إنقاص الوزن بالصيام المتقطع
إنقاص الوزن مع الدكتور أحمد منصور بنظام الصيام المتقطع

إنقاص الوزن بالصيام المتقطع بنظام تفصيلي لمدة أسبوع واحد

فرصة جديدة وتحدي جديد، وكالعادة يتجدد لقائي معكم مساء كل يوم جمعة، بنظام صيام متقطع، مناسب ليك في حالة إن وزنك أقل من 90 كيلو جرام.

إنقاص الوزن بالصيام المتقطع، من أكثر الطرق الفعالة، اللي إتبعها عدد كبير من عائلة دايت كلينيك، على مدار شهور كتير، وحققوا معانا قصص نجاح فاقت خيالهم وتوقعاتهم، وأبهرتهم وأبهرت كل اللي حواليهم.

نظام الصيام المتقطع اللي بنتبعه في دايت كلينيك، هو نظام (16/8) بنصوم فيه 16 ساعة من ضمنهم ساعات النوم، والساعات الباقية الـ 8 ساعات، بناخد فيهم الأكلات، المكتوبة في جدولنا يوم بيوم.

إنقاص الوزن بالصيام المتقطع

لو مش هتقدر تصوم وفي نفس الوقت وزنك أقل من 90 كيلو، بكل بساطة هتمشي على جدول الأكل المكتوب، بدون ساعات الصيام، فقط هتوقف أكل قبل النوم بثلاثة ساعات.

خلال ساعات الصيام، مسموح بشرب الماء والشاي والقهوة والأعشاب ولكن بدون سكر، ومن أفضل الأعشاب لرفع معدل الحرق هو مشروب الشاي الأخضر.

القهوة السادة ممتازة هي الأخرى لرفع معدل حرق الدهون، ونقدر نشرب كوب خلال ساعات الصيام، والأهم على الإطلاق الحرص على شرب الماء، بحد أدنى 8 أكواب كل يوم.

ممكن في البداية تصومي 12 ساعة فقط وبعد كده تصومي 14 ساعة، مش شرط الـ 16 ساعة، لو شايف متابعنا الكريم، إن موضوع الـ 16 ساعة، صعب عليك.

نظام الرجيم الجديد

نظام أول يومين مع بعض، ثم نظام أربع أيام، واليوم السابع هيكون فري “يوم الجمعة”، وجبة خفيفة واحدة بين الفطار والغداء فقط، ولايوجد سناك بين وجبة الغداء والعشاء.

يوم السبت والأحد

7 نوفمبر، و8 نوفمبر

الفطار

يمكنك الإختيار من بين:-

  • 3 معالق شوفان + كوب حليب + معلقة عسل أبيض
  • 3 معالق كورن فلكس + كوب حليب + معلقة عسل أبيض
  • 3 معالق قمح بليلة + كوب حليب + معلقة عسل أبيض
  • بيضة مسلوقة + حبة بطاطس مسلوقة + شرائح طماطم وخيار وفلفل أخضر
  • 3 معالق فول + ربع رغيف عيش بلدي + ثمرة طماطم
  • 2 بيضة مسلوقة + نصف رغيف عيش سن + ثمرة طماطم وخيار وخس وفلفل أخضر
  • 2 قطعة جبنة قريش + نصف رغيف عيش سن + طبق سلطة صغير

 

سناك (1)

نصف كوب ترمس

أو

كوز ذرة مشوي

أو

6 حبات لوز نئ

أو

ثمرة فاكهة

 

الغداء

يمكنك الإختيار من بين:-

  • ربع كيلو سمك مشوي
  • علبة تونة بدون زيت
  • ربع فرخة مشوية أو مسلوقة
  • 200 جرام لحمة مسلوقة أو مشوية
  • طبق مشروم بالبيض
  • ربع كيلو جمبري مشوي أو مسلوق
  • 2 بيضة مسلوقة أو مقلية بزيت زيتون

+ 3 معالق أرز أو 4 معالق مكرونة أو ربع رغيف عيش بلدي أو نصف رغيف عيش سن.

+ طبق سلطة

أو طبق خضار محضر بطريقة صحية من أحد الخيارات الآتية:-

  • قرنبيط
  • كوسة
  • بامية
  • ملوخية
  • فاصوليا خضراء

 

العشاء

1 توست بني + علبة زبادي

أو

نصف رغيف عيش سن + بيضة مسلوقة

أو

علبة زبادي + ثمرة فاكهة

أو

كوب حليب + بيضة مسلوقة

 

نظام اليوم الثالث حتى السادس

من الاثنين إلى الخميس الموافق 12 نوفمبر

 

الأيام دي هتكون أصعب شوية من أول يومين، لكن هناخد بعدهم يوم فري، وإن شاء الله الأيام دي هتكون سبب في معدل نزول جميل لينا كلنا، بإلتزامنا ومن قبله توفيق ربنا إن شاء الله.

الفطار

يمكنك الإختيار من بين:-

  • كوب حليب + بيضة مسلوقة
  • 2 بيضة مسلوقة + خيار أو خس
  • قطعة جبنة قريش + بيضة مسلوقة + خيار او خس
  • 2 قطعة جبنة قريش + خيار أو خس
  • جبنة بيضاء لايت (125 جرام) ثمن كيلو + خيار أو خس
  • 2 علبة زبادي + خيار أو خس

 

سناك (1)

ثمرة فاكهة

أو

6 حبات لوز نئ

 

الغداء

يمكنك الإختيار  من بين:-

  • ربع فرخة مشوية + شرائح طماطم وخيار وفلفل أخضر
  • ربع فرخة مسلوقة + طبق شوربة خضار أو طبق كوسة دايت أو ملوخية
  • مسقعة باللحمة المفرومة ( طبق مع 200 جرام لحمة مفرومة )
  • ربع كيلو جمبري مسلوق + طبق ملوخية
  • بسلة باللحمة ( كوب بسلة + 2 شريحة لحمة )
  • كوب شوربة عدس + ربع فرخة مسلوقة
  • ربع أرنب مسلوق + طبق ملوخية
  • قرص قرنبيط بالبيض (بـ 2 بيضة)
  • علبة تونة بدون زيت + طبق سلطة
  • 200 جرام كفتة مشوية + شرائح طماطم وخيار وفلفل أخضر
  • 2 بيضة مسلوقة + طبق سلطة

 

العشاء

علبة تونة بدون زيت + طبق سلطة

أو

بيضة مسلوقة + طبق سلطة

أو

كوب لبن رائب

أو

علبة زبادي + خيار أو خس

أو

قطعة جبنة قريش + خيار أو خس

 

نظام يوم الجمعة 

اليوم السابع

اليوم السابع، يوم فري، لينا وجبة مفتوحة، وهي وجبة الغداء، أما بالنسبة لوجبة الفطار والعشاء هيكونوا دايت، ومسموح لينا بقطعة حلويات بحجم كف اليد، بعد وجبة الفطار أو الغداء.

 

وبكده يكون إنتهى نظام الأسبوع الحالي، دمتم بخير ولا تنسوني من صالح دعائكم.

برنامج للتخسيس الصحي