نظام غذائي للتخسيس غير مكلف
نظام غذائي غير مكلف مع دايت كلينيك للدكتور أحمد منصور

النظام العادي الجديد للدكتور أحمد منصور وزن أعلى من 90 كيلو يبدأ السبت 12 أغسطس

تنويه هام قبل البدء في قراءة النظام، رجيم الأسبوع الحالي هو نفسه نظام الأسبوع الماضي، لكن الرجيم القادم واللي هيكون متوفر على التطبيق والموقع، من يوم الجمعة 11 سبتمبر، وهنبدأه من يوم السبت الموافق 12 سبتمبر، هيعجبكم جداً، هيكون مختلف وسهل وفيه حرفياً كل شئ، متنوع بشكل رهيب، وموجود أي حاجة طلبتوا أنها تتوفر في النظام.

هيكون رجيم مختلف وهتشوفوا ده بنفسكم، وفعال جداً جداً في النتيجة، ودي حاجة كل اللي هيلتزم بيه هيلاقيها، لكن محتاج من هنا ولنهاية الأسبوع دعمكم، على ما نجهز ليكم الرجيم، بأنكم تقيموا تطبيقكم دايت كلينيك على متجر جوجل بلاي بخمس نجوم، لأن ده الحافز الوحيد لينا، واللي بيشجعني فعلاً أقدم كل اللي عندي.

يتجدد لقاؤنا معكم متابعينا الأعزاء، كالعادة مساء كل يوم جمعة، ورجيم جديد بنظام عادي مناسب لحضرتك في حالة إن وزنك أعلى من 90 كيلو، رجيم صحي من أكل البيت وغير مكلف، يسمح لك بالتخلص من الوزن الزائد والحصول على الشكل والوزن المثالي الذي تحلم به، دون أي آثار جانبية سلبية.

على قدر إلتزامك بالمكتوب يوم يوم، هتلاقي النتيجة، الرجيم سهل جداً، فيه كل حاجة تخطر على بالك، هتآكل على مدار اليوم وهتشبع، وجسمك مش هيعاني أبداً إن شاء الله.

شوف مقاساتك يوم السبت الصبح 12 سبتمبر، وأوزن كمان عادي، وتابع مقاساتك بعد 7 أيام يعني يوم السبت 19 سبتمبر، هتلاقي تغير يبهرك، وشوف الميزان هتلاقي الرقم الجديد يفرح جداً بإذن الله تعالى.

لكن تضمن لي إنك تمشي على جدول الأكل، وقبل الإلتزام بالمكتوب في الوجبات، مطلوب منك أخذ النقاط الآتية في الإعتبار:-

  • شرب الماء أمر ضروري، وهام لنجاح عملية إنقاص الوزن بفعالية، كحد أدنى محتاج تشرب 8 أكواب في اليوم.
  • حاول على أد ما تقدر تنام كويس جداً، النوم في الليل ولمدة أقل شئ 7 ساعات.
  • حاول كمان تسيطر يا بطل وتوقف أكل قبل النوم بحوالي ساعتين.
  • كمية السكر اللي بنستهكلها على مدار اليوم نقطة في غاية الأهمية، كفاية معلقة واحدة في اليوم.
  • الملح برضو نستهلكه بالكمية المعتدلة، منزودش أبداً في إستهلاكه.
  • زيت الزيتون منزودش عن 2 معلقة كبيرة في اليوم.
  • لو تقدر تتحرك قدر الإمكان لو نص ساعة في اليوم تجري أو تتمشي حتى لو البيت، هيكون شئ ممتاز.

جدول الأكل في الرجيم الجديد

العشاء ثابت طول الأسبوع هيكون عبارة عن كوب لبن رائب “علبة الحجم الصغير” أو 2 علبة زبادي صغيرة. (لا تنسى)

نقدر نبدل ربع رغيف عيش بلدي بواحد توست بني أو نصف رغيف عيش سن.

في وجبة الغداء، بتطالبوا بأصناف متنوعة، وأنا عن نفسي بكتب كل شئ ممكن يتآكل، والدور عليكم بقى إنكم تشكلوا في طريقة التحضير وتبدعوا فيها بطريقة تناسب الرجيم.

يعني في إيه أكتر من الفراخ واللحمة والسمك وكخيار إقتصادي وصحي بنضيف البيض، الدور عليكي تعملي في كل مرة هتآكلي فيها فراخ، أو لحمة، طريقة مختلفة في التحضير، زي الفاهيتا الدايت والشاورما أو حتى كفتة الفراخ وهكذا، بنفس كمية الأكل المكتوبة في الجدول اليومي، حتى البيض في أكثر من طريقة لتحضيره بحيث يكون لذيذ وصحي في نفس الوقت.

أي صنف مش مكتوب نقدر نستمتع بيه في الأيام الفري وليكن مثلاً بط أو حمام وهكذا، وساعات بنضيف الحاجات دي وغيرها، عادي في الجدول الأسبوعي، وفقاً لخطتنا في دايت كلينيك.

 

نظام اليوم الأول والثالث والخامس 

السبت 12 سبتمبر، الاثنين 14 سبتمبر، والأربعاء 16 سبتمبر.

الفطار 

يمكنك الإختيار من بين:-

  • 3 معالق شوفان + كوب حليب
  • 6 قطع بسكوت سادة + كوب حليب
  • 2 بسكوت دايجستف + كوب حليب
  • 3 معالق قمح بليلة + كوب حليب
  • 2 بيضة مسلوقة + ربع رغيف عيش
  • 3 معالق كورن فلكس + كوب حليب
  • حبة بطاطس مسلوقة + بيضة مسلوقة
  • 2 قطعة جبنة قريش + ربع رغيف عيش
  • ثمن كيلو جبنة بيضاء لايت + ربع رغيف عيش بلدي
  • بيضة مسلوقة + قطعة جبنة قريش + ربع رغيف عيش
  • 6 معالق فول + ربع رغيف عيش
  • 3 معالق فول + بيضة مسلوقة + ربع رغيف عيش

سناك (1) الوجبة الخفيفة الأولى

ثمرة فاكهة

 

الغداء

يمكنك الإختيار من بين:-

  • صدر فرخة مشوي أو مسلوق
  • ربع كيلو لحمة مسلوقة
  • ربع كيلو كفتة مشوية
  • 2 بيضة مسلوقة
  • نصف كيلو سمك مشوي
  • علبة تونة بدون زيت
  • ربع كيلو جمبري مشوي أو مسلوق

+ 3 معالق أرز أو 4 معالق مكرونة أو ربع رغيف عيش بلدي

+ طبق سلطة

+ طبق خضار محضر بطريقة صحية من أحد الخيارات الآتية:-

  • ملوخية
  • بامية
  • فاصوليا خضراء
  • كوسة
  • سبانخ

سناك (2) الوجبة الخفيفة الثانية

ثمرة فاكهة

 

نظام اليوم الثاني والرابع والسادس

الأحد 13 سبتمبر، الثلاثاء 15 سبتمبر، والخميس 17 سبتمبر

 

الفطار

يمكنك الإختيار من بين:-

  • كوب حليب + بيضة مسلوقة
  • علبة زبادي + بيضة مسلوقة
  • 2 بيضة مسلوقة + خيار أو خس
  • 2 قطعة جبنة قريش + خيار أو خس
  • 2 علبة زبادي + خيار أو خس

سناك (1) الوجبة الخفيفة الأولى

ثمرة فاكهة

 

الغداء

يمكنك الإختيار من بين:-

  • صدر فرخة مشوي أو مسلوق
  • ربع كيلو لحمة مسلوقة
  • ربع كيلو كفتة مشوية
  • 2 بيضة مسلوقة
  • نصف كيلو سمك مشوي
  • علبة تونة بدون زيت
  • ربع كيلو جمبري مشوي أو مسلوق

 

+ طبق سلطة

+ طبق خضار محضر بطريقة صحية من أحد الخيارات الآتية:-

  • ملوخية
  • بامية
  • فاصوليا خضراء
  • لوبيا خضراء
  • بروكلي
  • قرنبيط
  • كوسة
  • سبانخ

 

سناك (2) الوجبة الخفيفة الثانية

كوب حليب خالي الدسم أو نصف كوب حليب كامل الدسم.

 

نظام يوم الجمعة 18 سبتمبر

يوم الجمعة هيكون يوم فري، نظامنا في اليوم الفري، إننا بيكون عندنا وجبة واحدة مفتوحة وهي وجبة الغداء، أما بالنسبة للفطار والعشاء فهيكونوا دايت، زي أي يوم رجيم خلال الأسبوع، ومسموح بتناول قطعة حلويات واحدة بعد وجبة الفطار أو العشاء، بحجم كف اليد.