الكفتة المشوية دايت
طريقة عمل كفتة مشوية دايت

طريقة عمل الكفتة المشوية “دايت”

السلام عليكم ورحمة الله وبركاته، أكل الدايت ده يا جماعة مفيش أحسن منه والله اللي هيجرب الأكل ده حقيقي هيدمنه.

تحضير الأكل بطريقة دايت أكيد هيكون خفيف في الهضم وأيضا مفيد لك في مشوارك في الرجيم، حتى لو مش بتعملي رجيم فالأكل الدايت هيساعدك إن وزنك مش هيزيد بسرعة وكمان هو مفيد لصحة الجسم عموما.

بس لازم في البداية تكوني فعلاً نويتي التغيير في نظام أكلك كله طول عمرك مش معنى إنك قربتي توصلي لوزنك المثالي أو وصلتي بالفعل إنك تهملي وترجعي تاني تزودي الكميات أو تأكلي أصناف من الأكل مضرة للكل سواء بيعاني من السمنة أو النحافة.

كفتة مشوية
طريقة الكفتة المشوية دايت

المقادير المطلوبة:-

  • 6 ملاعق كبيرة زيت زيتون.
  • 6 ملاعق كبيرة بقدونس طازج (مفروم).
  • 6 فص ثوم مهروس.
  • 4 بيضات.
  • معلقة صغيرة فلفل اسود مطحون.
  • 2 ملعقة صغيرة ملح.
  •  كيلو لحمة مفرومة.

طريقة التحضير:-

  1. أول حاجة هنجهز الفرن بتسخين الشواية الخاصة بالفرن.
  2. بعدين نضع بعض نقاط زيت الزيتون على صينية الفرن.
  3. بعد كده هنخلط اللحم المفروم والثوم والبقدونس والبيض مع الملح والفلفل.
  4. و نعجن الخليط وبعد كده نشكل منه أصابع الكفتة.
  5. بعد كده نضع أصابع الكفتة في صينية الفرن و نسيبها في الفرن حتى يكتمل النضج ثم تقدم بألف هنا و شفا.

المقادير اللي فوق دي تكفي لأربع أشخاص، وأنا من ضمنهم طبعاً.

7 تعليقات

  1. تسلم الايادي مشكورين

  2. د/ أحمد منصور

    عفواً

  3. مافاءدة البيض وهل هو مهم في هذه الوصفة

  4. مساء الخير .دكتور احمد .لو سمحت ممكن ادخل معلقه بذور كتان على البن او السلطه .ولو سمحت الالياف الطبيعيه اللى بتيجى على تليفزيون النهار فى منها اى ضرر وشكرا

  5. د/ أحمد منصور

    الالياف الطبيعية دي فوار تقريباً ؟

  6. د/ أحمد منصور

    ولا عبارة عن ايه بالظبط ؟

  7. هل ممكن يا دكتور اكل تفاحه او اي نوع فاكهه قبل الفطار للناس البتصحى بدري جدا ومتقدرش تفطر قبل الساعه 8

اترك تعليقاً

لن يتم نشر عنوان بريدك الإلكتروني.