع .. وخسيت 7 ك بس حسيت مش حقدر اكمل بالطريقة دي فتابعت مع دكتورة تغذية فهمتني انه الجسم مينفعش نحرمه من حاجة وبالفعل بدأت معاها وكان جسمي بينزل وفي نفس الوقت مبسوطة جدا من الدايت بتاعها ومش حاسة ان جسمي محروم بالعكس .. وكنت بدأت معاها 101 لحد ما وصلت ل 94 ك بس ساعتها كنت بوزن ميزان ان بادي واللي ضايقني ان لقيت نسبة الدهون مقلتش .. فا للأسف من وقتها جالي هوس عايزة انزل دهون الجسم وبدأت اتفرج علي فيديوهات علي يوتيوب ازاي تخسر دهون وأسمع الاقي أنظمة غريبة ومن ضمنها فيديو بالنص كدا إمنع الرز إمنع العيش إمنع المكرونة إمنع اللبن إمنع السكر ومفيش حاجة إسمها يوم فريه ! وللأسف عملت كدا .. وخسيت أينعم ومعدتي فعليا أخدت علي كميات اكل قليلة جدا بس لقيت جسمي هزيل وضعيف مفيش طاقة مش عارفة ابزل مجهود مع العلم اني كنت بلعب رياضة .. الأول كان مسموحلي الغبط واخد يوم فريه كنت بجري علي الارز والمكرونة
    والسكريات .. لكن اللي حصل إني لما منعت الجسم منهم نهائي دلوقتي معدتي مش عارفة تتكيف لا مع نشويات ولا مع سكر ولا باخد فريه مش عارفة اكل رز اخري معلقة وشكرا .. لدرجة اني كنت برجع الأكل القولون تعب وجالي نقص في فيتامينان الجسم طبعا من ضمنهم فيتامين ب .. لأن كشفت عشان زراعي علطول كان منمل مع وجع في الرقبه والدكتورة نصحتني اوقف تمارين .. أنا بكتب كل ده عشان أولا الناس بس تاخد بالها الجسم بيحتاج لكل العناصر .. ثانيا أوجه رسالة شكر للدكتور وأي دكتور تغذية زيه بيراعي ضميره ربنا يجازيهم كل الخير .. أحسن شئ الريجيم المتوازن دي نعم ربنا محللها متقسيش علي نفسم وعلي جسمك وخسي بالراحة ومعدتك كدا كدا حتاخد علي الكميات القليلة بس حتبقي بتاكلي كل حاجة وجسمك في طاقة إنك تقومي بواجباتك في الحياة سواء شغلك أو تربية أولادك .. وأسفة للإطالة وأتمني تستفيدو .. ودمتم في صحة وعافية ..

  96. زهرة العيلة

    طب يا دكتور انا طالبة في الصف الأول الثانوي وزني زاد في الفترة الأخيرة بشكل خرافي انا مش عارفة أذاكر وكل لما أتبع نظام بسيبه اعمل اي انا كان وزني68 دا أيام ما كنت تخنت اوي جيت من فترة صغيرة اقف علي الميزان بقيت 77 انا اتخن وحدة في صحابي بعد ما كنت جميلة وشاطرة بقيت مش عارفة حاجة بجد انا عايزة حد يساعدني

  97. هدى البوادى

    والله يا دكتور انت من افضل الدكاتره اللى الواحد عرفهم ربنا يجازيك خير عنا جميعا احنا مرتاحين جدا بنظام حضرتك وبنعتبره مش فترة رجيم وهتعدى ده هيبقى اسلوب حياه تسلم يا دكنور والله

  98. قرآني جنتي

    السلام عليكم ورحمة الله وبركاته
    لو سمحت يادكتور وزني 133.5 كيلو مش عارفة أمشي على أي نظام ولو فيه نظام معين للوزن الكبير يبقى جزاك الله خيراً الحالة الصحية جيدة ولله الحمدلله بأخذ علاج للعظام فقط الحمدلله رب العالمين. الرجاء الإفادة لابدا قبل شهر رمضان إن شاء الله



اترك تعليقاً

لن يتم نشر عنوان بريدك الإلكتروني.