فتتي دهون جسمك وبطنك بـ “ماء الليمون”

إيه رأيك تحولي كل كوباية مياه بتشربيها أثناء الدايت لمشروب يفتت الدهون؟ ده اللي هقولكم عليه النهاردة، بس قبل ما أبدأ، عايز أفكركم بحاجة مهمة، لو عندكم أي استفسار بخصوص الدايت، اكتبوه في كومنت وأنا هرد عليكم.

مكونات موجودة في بيتك لو ضفتيها لكوباية المياه، كده هتحوليها لمشروب قوي جداً وفعال في حرق الدهون بالجسم مع نظامنا الغذائي للتخسيس.

طريقة إعداد “ماء الليمون” سهلة وهي أنكم تحطوا شرائح الليمون في إبريق زجاجي يحتوي على لتر من الماء وتضيفوا كمان شرائح خيار ومعلقة زنجبيل + وأوراق نعناع وبعد كده تسيبيه طول الليل، وتشربي منه في اليوم التالي.

المشروب يساعد على تعزيز عملية حرق الدهون ومنها دهون البطن، هو بالتأكيد لا يعمل على تخسيس البطن بشكل منفرد، ولكنه بيزود معدل الحرق في الجسم عموما، في الدهون المتراكمة ومنها البطن، وذلك بالإضافة إلى الدايت اليومي، وممارسة تمارين رياضية، وممكن التركيز على تمارين معينة للبطن فقط لشد العضلات بها والتخلص من دهونها، والنتيجة ستكون جيدة بالتأكيد.

الليمون عموما غني بفيتامين سي أو فيتامين ج ويعتبر هذا الفيتامين مضاد للأكسدة، وأيضا له فوائد كثيرة للجسم مثلا يفيد في تنشيط الدورة الدموية، وكلما كانت الدورة الدموية أفضل كلما كانت صحة الجسم بالكامل أفضل، وفيتامين سي له دور رئيسي في صحة الأوعية الدموية بالجسم، وتقوية اللثة، وحمايتها ضد النزيف، كما أن له فوائد كثيرة للجلد والبشرة.