ماجدة مُســعد! إنجاز رائع مع دايت كلينيك – شجعوها تكمل

النهاردة وصلني إنجاز، أنا شخصياً فخور بيه جداً وفرحان بيه جداً جداً، قولت لازم طبعاً أشارككم بيه لإني متأكد إنه هيكون ملهم لكتير من متابعين دايت كلينيك.

ماجدة لسه صغيرة عندها 20 سنة، كانت بتعاني من سمنة مفرطة إنضمنت لينا من شهر تقريباً أو أكتر وكلها قوة وعزيمة ومن جوايا حسيت إنها هتكمل والحمد لله كانت على قدر الثقة، وإن شاء الله الجاي يكون أفضل ليها.

 

هسيب ليكم رسالة من ماجدة، بعد أيام من إنضمامها لجروب دايت كلينيك:- 

 

انا بصراحه مكنتش هقول انا خسيت قد ايه كنت هتابع من بعيد لاني ممش ضامنه نفسي هكمل للاخر ولا لا لان دي مش اول مره ليا بس لما لاقيت الكل بيقول هو خس قد ايه قولت ايه دا اشمعنا انا 😂😂😂بس ان شاء الله اكمل

قبل مااقول انا خسيت كام كيلو بص يا دكتور انا بعمل رجيم من اعدادي بعتبر 😂الاول بدأت مع نفسي وخسيت 20 كيلو في شهر ودا كان مفرحني جدا بس بعد كدا زدتهم تاني في اقل من شهرين دا غير شعري اللي بقي يقع بطوله وعظمي اللي بقي يطقطق لحد دلوقتي وبعديين تابعت مع خمس دكاترة قبل حضرتك منهم دكتوره مشيتني وقالتلي لما تبقي تتقبلي نفسك زي ماانتي وتحبيها ابقي تعالي وساعتها هتخسي اه كلامها زغلني بس كان معاها حق وكل الدكاتره كنت بتابع معاهم و بعد شهرين او تلاته بالكتير ازهق واسيبهم بس كنت بروحلهم مش عشان انا عايزه كدا لا عشان اللي حواليا كانوا علطول انتي ايه اللي عملاه في نفسك دا انتي مش شايفه شكلك بقي عامل انتي مبتتكسفيش وانتي الوحيده اللي طخينه في اصحابك انتي اكنك مامتهم مش صاحبتهم وانا عشان كنت في مدرسه مشتركه فكان في ناس بضايقني كل الكلام ضايقني لدرجه ان انا مبقتش انزل من البيت حرفيا حتي لما دخلت الجامعه مش بحب اروحها وبنزل ع الامتحانات بس ولو جالنا ضيوف مش بقابلهم ومش بروح اي مناسبه وبقيت عازله نفسي عن الكل ، كل فايل من اللي في الصوره دي جواهم مش اقل من10 انظمه رجيم دا غير الكتب اللي جبتها ورجيم حسب فصيله الدم واي رجيم قدامي الاقيه اجربه وروحت جيم حتي الجرائد مسبتهاش🤦😂😂 وكنت بفشل بردوا

بس المره دي انا اللي قررت اني عايزه اخس بغض النظر متقبله نفسي كدا ولا لا بس عايزه اخس عشان نفسي وعشان انا عايزه كدا مش عشان ارضي اللي حواليا وان شاء هكمل للاخر
انا بدأت مع حضرتك اول اسبوع في الصيام المتقطع كنت 109.5 بقيت 106 يعني خسيت 3.5 كيلو غير المقاسات من فوق في اماكن نزلت 4سم وأماكن 3سم لكن الجناب والارداف مقاساتهم ثابته منزلتش انا بصراحه مكسوفه اقول لحضرتك شكرا لاني شايفه ان الكلمه دي قليله بس شكرا 🙏

 

دي بقى الرسالة اللي وصلتني منها إمبارح .. الحمد لله

 

انا كمان نزلت وبقيت 100 دلوقتي يعني نزلت9.5 في 7 اسابيع وبنزل مقاسات كتير كمان كان المفروض انزل الصوره دي الاسبوع اللي فات بس كنت مكسوفه الصراحة 😂😂💔كنت 101وقت مااتصورتها وكمان بعد ما كنت سمنه مفرطه من الدرجة الثالثه بقيت سمنه متوسطه من الدرجه الثانيه 👏💥💃
ومبقتش بجوع خالص دلوقتي ولا بلغبط او لغبطت مرة واحدة بس ومش هعيدها 😂والاسبوع دا ناويه اكسر ال 100 أن شاء الله 💪

 

صورة قبل وبعد 

تغير كبير جداً في المقاسات .. ما شاء الله

 

 

 

بفضل الله وحده تحولت من سمنة مفرطة إلى سمنة من الدرجة الثانية

 

يا ريت كلنا نشجعها في التعليقات 

عن د/ أحمد منصور

48 تعليق

  1. برافو ماجده 👏🏻👏🏻👏🏻👏🏻👏🏻

  2. واااوو عننننجججد كككل الاحتراااام
    الدكتور وكلنا فخورين فيكي وان شاء الله تكنلي لما توصلي لوزنك الي بتحلمي فيه
    كلنا معاكي ❤️❤️❤️

  3. الحمدلله الحمدلله

    ماشاء الله عليكي للأمام ان شاء الله رسالتك دي شجعتني كتير انا بتابع وبخجل علق لان مبلتزمش بلخبط كتير انا وزني ١٠٧ في كتير اشيا خففتا بس ما نزلت بالمقاس في تغير علميزان لالما شوف تعليقات والي خسوا بزعل من حالي مش عم انزل انا مبعرف شو بدي اعمل ومره تانيه الف مبروك عقبال المثالي

  4. القران حياتي

    ماشاءالله تبارك الله
    يآرب دايما من نجاح لنجاح

  5. ماشاءالله عليكي .. عندك همه وعزيمه اتمنى من الله اكون مثلك .. مبروك ويارب توصلي للوزن المثالي اللي تتمنيه 😍😍😍😍😍😍

  6. برافو عليكي استمري ربنا معاكي ومعانا💪

  7. ام اهداء

    ماشاء الله تبارك الله عليكي انا بديت اخس ع القياس ما وزنته بس اكيد نزلت لانو حاسه حالي خفيفه امس كان يوم فري بعد الصيام بس معدتي ما تقبلت الاكل رجعتو كلو بس مبسوطه من نفسي كتير شكرا دكتور احمد ان شاء الله بس احس قياسي صار ظاهر بوزن اشوف قديش نزلت

  8. بالتوفيق يارب برافو

  9. عافية عليكي كملي كدا انت راءعة

  10. فاديا البيطار

    ماشاء الله نزول العافية وانشالله بتحققي حلمك
    مع دايت كلينيك مافي خسارة في مكسب وصحة خالية من الامراض

  11. انا بخاف اتخن بعد ما اسيب الريجيم وخايفة ومحتاجة تشجيع لان بعد الدايت مش ببقى ضامنة نفسي

  12. برافو وانا كمان كنت ٨٥ الان اصبحت ٨١.٧ هيدا الاسبوع الثالث بالدايت

  13. انت روووعه تحديتي نفسك ونجحتي كملي وان شاء الله نشوفك في احسن نتائج

  14. غير معروف

    ماشاء الله استمرى..

  15. ام عبودي

    استمري عيني وانشألله للوزن المثالي انشالله الصحة والعافية لكي

  16. ماشاء لله عليكى انا مريت بنفس التجربه دي وانا 3قدك وبقالى 15 سنه وبعد 3 اولاد بحافظ على وزنى فى اوقات بزيد بس بقدر انزل تانى الحمد

  17. غير معروف

    انا بخبص كثير 😔

  18. غير معروف

    الف مبرووووك وعقبال الوزن المثالي

  19. غير معروف

    لو سمحت يادكتور مامتي عندها السكر وعايزه تخس هي مش ماشيه مع اي دكتور وسكرها دايما مرتفع مع العلم هي مابتكلش محافظه علي الاكل ينفع تمشي علي رجيم حضرتك ولا تعمل ايه هي وزنها٩٨ وعندها٥٠سنه

  20. غير معروف

    ماشاء الله.. بالتوفيق ان شاء الله

  21. ماشاء الله.. بالتوفيق ان شاء الله

  22. الاسم حنان

    ماشاء الله مبروك عقبال المثالي

  23. غير معروف

    ما شاء اللة
    مبارك عليكم

  24. شيماء الخطيب

    بسم الله ماشاء الله استمرى واوعى تضعفى لان القادم انشاء الله احلى معاكى ومع دايت كلينك كله باذن الله يارب فرحنا كلنا ويجازيك خير يادكتور احمد باذن الله

  25. ماشاء الله عليك يا ماجدة.. استمري برافو
    ليس على العزيمة بمستحيل 👏👏👏

  26. غير معروف

    ماشاء الله تبارك الله نزول العافيه حبيبتي ماجده وعقبال المثالي

  27. غير معروف

    برافو استمري
    ع فكرة المقاس واضح كتير انو فارق 10 كيلو
    ربنا يوفقك وتوصلي لهدفك .
    شجعتيني انا احكي كمان انا من 3 اشهر نزلت التطبيق بس كنت خربط شوي وبلشت صح بالصيام المتقطع وكان نزول الوزن كتير بطيء بس كنت شوف المقاسات عم تفرق كتير بس عالميزان كان يادوب يتحرك وينزل والحمد الله بلشت بوزن 86 وهلا صار وزني 77 الحمد الله ومستمرة بأذن الله شكرا كتير دكتور أحمد

  28. مشاء الله استمري واحنا معاكي 👏نشجع بعض

  29. شكرا لالك عهالكلام الي اكتر من رائع وعنجد شجعتيني بكلامك وموفقة انا من سوريا وانشالله الاسبوع الي جاية او الي بعدو ح تكون قصة نجاحي انا وموفقة يارب

  30. غير معروف

    برافو عليكي واستمري بالنجاح ونحنا معاكي

  31. سهام محي الدين

    بسم الله ماشاء الله ربنا يزيدك من علمه يا دكتور
    وياارب يوفقك
    والف مبروك لكل اللي خسوا
    وانا حاسة انى هبقا بطله زيهم انا بدات معاكم من اول رمضان كنت 110
    وان شاء الله هوزن اخر رمضان وهتفاجئ باذن الله

  32. يا حبيبة ئلبي شو فرحتلك برافو كملي و ان شاء الله بتوصلي للوزن المثالي يارب

  33. اصيل اصيل

    ماشاء الله ربي يحفظك يادكتور اريد الانظمام اليكم واريد تخسيس البطن والارداف بس لانو انا مو سمينة كتير

  34. غير معروف

    ماشاء الله مووفقه

  35. غير معروف

    ماشالله ماجدة حفزتيني انا ٨٦ كيلوا وهدفي ٥٨ يارب يقدرني عشان كرهت نفسي ومش بقدر العب كثير مع ولادي حتى جوزي بقى ينتقدني كثير كرهتوا وكرهت نفسي

  36. غير معروف

    بسم الله ما شاء الله ولا قوة إلا بالله.ربنا معاكي إن شاء الله.أهم حاجه الرغبه والعزيمه والإرادة والتحدي ويا رب توصلي للوزن المثالي المناسب لسنك وطولك وربنا يوفقك .ويا ريت تكلميني على الخاص عاوزه اتواصل معاكي عشان اعرف اللي عملتيه.علي فكره أنا بنت واسم صفحتي علي الفيس يا رب عفوك ورضاك.وصورة البروفيل لونها روز ومكتوب فيها كن جميلا تري الوجود جميلا

  37. ياسر عمران

    احسن شئ.. انك اخذتي القرار بناءا على رغبتك الحقيقه فيه .. مش عشان الاخرين.. الرضا هو اول الطريق ثم الصبر ثم الارادة ثم التحدي ثم النجاح وما اجمله من نجاح .. ربنا يوفقك في الاستمرار والثبات .. شجعتيني ابدأ من جديد.. مع دكتور محترم..

  38. I am not very superb with English but I find this very easygoing to translate.

اترك تعليقاً

لن يتم نشر عنوان بريدك الإلكتروني.