تقييم تالت يوم دايت .. طمنوني

عايز أقولكم حاجة مهمة في البداية، احتمال تفرحكم.. لأ مش أحتمال ده أكيد إن شاء الله 😂😂 .. يوم الفري قرب يا جماعة .. يعني اللي نفسه في حاجة هياكلها.

إن شاء الله هنزل تسجيل صوتي مخصوص قبل اليوم الفري نتكلم فيه عن كل حاجة بخصوص الأنواع المسموح بيها في اليوم دا والكميات كمان،وإيه أصلاً فايدة اليوم الجميل ده 😍😍.

 

ندخل في موضوع النهاردة بقى .. وياريت الكل يشارك

أنا قاعد فاضي هرد عليكم كلكم بأمر الله

عرفوني .. كلتوا إيه النهاردة بالتفصيل؟
واللي قصر مياخفش يقول بردو ..
واللي حس بتعب .. يعرفني
واللي قدر يمارس أي رياضة يفرحني ويقول .. وعلشان بردو يشجع غيره

عن د/ أحمد منصور

49 تعليق

  1. السلام عليكم ورحمة الله دكتور
    أنا مشيت في الدايت زي ما قلت
    لكن بعد العصر حسيت يجوع رهيب
    فاكلت 2بيض مسلوق
    هل انا قصرت؟ وماهو سبب الجوع؟ مع العلم ان الغداء كان الجبن القريش فقط مع تفاحة؟

  2. النهارده انا صايمة بمعنى ان اليوم نباتى فطرت الساعة 8 صباحا 2 بسكويت لايت مع نسكافية بدون سكر الغدا نص رغيف مع فول بالطماطم والبصل والفلفل وليمون بدون زيت مع خيارة العشا 3 ثمرة حوافة

  3. منتظمه بس شرب الماء حوالى لتر فقط ومش عندى وقت لممارسه الرياضه

  4. انا الحمد لله ملتزمه جدا ويلعب رياضه بقالى شهر تمارين مقاومه وزومبا ومشى فى المكان بس عندى سؤال ينفع فى العشاء بدل الزبادى اخد شوفان بللبن خالى الدسم وسكر دايت ولو مينفعش اخد ايه بدل الزبادى

  5. مش قادرة امشي على إي رجيم حاسة بالرفض ليه رغم اني لازم احس

  6. د/ أحمد منصور

    ما شاء الله عليكي
    يا أستاذة شمس
    إن شاء الله توصلي لهدفك قريباً جداً

    بلاش شوفان دلوقتي. ممكن بدل الزبادي، تاكلي بيض مسلوق أو جبنه قريش

    أو ثمرتين فاكهة مختلفين أو متشابهين

  7. د/ أحمد منصور

    بسم الله ما شاء الله كويس جداً الإلتزام

    خلي اي حد جمبك يفكرك بشرب الماء

  8. وانا متابعة الحمدالله وكتير فرق معي بس بدي تمترين خاصة لمنطقة الورك ةالافخاد او مشىوب خاص لتذويب الشحوم بهالمناطق شكرا للكساعدة

  9. د/ أحمد منصور

    وعليكم السلام ورحمة الله وبركاتة

    إلى حد كبير مقصرتيش ولكن يفضل كوب لبن صغير خالي الدسم عند الاحساس بالجوع أو ثمرة فاكهة أو خيار أو خس

    البيض يكون في وجبة أساسية مش سناك بين الوجبات

    احساس الجوع ممكن سببه انك حارمة نفسك من كوب الشاي بمعلقة سكر واحدة بعد الفطار وبعد الغدا

  10. د/ أحمد منصور

    فرحان جدا جدا جدا بإنجاز حضرتك كملي بالإرادة دي وهتحققي إنجاز كبير قريب

  11. د/ أحمد منصور

    طب ليه؟
    في مشكلة معينة سبب احساسك بالرفض

    ولا مجرد حبك للأكل هو السبب في ضعفك؟

  12. غير معروف

    الحمد لله عدى على خير بس طول اليوم صداع رهيب ومش باحس بجوع الحمد لله

  13. الحمدلله عدت التلات ايام علي خير بس في صداع رهيب

  14. د/ أحمد منصور

    الحمد لله

    بتشربي مياه كتير؟؟ ولا لأ

    وهل بتعاني من أي أمراض زي الضغط؟؟ يعني بيرتفع أو بينخفض؟

    أو في مشكلة نفسية مسببة لحضرتك ضغط

    والصداع ده من أمتى

  15. د/ أحمد منصور

    الحمد لله ربنا معاكي واللي جاي يكون احسن

    اهتمي بشرب المياه كتير

    وعرفيني أن كنت بتعاني من ارتفاع أو انخفاض في الضغط

    وعايز اعرف الصداع بادئ من أمتي

  16. لا الحمد لله مفيش ضغط وباشرب ميه بس الحاله النفسيه مش تمام

  17. د/ أحمد منصور

    سعيد جدا جدا جدا جدا جدا
    إن التزامك بالدايت وصلك لنتيجة خليتك تقولي

    إنه فرق معاكي

    الحمد لله اتمني منك مزيد من الالتزام واسأل الله ان يوفقك لكل الخير

  18. د/ أحمد منصور

    ان شاء الله هتكلم عن تمارين للمنطقة دي فعال جدا جدا

    تحت أمرك يا فندم

  19. د/ أحمد منصور

    الحمد لله على كل حال

    ربنا يفرج كربك وييسر كل أمورك
    خليكي واثقة أن في خير كبير جاي من عند ربنا وريحي عقلك وقلبك شوية من أي تفكير سلبي

    عايز أعرف الصداع كان موجود النهاردة بس ولا من أمتى

    وهل خرجتي ف الشمس؟

  20. نيفين مدحت

    دايت كلينيك الفطار نص رغيف مصري واتنين طعميه صغيرين والساعه ١٢ اكلت شريحه خبز مشبع واحده بفول والغدا كفته مشويه باتنين خبز مشبع حوالي ٨ صوابع كفته والساعه خمسه شاي العصاري😀والساعه سبعه نص شريحه بطيخ صغيره وذلوقتي كلت اتنين بيضه مسلوقه بربع رغيف مصري
    اصلي كنت جعانه بصراحه
    تديني كام من عشره؟

  21. نيفين مدحت

    الفطار نص رغيف مصري واتنين طعميه صغيرين والساعه ١٢ اكلت شريحه خبز مشبع واحده بفول والغدا كفته مشويه باتنين خبز مشبع حوالي ٨ صوابع كفته والساعه خمسه شاي العصاري😀والساعه سبعه نص شريحه بطيخ صغيره وذلوقتي كلت اتنين بيضه مسلوقه بربع رغيف مصري
    اصلي كنت جعانه بصراحه
    تديني كام من عشره؟

  22. د/ أحمد منصور

    انتي اتاخرتي عليا

    قولت انك في المطبخ بتتفاهمي مع حلة المحشي في موضوع مهم ولا حاجة

    عايزه تقييم لشاي العصاري ولا لحاجة تانية
    أصل مش شايف دايت 😂

    لأ بهزر طبعاً
    كل شئ ممتاز ما عدا العشا اللي كان فيه عيش مصري

    لأنك ف الفطار وفي أول سناك وفي الغدا كلتي كربوهيدرات كتير

    فالمفروض كان كفاية كده

    وكنتي تخلي العشا بيض بس أو اتنين زبادي

    وحاجة كمان، بدل ما تفطري طعميه مع العيش
    وبعدين تقومي واكله فول وخبز مشبع

    طب ما تفطري فول + خبز مشبع
    أو فول + ربع رغيف مصري

    وبعد الفطار لو جعتي تاكلي العيش المشبع فقط أو أي سناك آخر زي اللبن خالي الدسم أو ثمرة فاكهة أو خس أو خيار

    اقصد نلغي الطعميه ونحط بدالها فول
    علشان الفول هنقدر نمنع عنه الزيت وناكله بدونه لكن الطعميه لأ

    ولو اني عارف ان اللي بيحب شاي العصاري بيحب الطعميه

    لكن معلش عايزين اليومين دول نقلل قدر الإمكان نشويات ودهون

  23. نسمه صلاح الدين

    انا عندى خمول في الغده الدرقيه وباخد تركيز 150 ممكن امشى على الرجيم ده ولا لازم نظام تانى

  24. غير معروف

    انا كنت كويسة بس انخفض ضغطي و باليل اكلت كتير

  25. نيفين مدحت

    علم يا دكتور وينفذ
    اما موصوع حله المحشي فانا بريئه منها
    بجد اشكرك كتييييييييييير علي الاهتمام ده
    هل الدوره ليها اثر علي الجوع لاني في انتظارها وجعانه جدا ومانعه نفسي عالآخر

  26. د/ أحمد منصور

    طبيعي جدا احساس الجوع قبل الدورة

    متقلقيش مجرد ما تيجي هيبدأ الشعور ينخفض الي أن ينتهي تماما

    لأ اوعي اوعي تستسلمي لشعور الجوع ده

  27. د/ أحمد منصور

    حضرتك مريضة ضغط؟

  28. روضة حلواني

    أنا بكرة حبلش اول يوم للسبع ايام كنت فايتة عالدايت اتفرج صرت متحمسة 😍 حبلش بكرا ان شالله

  29. د/ أحمد منصور

    اتأخرتي كتير

    بكره لازم تطمنيني عليكي بعد ما تلتزمي بنسبة 100%

    ان شاء الله

    بالتوفيق ليكي يارب 🌷

  30. غير معروف

    اي دايما عندي هبوط

  31. غير معروف

    انا عندي هبوط ضغط دايما بس السنتين الي فاتوا كنت كويسة بس سمنت كتير وزني بقى 73

  32. غير معروف

    عندي هبوط ضغط دايما

  33. د/ أحمد منصور

    طول حضرتك كام؟

    وبتاخدي دوا لعلاج الضغط ولا لأ؟

  34. غير معروف

    انا ام ل 3 بنواتات ما اخذ الدوا بس باكل كل شي يساعد ضغطي

  35. غير معروف

    لا ما اخذ دوا بس باكل كل حاجة تساعدني

  36. د/ أحمد منصور

    طول حضرتك كام سنتيمتر؟

  37. الفطار كان نص رغيف ومعلقة جبنة علب وكوب شاي
    الغداء أربع ملاعق أرز بحبوب اللوبيا وقطعة لحم حمراء
    بس بين الفطار والغداء أكلت ربع رغيف فول وكام واحدة بطاطس محمرة وفي العشاء أكلت فيشار .وحضرتك لم تقول أعمل ايه في احساس إني عايزة آكل حاجة حلوة ومسكرة دائما.

  38. ماهو الخبز .المشبع

  39. د/ أحمد منصور

    بلاش بكره بقى تاكلي بعد الفطار
    إلا سناك وده عبارة عن ثمرة فاكهة، أو كوب لبن خالي الدسم أو أي ثمرة خضار

    وقت ما ييجي الاحساس بأنك عايزه تاكلي حاجة حلوة
    كلي ملعقة عسل ابيض أو كوباية شاي بمعلقة سكر أو فاكهة

    التفاح والقرفة هيساعدوكي تتخصلي من الاحساس ده

  40. غير معروف

    شكرا

  41. غير معروف

    لا من اول يوم دايت ومش باخرج في الشمس خالص

  42. روضة حلواني

    طيب انا بلشت بس بدي تأكيد منك على النظام يلي فهمتو

    فطرت البوم حليب مع ٣ معالق كورن فلكس الساعة ١٠
    تغديت سبانخ بلحمة مع رز الساعة ٣
    هلئ رح صوم ست ساعات بشرب فيهن بس مي

    العشاء زبدية لبن مع خيار
    خلص اليوم صحيح هيك ولافي شي لازم ضيفو 😢

  43. د/ أحمد منصور

    مظبوط كده ✅

  44. د/ أحمد منصور

    الصداع تقدري تتفاديه بالحرص على شرب الماء كتير يعني حوالي من 9 : 12 كوب يومياً

    الفطار، خلي في رشة ملح خفيفة على البيض علشان ترفع الضغط وتمنع الصداع

    وفي وقت الاسناك
    اشربي عصير لأي فاكهة علشان يقلل الهبوط اللي ممكن يكون مسبب الصداع

    حتى لو عصير ليمون

  45. السلام عليكم …الله يسعد مساك دكتور
    انا مشية بعون الله على التعليمات بس عندي شوية مشاكل
    الم في الرأس وحرقان بالاعصاب وكان ده عندي في السابق وهو مستمر الآن وبزيد على التعب
    تشنج بالكولون وحموضة بالمعدة نشأت بالامس يمكن لاني عباخد الليمون كثيرا لاني عبشربه مع المي والخيار والزنجبيل …اليوم لا حظت انتفاخ في البطن وليس موعد دورة بماذا تنصح لي ….جزاك الله خير علما أني ما زلت اعاني من التهابات في المجاري البولية واوقفت العلاج لانه بدأ يتعب اعصابي اكثر .

  46. انا الحمدلله ملتزمة بدايت و مع ارشدات دكتور و دايت كلنيك انا مبسوطة بس بلش ضغط دم بينزل و سكر 0،50 بعمل ايه دكتور انصحني انا بتبع دايت الكوليسترول

  47. د/ أحمد منصور

    هو حضرتك مريضة ضغط دم
    أو سكر ؟

  48. د/ أحمد منصور

    هو حضرتك مريضة ضغط دم
    أو سكر ؟ .

  49. د/ أحمد منصور

    يرجى عدم التوقف عن أخذ دواء وصفه طبيب لكي إلا بعد أن تستشيريه

    يرجى الابتعاد عن الزنجبيل والليمون في الفترة الحالية

    الحرص على تناول الللبن الرايب للتخفيف من حموضة المعدة

    ولعلاج الانتفاخ يرجى شرب .. اليانسون والبابونج

اترك تعليقاً

لن يتم نشر عنوان بريدك الإلكتروني.