الرئيسية / أكلات دايت / خطوات تحضير “الكبده” دايت – بكل سهولة

خطوات تحضير “الكبده” دايت – بكل سهولة

طبعاً أنا كتبت لكم في الرجيم اللي فات ” كبده ” في وجبة الغداء، وفي ناس مش بتعرف تعلمها دايت، وبتضيع على نفسها فوائد عظيمة جداً للكبدة، وطعم لذيذ أكيد كلكم عارفينه، فأنا النهاردة جبت لكم طريقة تحضيرها بطريقة تكون مناسبة للرجيم أتمنى أنها تفيدكم بأمر الله.

المكـــونات:- كيلو كبدة متقطع، 4 معالق زيت زيتون، 2 فص ثوم شرائح، 2 بصل كبير مفروم، معلقة ملح ( صغيـــرة )، ثمرة فلفل (ملون) متقطع شرائح، معلقة كمون صغيرة، معلقة كزبرة جافة، معلقة صغيرة من الفلفل (حار).

طريقة التحضير:- 

1- في البداية يتم وضع الكبدة فى الملح والكمون والفلفل الحار فى إناء مناسب لمدة ساعتين.
2- بعد كده نضع ملعقة من الزيت فى مقلاة على النار، ثم نقوم بوضع الكبدة ومع مراعاة رفعها من على النار سريعا.
3- وضع الكبدة على ورق الألمونيوم الحرارى ثم ضعيها فى صينية، مع وضع البصل والثوم والفلفل وإدخالهم للفرن.
4- يتم ترك الصينية فى الفرن لمدة نص ساعة، ثم نقوم بتقدمها مع العيش أو الأرز أو المكرونة.

لو أنتي جديدة معانا على التطبيق وعايزة توصلي لنظام الرجيم الأسبوع ده إضغطي (هنا).

ولو عندك أي سؤال إكتبيه في كومنت .. وإن شاء الله لما بفضى على طول بجاوب على كل الأسئلة
دمتم في سعادة ..

عن د/ أحمد منصور

23 تعليق

  1. أولادي نور عيني

    طبق شهي

    • د/ أحمد منصور

      فعلاً ..

    • غير معروف

      انا عندي غده خامله ونقص ف. د وعندي 50سنه ووزني 92 وطولي 174ونفسي اخس 15كيلو بس كل ما اعمل رجيم مش بنزل ووزني يا اما يثبت يا ازيد وبجوع جدا

  2. غير معروف

    السلام عليكم انا عندي كسل بالغدة الدرقيه. وزاد وزني كثيير الول ١٦٥ والعمر ٣٦ والوزن ٩٥

  3. شكرا يادكتور الطبق داالمفضل عندي

  4. جميله جدا جزاك الله خيرا يا دكتور

  5. غير معروف

    انا حاولت الالتزام بالدايت بس باجوع بالليل افضل طول النهار ماشية كويس بس بالليل اجوع جامد والخبط ف الاكل

  6. دكتور
    انا أكلي قليل جداااا . مليش ف الكربوهبدراات بس وزني زااايد وحاسه ان معدل الحرق عندي قليل

  7. انابعملها كدة بالظبط بس بسيبها علي البتوجاز فوق واوطي عليها كدة تمام ولالازم فرن

  8. محظوظين بيك والله يا دكتور دايت مع وصفات آخر دلع شكرا على مجهودك وتعبك معنا والله انا كنت اكلها قبل ذلك مشوي

  9. فاطمة الحداد

    جزاك الله كل خير دكتور.

  10. جميل جداا يادكتور انا كمان بعملها مشويه زى اللحمه ومش بحط زيت

  11. شلونك دكتور اني من العراق وحبيت اسال الجبنة الاريش شنو معنا اني الي فهمته يعني جبن عرب مالت الحيوان واذا غلطانه صححلي زين عدنا جبن هم مالت حيوان اسمه جبن ضفاير اكو مالح وحامض اني افضل الحامض واحب اكله بدون خبزوياه خيار اوزيتون عادي لو مايصير

  12. احلام فنزويلا

    شكرا دكتور

  13. انا غملتها بطريقع شبيه جدا لدى قبل ماحضرتك تنزلها بيوم واحد.بس انا ب مانزلتها على النار نولت الخضار معاها وغطيتها وسيبتها تستوى بالصوص منها فيها وكانت خفيفه جدا..واكلتها مع اول يوم مع مكرونه مسلوقه وتانى يوم اما عجتنى عملتها مع مكعبات بطاطس مسلوقه علشان مكنش فى اليوم فى رز او مكرونه ..يبقى كده فى مشكله؟

  14. فى بسكوت جبته من السوبر ماركت يادكتور بالمشمش الجاف وعصير المشمش والفاكها ودقيق بنى وشوفان وشعير وبدون سكر قصب كاتبين خالى من الكوليسترول نهاءى ونسبه الفتكهه فيه اكثر من 40 فى الميه .ممكن اخد منه اثناء الدايت. يعنى النهرده مثلا العشا فيه ربع رغيف وبيضه ممكن ابدلهم ببسكوتين منه او تلاته مع لبن دايت مثلا ولا بلاش منه..

  15. ام بلال سامح ابو حديده

    ممكن اعمل انظمه الرجيم دي لابني عنده 12سنه وانا شيفا كامله العناصر وممتازه ومشجعه جدا انا هبدا من انهارده بس هو ممكن لا بني ولا لاء وشكر للمجهود العظيم من حضرتك

  16. دكتور لو سمحت ممكن ترد على سؤالي

  17. لو سمحت كنت عاوزه اعرف شرب الميه في وسط الاكل غلط وهل فعلا بيطلع كرش ولازم اشرب قبل الاكل او بعدو ارجو الرد

  18. هو لازم فرن

  19. هايل جزاك الله خيرا دكتور

  20. I’ve learn a few just right stuff here. Certainly value bookmarking for
    revisiting. I wonder how much effort you put to make
    this sort of fantastic informative web site.

اترك تعليقاً

لن يتم نشر عنوان بريدك الإلكتروني.