لانشون بيتي صحي
طريقة عمل لانشون بيتي للرجيم

طريقة عمل لانشون بيتي صحي مناسب للرجيم

اللانشون من الأكلات اللي بنمنعها في الرجيم أغلب الوقت، لأنه من أكثر الحاجات اللي بيتقال عليها كلام مش كويس في طريقة تحضيرها، زي أن داخل في تكوينه عظام الفراخ وهكذا، فمهما كانت الشركة المنتجة، أنا مش بيكون عندي الثقة الي تخليني أرشح لكم، نوع معين آمن، تقدروا تآكلوا منه في الرجيم، أو حتى من غير رجيم، لأني يهمني في المقام الأول إننا نعيش بنمط حياة صحي، ونبعد عن أي شئ ممكن يضر صحتنا.

النهاردة هنشوف مع بعض، طريقة بسيطة جداً، نقدر نعمل بيها لانشون بيتي وصحي، بخطوات سهلة، وعادي في الحالة دي إننا نآكل منه مع أولادنا، حتى وإحنا بنعمل رجيم، لكن بكل تأكيد، مش بشكل يومي، هنعمل كده مرة في الأسبوع، لو نفسنا راحت ليه.

طريقة عمل لانشون بيتي صحي

طريقة عمل لانشون بيتي
طريقة عمل لانشون في البيت للرجيم

المقادير المطلوبة:-

  • كوب فاصوليا مسلوقة.
  • 4 بيضات.
  • 125 جرام لحمة “ثمن كيلو”.
  • نصف مرقة.
  • شطة.
  • ملح.
  • فلفل اسود.
  • بهارات.
  • 3 ملاعق دقيق.
  • بابريكا “تعطي لون حلو” للانشون.

خطوات التحضير:-

في الأول، هنشغل الفرن على حلة فيها ماء.

بعد كده، هنضيف كل المكونات اللي قولنا عليها في كبة، ونضربها، لحد ما تبقى ناعمة جداً.

ممكن نضيف زيتون أو فلفل أسود “حبة كاملة”، ونخلطهم معاهم.

نجيب كيسين، ونلبسهم للمج من جوه، ونضع نصف الكمية الموجودة بالكبة، في مج، والنص الثاني، في المج الآخر.

ننزلهم في الماء، ونغطيهم، هيحتاجوا تقريباً ساعة، وبعد كده نطلع اللانشون، ونقطعه وهيكون جاهز للأكل.

كثير من المتابعين يسألونني عن المخلل في الرجيم هل تؤثر المخللات بشكل سلبي في إنقاص الوزن؟ أم ليس لها علاقة؟ والدراسات تؤكد أن الملح الزائد يتسبب في احتباس المياه بالجسم، وأيضا الصوديوم الذي يعد أحد عنصري الملح أحد أسباب زيادة حجم الخلايا الدهنية، كما أن أكل المخللات يؤدي إلى العطش الذي يعقبه رغبة في تناول مشروبات سكرية، فكل هذا يجيب على السؤال الشائع بأنه يفضل عدم تناول المخلل في الرجيم نهائيا، وإن كان لا بد منه فيكون الملح في هذا المخلل لا يزيد عن ملعقة طعام واحدة.

لرجيم صحي ناجح، يجب تحضير كل الأكلات دايت، فالأكل الصحي يحسن الصحة العامة، ويسهل عليك مشوارك في الرجيم للحصول على جسم رشيق ووزن مثالي.