الرئيسية / أكلات دايت / مشاركة من المبدعة mima yousif – منيو الغداء 1

مشاركة من المبدعة mima yousif – منيو الغداء 1

منيو وصفات للغدا…. مبدأيا كده انا اليوم الي هاكل فيه خضار باكله لوحده مع سلطه وبروتين وبخلي اليوم الي فيه نشويات ادلع نفسي فيه🤩🤩 وهقولكوا شويه وصفات جامده جدا….. 💪💪
بس ماتنسووووووش.

#احنا_ادها_💪💪
#اكل_ناس_عاديين_مش_اكل_ناس_عيانين_💪💪

1*وصفه سبانخ باللحمه المفرومه لليوم الي مفيهوش رز او عيش وصفه متكامله ومشبعه جدا🤗
في معلقه زيت زيتون هنشوح بصله مفرومه مش ناعمه اوي وننزل عليها بملح وفلفل وبهار وسنه قرفه ونقلب وبعدين ننزل بربع كيلو لحمه مفرومه ونشوح كويس ونهدي النار شويه… بعد ربع ساعه ننزل بكوبايتين عصير طماطم ونسيبها تتسبك علي نار هاديه وبعد كده ننزل بسبانخ فريش او مجمده وتكون مغسوله كويس ومتقطعه ونقلب وبعد ربع ساعه نطفي ونقدمها مع سلطه او الرز لو مسموح.😋😋
ملحوظه الكميه دي ممكن تكفي يومين وممكن يوم وعلي فكره فيها كميه البروتين 🍗🥩والخضار 🌳🥦الي مسموحه ليوم واحده يعني دوسي 🏃‍♀️🏃‍♀️ميهمكيش

2*وصفه محشي😁😁😁اه وربنا محشي😋
هنجيب ربع كيلو لحمه مفرومه نيه ونتبلها بملح وفلفل وبهارات وشويه قرفه ونركنها علي جنب🌷🌷وفي بوله نقطع بصلتين كبار مكعبات صغيره وعليهم كوبايه من كل نوع خضره شبت وكسبره وبقدونس وعليهم نص كوبايه صلصه متسبكه من غير دهون او بمعلقه زيت زيتون تمام كده…… تمااااام 👌👌ونجيب بالمعلقه الي بناكل بيها 8 معالق رز مصري ني ونغسلهم كويس اوي ونصفيه ونقلبه مع البصل والخضره وننزل عليهم باللحمه ونقلب كويس اوي🤚(ملحوظه صغنونه ممكن تسبكي تسبيكه المحشي عادي جدا عالنار من غير زيت او بمعلقه الزبت المسموحه ولما تتسبك تحطي اللحمه🥩 والرز)🤚
نكمل….👌. قلبنا كل المكونات اتفضلي بقا احشي اي محشي انتي عايزاه ورق عنب 🍁 او كرنب🌳 او بتنجان🍆 او كوسه🥒 اي حاجه..
طيب ايه الابتكار هنا🤔….. الابتكار ان الكميه دي هتطلع حله محترمه تاكليها علي يومين🤥 اه والله جربوا بس عشان انا شايفه واحده مخضوضه 😱😱وبتقولي 8 معالق رز علي يومين!!!! 😠😠بس لما بنحط خضره وبصل ولحمه بتدي كميه كبيره ونفس طعم المحشي العادي وهتاكلي وتتبسطي اخر انشكاح😁😁 بس تعالي اقولك الوجبه دي مفيش معاها بروتين اااااه احنا مدخلين اللحمه مفرومه يا ناصحه 😄بس ممكن الدكتور احمد يسمحلنا بطبق سلطه😂😂😂
*3القرنبيط😮😮😮اييييه مالكوا عملتوا كده ليه ماتتخضوش هنزلكوا كذا طريقه وجربوا لو معجبكوش ماتعملوهوش تاني بس استنوووووا لو عجبكوا هتدعولي 🤲احسن انتوا عار فييييين👿👿
الطريقه الاولي
هنجيب القرنبيط الجميل🥦 نسلقه نص سلقه ونقطعه زهرات صغيره يارب تكونوا فاهمين قصدي🤲 وممكن نشيل العروق عشان الانتفاخات
ونشوح بصله متوسطه في معلقه زيت ايييييييه زيتون شاطرين👍 وننزل بملح وفلفل وبهار وننزل عليهم بكوبايتين عصير 🍅 طماطم ونسيبها تغلي شويه وبعدين ننزل بالقرنبيط ونهدي لحد ماتتسبك نص تسبيكه بس ونقدمها مع اي بروتين🍗🥩 وسلطه وربع رغيف 🍞
الوصفه دي عشان بنزهق من الكوسه والسبانخ والباميه وهكذااااا🤚
💎تعالوا بقا اقولكوا وصفه روووووعه هتدعولي والله🤲
نفس القرنبيطه الظريفه اللطيفه 🥦 الي سلقناها بس نزود التسويه شويه يعني تبقي سلقه كامله ونقطعها بالسكينه🔪 او نفرمها في الكبه براحتكوا 🌳ونجيب بوله واسعه ونحط 3 بيضات🥚 وملح وفلفل ومعلقه بيكنج بودر وكوبايه خضره مشكله☘️🌿 ومعلقتين دقيق ابيض او دقيق شوفان 🥣 ونخلط كويس ونحط معاهم معلقتين زيتون مقطع ونقلب وننزل عليهم بالقرنبيط ونحاول نخلي الخليط شبه سائل يعني مش عجينه تمام………. 👌تمام لو احتاج سائل نزود ميه 🥤 ونجيب طاسه تيفال واسعه او صينيه المهم تكون تيفال عشان ماتلزقش مننا وندهنا زيت زيتون وننزل بالخليط ده زي الاومليت وممكن نرش عليه رشه جبنه رومي او شيدر رشه بسيطه بلاش افترااا.. وممكن تعمليه علي طاستين لو كتير ونهدي النار ولما يستوي من تحت ويتحمر لو عندك القدرة تقلبيه اتوكلي علي الله معندكيش القدره وهتفضحينا😁 دخليه الفرن ربع ساعه ياخد لون من فوق بس هتحسي انك بتاكلي بيتزا 🍕 والله روووعه بجد وخلي بالك مفيش عيش في الوجبه احنا دخلنا دقيق ولا بروتين عشان البيض والمفاجأه بقااااا🔥🔥🔥🔥ينفع فطار… اه والله😂
💎بقلوكوا ايه انا رهقت من الخضار والمحشي تيجوا نعمل بيتزا ولا فطير شرقي🤔🤔شيفاكي يالي بتقولي اكيد دي مجنونه بيتزا وفطير في الدايت🙄🙄طب عشان كده مش هكمل وهستناكوا في البوست الجاي.

#بحبكوا
#احنا_ادها
#اكل_ناس_عاديين_مش_اكل_ناس_عيانين

عن د/ أحمد منصور

13 تعليق

  1. غير معروف

    هههههههه شكرا لتعبكوا معانا والله ربنا يجعلوا في ميزان حسناتكوا

  2. ههههه حلو تسلمي وان شاءالله حجرب

  3. غير معروف

    شكرا،أنا،من الجزائر والمشطلة فطور اىصباح المتعودين عليه حليبوقهوة مع حلويات أو خبزمع زبدة ومعجون إيه الحل مستحيل أفطر 2 بيض

  4. شكراعلي الاكلات اللي تفتح النفس دي لحسن الواحدزهق مسلوق عوزين تنويع ف اكل وفي نفس الوقت يكون دايت 👍🏻استمريادكتور👏🏻

  5. يعطيكم الف عااااافيه علي مجهودكم

  6. شكرا انا هعمل كل الوصفات الحلوة دي

  7. اكلات تشهي فعلا تسلم ايدج … بس أعتقد القرنبيط مش مسموح ضمن قائمة الخضار المسموح ايام الدايت

  8. شكرا عالوصفات الجميلة دي😍😍

  9. غير معروف

    شكرا ع الوصفات الجميلة وطريقة سردك ليها حلوة اوي

  10. غير معروف

    تسلم ايدك حبيبتي

  11. غير معروف

    تسلم ايديك

  12. غير معروف

    لو سمحت يادكتور ياريت ترد عليا
    انا وزني 87وبعمل دايت ونزلت 3كيلو بس بيجيلي خطفه فصدري ومش بقدر اخود نفسي خالص ونفسي وزني يرجع زي الاول لان انا كنت مريضه اكتئاب واتعلجت وبطلت العلاج وكان بيزيد وزني وانا باخود العلاج ياريت تقولي ع رجيم يناسبني وميتعبنيش
    وياريت ست الكل تنزلنا حلو دايت 😋

  13. تسلم ايدك طبعا هجربهم
    خصوصا المحشي
    بس هو ينفع من غير لحمه مفرومه
    لان مش بحب اللحمه واخليهم ال8معالق رز وباقي البصل والخصار وجنبهم بروتين صدر فرخه مشوي

اترك تعليقاً

لن يتم نشر عنوان بريدك الإلكتروني.