الرئيسية / أنظمة غذائية / رجيم دكتور أحمد منصور يبدأ من 5 يناير وينتهي 11 يناير

رجيم دكتور أحمد منصور يبدأ من 5 يناير وينتهي 11 يناير

السلام عليكم ورحمة الله وبركاته، معاكم دكــــتور أحمــــد منصــــور، أخصائي التغذية العلاجية، فرحان جداً إن الأسبوع اللي فات كان سبب في كسر ثبات الوزن لناس كتير، وقدروا ينزلوا بالـ 3 والـ 4 كيلو، نتوكل على الله المعين ونبدأ في تحدي جديد من السبت الموافق 5 يناير وهيستمر لمدة أسبوع كعادتنا في دايت كلينيك.



إبدأي معانا من اليوم اللي أنتي محملة فيه التطبيق، وفكرة التطبيق ببساطة إن كل أسبوع بيكون في نظام جديد صحي وآمن بنسبة مليون في الميه، وبيركز على حرق الدهون فقط، يعني هتلاقي تغير رهيب في المقاسات، من أول وتاني أسبوع.

لو لسه جديدة أو معانا من زمان ومقصرة .. مش مهم .. النهاردة صفحة جديدة .. اليأس ده لازم تلغيه من قاموسك، توكلي على الله وإبدأي وأنا معاكي لحد ما توصلي للوزن المثالي إن شاء الله.

النظام إن شاء الله لأي وزن فوق 60 كيلو .. ولحد ما لا نهاية، لو وزنك فوق الـ 85 النظام مناسب ومش مرهق لكن ممكن تزودي ثمرة فاكهة أو كوباية لبن أو خضار عن المكتوب بحيث متحسيش بإرهاق.

نظام اليوم الأول

الفطار:- ربع رغيف عيش + 3 معالق عسل أبيض ( سندويتش عسل أبيض يعني ) علشان نهارنا يبقى أبيض 😂😂

ومفيش حاجة إسمها مش بحب العسل الأبيض، لكن لو مصممة يعني متاكليهوش على الفطار، يبقى الفطار ربع رغيف عيش + بيضة مسلوقة عليها رشة ملح وكمون وفلفل.

بين الفطار والغداء:- كوب حليب 

وجبة الغداء:- 

يمكنك الإحتيار من بين:-

  • ربع كيلو جبنة قريش أو أي جبنة خالية الدسم
  • 2 سمكة مشوية
  • 2 بيضة مسلوقة
  • ربع فرخة مسلوقة أو مشوية

وفي أي يوم مع وجبة الغداء مننساش طبق السلطة الخضراء وكمان طبق الخضار المطبوخ بطريقة صحية، زي البامية أو العدس أو السبانخ وهكذا …

مفيش عيش ولا أرز ولا مكرونة أول يوم مع وجبة الغداء ومتزعلوش يعني إحنا كده كده طالعين من يوم فري والدنيا حلوة، نتعب بقى علشان نلاقي نتيجة تفرحنا

بين الغداء والعشاء:- ثمرة فاكهة واحدة

  • الفواكه المسموح بها (هنا).

وجبة العشاء:- 

كوب حليب معاه 2 معلقة شوفان

أو

كوب زبادي معصور عليه ليمونة

أو

لو مفيش شوفان

كوباية حليب + ثمرة فاكهة

 

نظام اليوم الثاثي والثالث

على الريق معلقة عسل أبيض أو أسود أو تلات تمرات

وجبة الفطار

2 توست بني + علبة زبادي

أو

ربع رغيف عيش + علبة زبادي

بعد الفطار بساعتين

كوب حليب خالي الدسم + ثمرة فاكهة

وجبة الغداء يمكنك الإختيار من بين:- 

  • 3 سمكة مشوية
  • علبة تونة بدون زيت
  • ربع فرخة مشوية أو مسلوقة
  • 2 بيضة مسلوقة

بدون أرز أو عيش أو مكرونة 

بين الغداء والعشاء

كوب حليب خالي الدسم

أو

ثمرة فاكهة

وجبة العشاء

تمن كيلو جبنة قريش أو أي جبنة خالية الدسم

نظام اليوم الرابع

على الريق معلقة عسل أبيض أو أسود أو تلات تمرات ومننساش نشرب كوباية مياه مش شرط دافية

وجبة الفطار:- 

2 بيضة مسلوقة + ثمرة خيار

أو

5 معالق فول معاهم معلقة زيت زيتون وثمرة طماطم

بين الفطار والغداء:- 

ثمرة فاكهة

وجبة الغداء

كلوا فيها اللي أنتوا عاوزينه، إيه رأيكم في المفاجئة دي؟؟ راضيين عني .. 

أنا قررت أعمل كده عشان الناس اللي بتزهق بس ومش بتقدر تواصل أسبوع ورا بعضه، عندكم في نص الأسبوع وجبة الغداء مفتوحة أهيه، لو عاوزين تأكلوا كشري بقى ولا محشي ولا مكرونة بشاميل، أي حاجة بالهنااا.

بس أنا مجبتش سيرة حلويات في الموضوع .. آمين ؟

 

بس الحلو ميكملش بقى .. مفيش سناك في اليوم ده، والعشاء هيكون:- 

علبة زبادي معصور عليها ليمونة.

نظام اليوم الخامس والسادس

على الريق

معلقة عسل أبيض أو أسود أو تلات تمرات

وجبة الفطار يمكنك الإختيار من بين

كوب حليب خالي الدسم + 4 معالق كورن فلكس أو 4 معالق بليلة

أو

4 معالق فول + ثمرة طماطم + ربع رغيف عيش

أو

بيضة مسلوقة + ثمرة خيار + ربع رغيف عيش

أو

ربع كيلو جبنة قريش عليها رشة كمون ومعاها معلقة زيت زيتون + ربع رغيف عيش

 

بين الفطار والغداء:- 

ثمرة فاكهة

وجبة الغداء يمكنك الإختيار من بين:- 

  • علبة تونة بدون زيت
  • ربع كيلو كبدة دايت .. خطوات تحضير الكبدة دايت (هنا).
  • ربع فرخة مسلوقة أو مشوية
  • شريحتين لحمة مسلوقة أو مشوية
  • 2 بيضة مسلوقة
  • ربع كيلو جبنة قريش
  • 2 سمكة مشوية
  • ربع كيلو كفتة مشوية

الغداء بدون أرز أو عيش أو مكرونة

بين الغداء والعشاء

كوب حليب خالي الدسم

وجبة العشاء

ثمرة فاكهة

أو

كوباية زبادي

 

اليوم السابع فري

وعلشان تعرفوا إيه اللي المفروض يتعمل بالظبط في اليوم الفري .. إضغطوا (هنا).

 

تنبيهات

  • ع الأقل يومياً 8 أكواب ماء شاملين الأعشاب والشاي والقهوة
  • مسموح يومياً بمعلقة سكر واحدة
  • النظام دلع الدلع أهوه .. إلتزموا بقى وهتلاقوا نتائج جميلة إن شاء الله
  • متنسوش مع وجبة الغداء ( طبق السلطة ).

موضوعات هامة عليكي الإطلاع عليها:-

  • خطوات تحضير الكبدة دايت (هنا).
  • خطوات عمل حمص الشام في المنزل (هنا).

  • الفواكه المسموح بها (هنا).
  • رجيم الأنيميا (هنا)
  • رجيم المرضعات (هنا).

رجيم لمرضى الكوليسترول (هنا)

طريقة عمل شاورما فراخ “دايت” بسهولة (هنا)

طريقة عمل طاجن فاصوليا (هنا)

طريقة عمل شوربة عدس “دايت” (هنا)

حل مشكلة ثبات الوزن (هنا)

طريقة تحضير طبق عجة “دايت” يكفي (3 أفراد) .. (هنا)

رجيم المرضعات (هنا)

 

عن د/ أحمد منصور

129 تعليق

  1. شكرا يا دكتور لتعب حضرتك
    جزاك الله خيرا
    ملتزمة ان شاء الله

  2. غير معروف

    إن شاء الله مستعده ربنا يحفظك يا دكتور. انا وزني 64وطولي 163 نفسي اخس لوزن 55استدعيلي يا دكتور

  3. والسكر ممكن استخدم سكر دايت ولو ممكن يبقا قد ايه في اليوم

  4. غير معروف

    اجمل واحسن تطبيق شكراً يا
    دكتور ربنا يجعله في ميزان حسناتك

  5. شكرا يا دكتور جزاك الله خيرا

    • غير معروف

      هو فعلا كويس ؟؟ انا اول مره استخدم الابلكيشن ومعرفش فعلا جاب نتيجه نظام الدايت ده ولا لا

  6. غير معروف

    نظام.جميل .ممكن نبدل العسل بالتمر مع كوب حليب الصبح بدل بعد الفطور 😁 و بعدين ناخد فطور البيض

  7. ام بيسان

    على بركة الله وانشالله التزم هالاسبوع

  8. فاطمة يوسف

    شكرا يا دكتور أن شاء الله هبدأ من بكرة

  9. شكرا يا دكتور انا التزمت ونزلت تنين كيلو وانبسطت انك عملته للستين وفوق وان شاء الله مكمله

  10. جودي العش

    تسلم دكتور الله يجزاك كل خير علي مجهودك

  11. ممتاز جددا انا معاكم 👍👍👍👍
    ده بينزل كام كيلو

  12. لو لو محمد

    معاكوا ان شاأ ا
    لله مكملين يارب جزاك الله خير

  13. غير معروف

    تسلم يا دكتور نظام جميل بس ممكن تدينا تحفيز وتقول بينزل اد ايه

  14. مستعده

  15. شيماء محمد

    شكرابجد يادكتور تاعبين حضرتك فعلا انا موزنتش بس الحمد لله حاسة بفرق حتى لومخسيتش ع الميزان

  16. انا لسه هبدا معاكو وربنا يسهل

  17. سؤالين من فضلك يادكتور الاول المية بعسل الصبح ماشين عليها ولاكفابة سندوتش عسل ثانيا اللبن بالشوفان ازاي بيتعمل واسفةعلي الازعاج

  18. ان شاء الله حبدأ معاكم من بكرة ادعولي
    انا كنت ٩٠ك ونزلت ل ٧٥ وبعد كده زهقت ورجعت ل ٨٣

    • حتا لو زهقتي حولي تكلي بكميات بسيطه والمياه الكتير وتكلي لحد الساعه ٥ وقبل العشاء بسعتين زبادي وعصرت ليمون

  19. ان شاء الله حبدا معكم من بكرة

  20. بثينة إيهاب

    دكتور لو سمحت وزني ثابت ع ٥٥ عايزة اخس لل ٥٠

  21. شكرا الك دكتور
    ملتزمه معك

  22. انا جديدة معاكم وهبدا من بكرة ان شاء الله
    انا طولى١٦٠ والوزن٨٠

  23. شكرا دكتور على تعبك معانا وجزاك الله كل خير

  24. احلام فنزويلا

    شكرا يا دكتور انا وزني مثالي بس بحب دائما امشي على نضامك الغذائي لان ارتحت كتير عليه

  25. شكرا د. أحمد يا مسهل نبدأ الرجيم

  26. دكتور انا معاك الرجيم ممتاز بس فكرة الغداء نفس ابشى عاوزين تغيير عنا المعتاد لعدم الملل

  27. غير معروف

    Ok

  28. غير معروف

    شكرا يا دكتور انا الاسبوع اللي فات كان اول اسبوع بالنسبالي وخسيت 2 كيلو الحمد لله

  29. جزاك الله خيرا عنا يارب
    😍

  30. تحدي جديد💪✌ مستعدين

  31. توكلنا على الله وملتزمة معاكم ربنا يوفق الجميع وكل عام وانتم بخير وصحة وعافية

  32. غير معروف

    يادكتور انا وزني 100وعندي17سنه وهبدأ معاك من بكره الريجيم ده هخس عليه ؟

  33. غير معروف

    هبدا مع حضرتك من بكره وعايزه انزل ٣٠ كيلو

  34. غير معروف

    هبدا مع حضرتك من بكره وعايزه انزل ٣٠ كيلو

  35. يا مسهل بسم الله نبدا 👍

  36. دكتور النطام ده مناسب لكسر ثبات الوزن وله نظام ال30يوم هيكون افضل

  37. غير معروف

    لو سمحت يادكتور فى اى مشروبات ساخنة تعلى الحرق شوية مع النظام دة انا لسة جديدة وهبدا معاكو أن شاء اللة عشان الحرق عندى ضعيف جدا

  38. شكرا دكتور جزاك الله خيرا

  39. طيب قبل الفطار ما ناخذش كباية مية دافية مع ملعقة عسل ابيض

  40. نادية منال

    السلام عليكم لاول مرة اغش في الرجيم لانها عطلة الشتاء والتقيت مع اخوتي عند امي الغالية وماذا اقول عن الاطباق وخاصة كنت اطبخ بيدي ونجلس حول الطاولة ونتبادل في الحديث والفرحة عارمة انشاء الله ربي يدومها ولكن قررت انني اواصل التحدي بصرامة ولا اتخلى عنكم لان مقاسى اصبح رائعا اشكرك يا دكتور وربي جازيك على فكرة اعطيت التطبيق لكل اصدقائي ولكل من رآني لان مقاسي تغير وشكرت دايت كلينيك لان هذا الموقع هام وصحي والمثل يقول اسأل المجرب وماتسألش الطبيب 😍😃😃😃😃😃

  41. يسلمووووو كتير ع برنامجك الرائع بس ممكن سؤال العيش ينفع ابيض مو اسمر

  42. كالعادة نظام سلس وسهل وفي متناول الجميع ومكملين المشوار

  43. شكر يا دكتور احمد ربنا يبارك فيك

  44. غير معروف

    وانا ان شاءالله معاكم

  45. بجد نظام جميل جدا و مفيش حرمان … منتظرين نظام بقيت الأيام …. شكرا يا دكتور

  46. تسلم يا دكتور . ربنا يجازيك خير على مجهودك معانا .

  47. سلام عليكم .. انا كرهت الاكل من كتر الرشح والزكام وباكل الصبح برتقاله والضهر سلطه وقبل المغرب شوربه او لبن قليل الدسم بخس هيك ولا شو

  48. شكرا يادكتور

  49. مرسي ي دكتور

  50. غير معروف

    انا اليوم نزلت التطبيق ومعكم ان شاء الله

  51. توكلت على الله وهبدأ النظام الجديد برنامج رائع مجهود رائع من حضرتك يا دكتور احمد واتمنى اني إنزال 10 كيلو

  52. غير معروف

    تمام

  53. سلوى محمود

    شكرا يا دكتور جزاك الله خير وان شاء الله التزم الاسبوع ده

  54. تم التحدي

  55. اولادي نور عيني

    شكرا

  56. صافى حسن

    شكرآ يادكتور ان شاء الله حبدأ معاك من بكره وان شاء الله خير
    جزاك الله كل خير

  57. قبلت التحدي و مستعدة للالتزام بإذن الله

  58. سناء هريدى

    انا اول مرة اتابع مع حضرتك هبدا ان شاء الله وادعولى اثبت واللتزم ومعكش يااااارب
    متابعة معاك يادكتور ان شاء الله

  59. ان شاء الله التزم معك هاد الاسبوع لأنه نغسيتي زي الزفت ووزني ثابت مش راضي ينزل حتى مع الرياضة.. الحمد لله على كل حال

  60. انا البارح حملت تطبيق وليس لدي فكرة اذا كان سينفع معي او لا لكني اريد ان اتخلص من 15 كيلو تقريبا الله المستعان

  61. صباحك ورد جوري يا دكتور اكيد معاك ان شاء الله وملتزمه

  62. علا سليم

    ملتزمه باذن الله

  63. غير معروف

    جزاكم الله خيرا أن شاء الله معاكم من انهارده

  64. الوردة الدمشقية

    دكتور في الاسبوع الاول اتغيرت مقاساتي خسرت من محيط البطن٨ سم ومن الصدر٧سم وشكلي اتغير في اللبس بس ماخسرت وزن ووزني ثابت ما اتغير فشو بتنصحني

  65. ان شا ء الله ملتزمه معاكم

  66. جودي العش

    ان شاء الله مكملين يا دكتور بعد النتائج الا وصلنلها

  67. يسعد صباحك يا دكتور
    انا اليوم ملتزمة إنشاء الله 💪

  68. سلوى محمود

    صباح الخير يا دكتور أن شاء الله ملتزمه النهارده

  69. ملتزمة مع حضرتك

  70. معلش شو العسل الابيض بقرق عن العسل العادي ما بعرف

  71. يسعد صباحك دكتور
    وملتزمة معاك أن شاء الله

  72. ملتزمة انشاء الله انا 90 ك وطولى 160 فطرت بيضه بربع رغيف وكوب شاى

  73. صباح الخير يا دكتور انا وزنى ٧١ وطولى ١٦٣ وعندى مشكله ان الوزن بيبان عندى فى النص العلوى بس يعنى فى درعاتى وصدرى وكتافى وبطنى بس وعايزه انزل من وزنى ١١ك ممكن اعرف الحل

  74. حبتدي معاكم انشاء الله نفسي اخسر 8 كيلو عشان اوصل للوزن المثالي

  75. غير معروف

    ان شاء الله هيدا معاكم

  76. فين نظام بكره ان شاء الله

  77. سناء هريدى

    فين نظام بكرة يادكتور

  78. انا لسه محمله التطبيق وهنضم ليكم ويارب ينفع

  79. اولادي نور عيني

    ملتزميييييين

  80. توكلنا على الله… مع اني محبطة بس الإرادة موجودة

  81. تسلم ايدك يا دكتور ربنا يباركلنا فيك انا شفت النظام فاضل اسنع التسجيل

  82. غير معروف

    ميرسي جدا يادكتور انا جديده هنا ونفسي التزم ان شاء الله بس انا عندي بظانه رحم مهاجره و ممنوع الالبان خالص عادي امشي علي النظام و امنع اللبن و لا ممكن بديل ميرسي جدا

  83. غير معروف

    هو النظام ده بيخسس اد ايه

  84. جودي العش

    شكرا دكتور الله يجزاك كل خير

  85. سماح المصري

    دكتور احمد بعد ازنك ينفع شوربه العدس مع النظام ده ولا المكتوب بس… ولم جزيل الشكر

  86. لو سمحت يا دكتور المفروض اوزن كل قد اية

  87. غير معروف

    السلام عليكم انا جديدة معاكم ويارب التزم انا بستخدم من كيسين لتلاتة سكر دايت في اليوم هل كده كتير ويبوظ الدايت

  88. يادكتور لوسمحت لو استبدلت حليب كامل الدسم بودرة مكان خالى من الدسم اشرب قد ايه ولا مينفعش

  89. غير معروف

    انا عندي مشكله مقدرش اكل كل دا يا دوبك نصف الفطار والغدا المذكور وعشا وسناك مقدرش ينفع كدا ؟؟؟

  90. الحقيقة نظام ممممممتاز وانا معاك علي طوول باذن الله وان شاء الله في ميزان حسناتك يادكتور وربنا يوفقك

  91. زهرة اللوتس

    مستعده اتبع النظام
    وان شاء الله يوفقنا

  92. دكتور انا الحمد لله التزمت انهاردة وده كان اول يوم ليه بس انا مش بحب اي حاجة من منتجات الألبان ولا لبن ولا زبادى ابدلهم ب ايه لو سمحت يا دكتور ترد عليه

  93. هههههههااااى آميين يادكتور 😂
    الله كريم
    لو سمحت يادكتور عاوزة اتواصل مع حضرتك

  94. انا ملاحظه ان مفيش خضار مع الغدا يبقى كده مفيش طبق الخضار مع الغدا ..

  95. اهلا اهلا بطبيبنا المزز 😊
    انا ما بشرب الحليب لو شو ما كان يكون
    شاي بحليب رينبو او نسكافيه
    عشان نكون حبايب

  96. غير معروف

    إن شاء الله معاكم

  97. حضرتك ماقولتش هناكل طبق خضار ولا سلطه بس

    • حضرتك كاتب في الاسبوع الأول

      دول ثبتين
      وفي أي يوم مع وجبة الغداء مننساش طبق السلطة الخضراء وكمان طبق الخضار المطبوخ بطريقة صحية، زي البامية أو العدس أو السبانخ وهكذا …

    • هيام احمد

      حضرتك كاتب في الاسبوع الأول
      دول ثبتين
      وفي أي يوم مع وجبة الغداء مننساش طبق السلطة الخضراء وكمان طبق الخضار المطبوخ بطريقة صحية، زي البامية أو العدس أو السبانخ وهكذا …

  98. غير معروف

    الاسبوع القادم ان شاءالله ابدأ معاكم تعليقاتكم محفزة ماشاء الله بس جوزي هنا ومش بيشجعني خالص بصراحه اول مايسافر الدنيا حاتبقي بيس ونخسوا بقي 😂😂😂

  99. اليوم حملت تطبيق وبكرا ابدء انشالله وزني ٧٥ وحابه وصل ل ٦٠

  100. حضرتك انا ماشية عليه بقالي يومين حاسة اني بزيد مش بنزل

  101. هل ينفع النظام دا للحامل فأول الحمل

  102. بكرررره فري الغداء اتشجعووووا هانت🤗🤗😍😍😍

  103. زهرة اللوتس

    أرديد اسألك يادكتور احمد
    يجوز ابدل بين اليوم الثالث والرابع في النظام
    ارجوك تجاوبني ضروري

  104. شيماء الصديق

    انا 95.5 وطولي 162.5 ونفسي ل70 ويارب ..

  105. غير معروف

    انا عمري 20 طولي 1.57 ووزني 67
    يا ريت اوصل لل55 او اقل😧

  106. انا لسه جديده وهبدا بكره💪

  107. غير معروف

    السلام عليكم دكتور يعطيك الف الف عافيه يا رب بنفع اتغدى باذنجان مشوي مع لبن قليل الدسم ولا بزيد الوزن بتمنى ترد على سؤالي

  108. الاوركيديا

    الحمدلله انا مستمره باذن الله مع انه لم اشعر باي تغيير

  109. احلام فنزويلا

    تم

  110. لطفا” ماهو بديل العسل الابيض

  111. انا بدات الاسبوع ده معاكوا وان شاء الله خير

  112. لو لو محمد

    ملتزمه الحمد لله

  113. غير معروف

    دكتور انا انتهيت من رجيم كسر الوزن وانت طلبت نخبرك بس ننتهي ممكن اعرف النظام التالي

  114. ان انضميت للتطبيق اليوم. مجهود مشكور. وزني 75. وطولي 163وعمري 61 ا كم لازم يكون وزني. واي دايت دكتور بتنصحني. مع الشكر الجزيل



اترك تعليقاً

لن يتم نشر عنوان بريدك الإلكتروني.