رجيم دكتور أحمد منصور
رجيم دايت كلينيك

رجيم دكتور أحمد منصور “صيام متقطع” جديد يبدأ السبت 16 نوفمبر وينتهي الجمعة 22 نوفمبر

تعرف إيه أكثر حاجة ممكن تخليك تفشل في الرجيم ؟ الإجابة ببساطة هي سقف التوقعات المرتفع، بمعنى إنك لما بتبدأ رجيم بتكون مستني تنزل كل أسبوع بالأربعة خمسة كيلو، مع العلم إنك بنسبة كبيرة بتكون زدت الأربعة كيلو دول ممكن في 3 شهور مثلاً، بس مش بيكون عندك صبر، تنزلهم واحدة واحدة.

رجيم صحي

حاجة تانية كمان، وهي إنك بتكوني مش ملتزمة بنسبة 100 % وبتزعلي لو كان وزنك ثابت أو لقيتي نفسك نازلة في الوزن بمعدل أقل من اللي نفسك فيه مع أنك كنتي أصلاً مش ملتزمة.

من الآخر عمرك ما هتنجح في الرجيم، إلا لو إقتنعت أن الموضوع محتاج وقت، وفي دول أورويا وأمريكا الناس قنوعة جداً بنزول حتى لو نص كيلو في الأسبوع لسببين:- 

  • إنهم على الطريق الصحيح اللي في نهايته الوزن المثالي 
  • إن النزول بمعدل كبير أسبوعياً خطر على الصحة وفي نفس الوقت بيكون سبب رئيسي في ظهور الترهلات، فمش معقول أكون بخس علشان شكلي يبقى أحسن، وألقى نفسي خسيت وشكلي للأسف وحش بسبب الترهلات.

 

مشكلة الجوع أثناء إتباع النظام أنتي السبب فيها، وحلها بسيط جداً، هو إني كل ساعة أشرب كوباية مياه حتى لو مش عطشان

  • هتفرق في نضارة بشرتك 
  • هترفع الحرق
  • هتسد الشهية لو قبل الأكل
  • هتفاديكي من الإصابة بالصداع 
  • هيفاديكي من الإمساك 

 

بفضل الله وحده جالي رسايل كتير وتعليقات مبهجة من متابعين دايت كلينيك، بعد رجيم الأسبوع اللي فات، اللي كان بنظام الصيام المتقطع، وده إن شاء الله كان متوقع ومكملين لمدة ثلاث أسابيع كمان صيام متقطع، فلو مكنتش ملتزم الأسبوع اللي فات، ركز الأسبوع ده وهات أخرك وإلتزم وإن شاء الله ربنا يكرمك وتاخد خطوة قوية في طريق وصولك للوزن المثالي

 

 

عزيزي القارئ ..

عزيزتي القارئة ..

برجاء العلم بأنه قد تم نقل جميع الأنظمة الأسبوعية إلى تطبيق دايت كلينيك، من الآن وصاعداً، ستكون الرجيمات الأسبوعية المتجددة حصرية فقط على التطبيق، يمكنك الوصول للتطبيق من المتجر من خلال الضغط على كلمة (تطبيق دايت كلينيك) الموجودة بين القوسين، والملونة باللون الأحمر.

تأكد أيضاً أنك قمت بتحديث التطبيق.