الرئيسية / أكلات دايت / وصفات السمك .. Mima yousif

وصفات السمك .. Mima yousif

وصفات السمك، ازيكوا يا حلوين😍، السمك والتونه مهمين جدااا في حياتنا لانهم مليانين اوميجا 3 وفيهم دهون صحيه
وطبعا السمك 🐟🐠الي معظمنا يعرفه يااما نقلي يااما مشوي.


طيب تعالوا نغير في الاصناف وطريقه الطبخ عشان مانزهقش😍 ونقدر ناكل السمك عالاقل مرتين في الاسبوع
الوصفه الاولي للناس الي بتحب السمك المقلي🐟
هنجيب سمك اي نوع احنا عايزينه والكلام ينطبق على السمك الفيليه كمان🍢
ننضفه كويس ونملحه بالطريقه المعتاده وندهن صينيه زيت زيتون ونرص السمك فيها وندهنه هو كمان من فوق زيت زيتون ونحطه تحت الشوايه ولما يتحمر نقلبه عالوش التاني يتحمر برضو
الطريقه دي بتخلي السمك🐟 زي المقلي بالظبط بس اخف ومن غير زيت
السمك السنجاري🦈🐬
وده طعمه حلو جدااا وتغيير برضو
هنجيب سمك اي نوع برضو وبعمله ساعات بالسمك الفيليه
نغسله وننضفه كويس ونفتح السمكه لحد الديل ونفردها زي الكتاب كده ونركنه علي جنب علي مانجهز الحشو
الحشو عباره عن بصل 🍈وطماطم 🍅وفلفل 🌶️مقطعين مكعبات صغيره وجزر مبشور 🥕وكسبره خضرا🍀 وهنتبل الخضار ده بملح وكمون وتوم وعصير ليمون🍋 وكسبره ناشفه وكاري او بهارات سمك
نجيب السمك بقاونجيب طاسه او شوايه ندهنها زيت ولما تسخن اوي نحط السمكه علي وشها يعني من ناحيه اللحم مش الجلد دقيقتين كده ونقلبها علي ضهرها ونحط بقا الحشو عليها من فوق وندخلها الفرن تكمل سوا.🔥
صينيه السمك بالخضروات🐟🍅🥕🌶️
دي هتنفع مع الماكريل والبوري والفيليه
هنقطع بصل🍈 وطماطم🍅 وجزر 🥕وفلفل 🌶️حلقات وممكن بطاطس🥔 لو النظام فيه بطاطس ونتبلهم بملح وكمون وتوم وجنزبيل وعصير ليمون وكسبره ناشفه ونملح السمك بنفس التتبيله ونحط الخضار في الصينيه ونرص السمك عليه ونحط معلقتين زيت زيتون ونغطيه بفويل وندخله الفرن وبعد ساعه الا ربع نشيل الفويل عشان ياخد لون🍢
فاهيتا السمك الفيليه🐠🐟
نجيب سمك فيليه نتبله بتوم وليمون🍋 وكسبره ناشفه وملح وكمون ونقطعه مكعبات صغيره ونركنه علي جنب
في طاسه واسعه نحط معلقه زيت زيتون ونشوح بصله جوانح🍈 وننزل عليها بفلفل الوان 🌶️ونقلب كويس وننزل بالسمك عليهم بالتتبيله بتاعته ونقلب تقليبتين ونهدي النار عشر دقايق ونطفي ونقدمه مع سلطه خضرا🥗
شيش طاووك السمك الفيليه🍡🐠
هنقطع السمك الفيليه مكعبات كبيره شويه ونقطع بصل🍈وطماطم🍅 وفلفل الوان🌶️وجزر🥕 ونتبل تلخضار والسمك بنفس التتبيله الي هي توم وملح وكمون وكسبره ناشفه وكاري او بهارات سمك وعصير ليمون 🍋 ومعلقتين زيت زيتون
ونسيب السمك🐟 والخضار🍅🌶️🥕🍈 في التتبيلع ساعه واحده ونبتدي نخطه في اسياخ الشيش طاووك🍡🍡🍡 ونشويه علي طاسه تيفال او ندخله الفرن ونقدمه مع سلطه خضرا🥗
هو ينفع يكون في سمك من غير شوربه سي فود؟؟
معلش بقا يا دكتور احمد دي حاجه ماتتفوتش وهناخد طبق صغير🤔😂
لو عندك الشوربه جاهزه الي هي طبق كده بنجيبه من السوبر ماركت بيكون فيه قطعتين تلاته من كل حاجه جمبري 🦐 وسبيط وكابوريا وجندوفلي وسمك فيليه
هنجيب الحاجات دي ونشوح بصلايه في شويه زيت صغيرين اوي وننزل بمكونات الشوربه ونشوح وبعدين ننزل بكوبايه حليب مدوبين في معلقه دقيق واحده ونكمل ميه ونقلب لحد ماتغلي ونقدمها😍 وناخد شوربه وفيها قطعه واحده من كل حاجه😎😎
مفيش اسهل من كده 💪💪
كده خلصت الوصفات الي علي بالي دلوقتي ولو افتكرت حاجه هقولهالكم ان شاء الله ماتنسوووش الشعار بتاعنا
#احنا_ادها
#اكل_ناس_عاديين_مش_اكل_ناس_عيانين💪💪💪
ااه نسيت اقولكم البوست الجاي في مفاجأه للناس الي غاويه حلويات ودايخه ومصدعه من قله الخلويات بس ماتقولوش لدكتور احمد😂😂😂خليها سر احسن يعاقبنا بنظام يوم السبت الجاي 😁😁.

 

دعواتكم ليها بقى .. وإنتظروا باقي الوصفات بإذن الله.

عن د/ أحمد منصور

3 تعليقات

  1. جزاكي الله خيرا بس أنا شايفه أننا بنتقل فالبروتين اوي .. أنا وزني ٩٣ك وفعلا جالي اكتئاب من وزني لأني جربت حاجات كتير اوي ومفهمش حاجة نفعتني أنا تخنت كده في ٦شهور بالظبط وده بعد ولادتي بسنتين وأنا حاسة أنها حاجة مش طبيعيه لأني كنت ٥٦ك وبعد الولادة وصلت ل٧٠ك وفضلت ثابتة كده فترة لاغيت لما لاقيت نفسي كده أنا عندي ٢٢سنة وفالجامعة فهل ذيادتي دي طبيعي

  2. غير معروف

    شكرا يا دكتور علي كل شئ وجزاك الله خيرا

  3. غير معروف

    جزاكي الله خيرا على المعلومات القيمة

اترك تعليقاً

لن يتم نشر عنوان بريدك الإلكتروني.