منيو وصفات الغداء ” 2 ” .. mima yousif

تابع وصفات الغدا، ازيكوا يا حلوين يارب تكونوا بخير وصحة😊،وعدتكم امبارح بالفطير الشرقي والبيتزا عشان زهقنا من المحشي بقا😂💪💪، بس قبل مانبدأ احب افكركم بالشعار العظيم بتاعنا،#احنا_ادها💪💪،#اكل_ناس_عاديين_مش_اكل_ناس_عيانين💪💪.

 

بصوا بقا ومن غير رغي كتير تعالوا نتغدا فطيره شرقي🥘 خطيره فظيعه مريعه🌮
هنجيب ورقتين رقاق ناشف او طري🤥🤥. اتصدمتوا ليه الرقاقه الواحده فيها 17 سعر يعني الاتنين 35 سعر ايه بقاااا حد عنده اعتراض (د/احمد)!!!😂😂
طيب هنبل الرقاق ميه 🥤من الحنفيه ونفرده علي فوطه نضيفه 5 دقايق بس عشان يطري (لو الرقاق اصلا طري هنشتغل علي طول) ونجهز الحشوه اختاري بقا
لحمه مفرومه🥩
🥙 شاورما فراخ
🥙 شاورما لحمه
تونه 🎏
🥚 بيض مع جبن وزيتونتين
فراخ مسلوقه او مشويه ومتقطعه او لحمه برضو ونشوحها مع بصلايه وقرن 🌶 فلفل
اي حاجه من المسموحه تمشي
هنجيب الرقاقتين نحطهم فوق بعض ونحط الحشوه ونقطع عليها بقا 🍅 طماطم وفلفل 🌶️وزيتون ورشه جبنه صغيره اوووي ونقفلها زي الظرف ونجيب طاسه او صينيه تيفال وندهنا زيت زيتون ونحط الفطيره من الناحيه المطبقه ونسيبها علي نار عاليه 🔥من فوق دقيقتين ونهدي عليها ونغطيها وبعد ربع ساعه تقريبا نقلبها عالوش التاني… فطير ده ولا مش فطير يامتعلمين يا بتوع الدايت😊😂💪💪
الابتكار هنا بقا…. ان الرقاقتين دول سعراتهم اقل من الرز 🌾 والمكرونه 🍜 والعيش 🍞 المسموحين في النظام وخدنا بروتين 🍗وخضار ومحدش خد باله اصلا اننا عاملين دايت حتي جسمنا مش هيحس بحرمان.😂💪💪

البيتزا آآآآآآ. وما ادراكم بقا بالبيتزا🥘🍕🍕🍕
عندنا كذا وصفه وكذا طريقه ترضي كل الاذواق
الطريقة الاولي ودي للناس الي مش بتقتنع بالبيتزا الا بالعجينه.. 🌹🌷
4 معالق دقيق ابيض او اسمر او شوفان واحلاهم الدقيق الابيض نحطهم في طبق وعليهم ذره ملح
ونجيب شويه لبن 🥛 دافين علي اد العجن حوالي 3 معالق ونحط فيهم ربع معلقه خميره ونص معلقه سكر ونقلب ونسيبه يخمر👌👌
لما الخميره تتفاعل نقلبها عالدقيق ومعلقه زيت زيتون ونعجن العجينه الحلوه دي ونسيبها ساعه تخمر هنلاقيها زادت وتضاعف حجمها✌️✌️
نجيب صينيه صغنونه وندهنها بسيط اوي زيت زيتون ونفرد العجينه الكتكوته دي فيها وانزلي بقا بمكونات البيتزا🍕🍕 العاديه خالص مع مراعاه تقليل الجبنه🧀 والزيتون شويه عن الطبيعي ونبعد عن الممنوعات زي السوسيس والسجق🌭 بس ودخليها الفرن تستوي

الابتكار هنا عملنا بيتزا باربع معالق دقيق مفيش طبعا حاجه تتاكل معاها غير السلطه.🥗
ايه رأيكوا
الطريقه الثانيه✌️
طيب لو يوم مفيهوش نشويات وعايزه اكل بيتزا🍕 ايه الحل👆
الحل بتنجان رومي🍆 يتقطع حلقات مش رفيعه ولا تخينه ويتدهن زيت زيتون بسيط ويدخل الفرن يتشوي شويه ونحط عليه مكونات البيتزا وعلي الفرن وبالف هنا
الحل التاني ✌️
كوسه نيه مبشوره ومعاها جزرايه 🥕 مبشوره ونقلبهم مع بيضه وملح وفلفل وننزل بيهم في طاسه مدهونه زيت زيتون واول مايشد من تحت ويمسك نفسه نحط مكونات البيتزا 🍕وندخلها الفرن عشر دقايق بس
نكتفي بهذا القدر واستنرني في البوست الجاي ان شاء هيعجبكم اوي برضو💪💪
#احنا_ادها
#اكل_ناس_عاديين_مش_اكل_ناس_عيانين

3 تعليقات

  1. فاديا البيطار

    تسلم ايدك

  2. وصفات فغايه الجمال ربنا يبارك فيك

  3. ههههههه حتى النحاف راح يعملوا دايت على هالاكلات الي بتشهي… تسلم ايدك ??

اترك تعليقاً

لن يتم نشر عنوان بريدك الإلكتروني.