الرئيسية / أكلات دايت / منيو وصفات الفطار – مشاركة من Mima Yousif

منيو وصفات الفطار – مشاركة من Mima Yousif

مساء الخير، يا أبطال، يارب تكونوا في أفضــــل حال، طبعاً قولت لكم قبل كده إني بكتب لكم الأصناف من الأطعمة اللي تساعدكم تفقدوا وزنكم الزائد بشكل صحي، سواء في الفطار والغداء أو العشاء، وكذلك السناك، ومع أخذ السعرات في الإعتبار مع توزيع النشويات في الوجبات، بنخس الحمد لله والإنجازات تخطت بفضل الله إلى الآن 600 إنجاز، مع دايت كلينيك.

 

سبت ليكم حرية الإختيار في طهي الكمية المسموح والأنواع المسموحة لأني معنديش وقت كافي إني أعمل من الأصناف المتاحة كذا وصفة.

 

لكن ربنا يجازيها خير، عضوة معانا في دايت كلينيك، بعتت لي المنيو ده، ووعدتني يكون في زيه كتير الفترة الجاية، بحيث يكون في تنوع ويكون برضو في الإطار الصحي، اللي يخلينا نحافظ على معدلات نزولنا الجميلة.

 

 

منيو وصفات الفطار

1*بيضتين +حبه فلفل رومي او الوان او حامي+زيتونه او 2 مقطعين+ملح وفلفل+نقطه زيت زيتون
*نضرب البيض كويس جدا بالملح والفلفل وندهن الطاسه بزيت الزيتون وعلي نار عاليه ننزل بالبيض واول مايشد من تحت نهدي النار ونحط عالوش الفلفل والزيتون وممكن طماطم لو حابين ومشروم ونغطي ونسيبه يستوي ونبقي عملنا بيتزا البيض تنفع فطاو وغدا
#ملحوظة لو النظام مسموح فيه جبنه بنبشرها ونحطها عالوش. 💪💪💪💪
2* معالقتين عجينه طعميه +بيضه+ربع معلقه بيكنج بودر+نقطه زيت زيتون
*طاسه تيفال ندهنها زيت زيتون ونحطها تسخن علي 🔥 هاديه ونضرب البيض مع الطعميه والبيكنج بودر وننزلها في الطاسه ونغطي عليها وبعد شويه نقلبها عالوش التاني لحد ماتاخد لون من تحت ونقطعها مثلثات وتتاكل لوحدها من غير عيش. 💪💪💪
3*3 معالق شوفان+كوب حليب خالي الدسم بارد+نص موزه+نص تفاحه. +معلقه صغيره عسل نحل.
*نقطع الموز والتفاح وممكن نبدل بين الفواكه المسموحه ونقلبهم مع الحليب والعسل ويتاكل فطار عظييييم ومشبع💪💪
4*لو مسموح نص رغيف بلدي في الفطار.
هنجيب وش الرغيف او الضهر بتاعه وندهن طاسه زيت زيتون ونحط الرغيف فيها وندهنه كاتشب ونحط لحمه مفرومه او مشروم او قطع فراخ مسلوقه او بيض مسلوق حلقات او اي حاجه مسموحه ونقطع فلفل وطماطم وزيتونتين ورشه جبنه صغيره ونغطي عليه لحد مايسخن ندخله تحت الشوايه ونفطر بيتزاااااااا. 💪💪💪💪
5* لو الفطار فاكهه وزبادي نقطع الفاكهه وعليها الزبادي وممكن نضربهم في الخلاط بشويه لبن صغيرين اوووي وكيس سكر دايت او معلقه عسل ونفطر زبادو. 💪💪
6*لو الفطار كورن فليكس او بليله او بسكوت ساده واحنا مش عايزين كل ده… نص واخده رقاق ناشف ونكسرها ونسخن اللبن وعليه سكر دايت او معلقه عسل ونحطه عالرقاق وفي طاجن وندخله الفرن ربع ساعه ونفطر ام علي💪💪.
7*لو الفطار 4 معالق فول ومش هيشبعونا نقطع بصله في معلقه زيت زيتون ونشوحها وننزل بفص توم مهروس وطماطم مقطعه وفلفل مقطع ونقلب ولما يدبلو شويه ننزل بالفول وملح وفلفل وناكل بالنعلقه واتحداكي لو قدرتي تاملي معاه عيش💪💪💪
8*لو الفطار في ربع رغيف ممكن نبدله بحاجات حلوه اووووي زي ايييييه
زي معلقتين دقيق او شوفان مطحون وعليهم بيضه وربع كوبايه لبن ورشه فانيلا ورشه بيكنج بودر ونعمله بان كيك.
او كريب ونحشيه جبنه مثلا
او كب كيك حادق وهقولكوا طريقته
بيضه+ربع كوبايه لبن او نص حسب مانحتاج+بيكنج بودر +معلقتين دقيق او شوفان مطحون+زيتون مقطع+ فلفل رومي مقطع+شريحه جبنه رومي مقطعه+ملح وفلفل+شريحه لانشون او تركي مدخن او رومي مدخن +معلقه زيت زيتون
نقلب كل الكلام ده مع البيض واللبن والدقيق لو احتاج لبن نزود شويه. ونصبه في قوالب المب كيك وندخله الفرن هيطلعوا معاكي 4 وحدات تاكلي 2 بس لو جينا حسبناها هنلاقي سعراتها قليله وفي نفس الوقت كلنا اكل الناس العاديين مش الناس العيانين💪💪💪
طبعا لو عايزاه حلو هنشيل الجبنه والزيتون والرومي واللنشون والملح والفلفل ونحط كيس سكر دايت او 2 وفانيليا وممكن معلفه شيكولاته شيبس دااااارك ودي هتتوزع عالاربع قطع كب كيك وتديله طعم💪💪💪

#احنا_ادها
#اكل_ناس_عاديين_مش_اكل_ناس_عيانين

عن د/ أحمد منصور

19 تعليق

  1. سندس أحمد

    يا دكتور وصفات جميله اوي والله بس انا مش عارفة أعمل ريجيم خالص ومفيش أراده خالص وكل أسبوع أقول هبدا من الأول ورجع تانى انيل من الأول ساعدني يا دكتور لأن أنا حالتى النفسيه صفر وجوزى عمال يعيب عليه وأنا قولتلو ودينى أتابع مع دكتورة مرديش أنا دلوقتي ماليش غيرك بعد ربنا

    • انا نفس الوضع 😢مساعدتك يادكتور لو سمحت

      • غير معروف

        ياجماعة الدكتور مفيش ف ايده حاجة يعملها أكتر من كدة هو بينزل أنظمة وبيتابع معانا وبيوفر علينا فلوس الدكاترة برة لازم يكون احنا عندنا ارادة انا بقول الكلام دة لانى كنت زيكم ابدا وألغبط لحد ماانتظمت بشكل كبير مع دايت كلينيك بس للاسف الدنيا باظت منى ف رمضان وان شاء الله هشحن العزيمة وابدا من جديد

    • انا بدأت معاكم في أواخر شهر آبريل وكنت ٩٢.٥ وكنت خايفة جدا لاني عمري ما صلت للوزن دا وقبلت التحدي وبقيت دلوقتي ٨١.٥ بس ملخبطة من بعد العيد مش يأكل غير مرة في اليوم ومش ملتزمة بالدايت خايفة وزني يثبت علي كدا أو ارجع ازيد

  2. جميل جدا ربنا يباركلك

  3. تسلم ايدك

  4. أميمة موسى

    أنا عندى ٥٥سنة وعندى ضغط دم مرتفع بس الحمد لله مع العلاج ضغطى مظبوط ووزنى ٧٥ وطولى ١٦٠نفسى أخس مش عارفه الأنظمة دى تناسب مرضى الضغط والا إيه جزاكم الله خيرا

  5. حنان المغرب

    شكرا دكتور بص عندي مشكلة بكتب لحضرتك من7 شهور وعمرك مرضيت عليا

  6. ربنا يكرمك يادكتور ويدك على ادا اعمالك

  7. غير معروف

    السلام عليكم انا اول مرة اشارك ولسه جديدة طازة فى موضوع الرجيم وقررت اخس معاكم ان شاء الله أبدأ من النهاردة على نظامهم ولا ليا نظام جديد

  8. عبير الشام

    الله يسلم ايديك دايما معذبينك معنا
    الهي يسعدك بحياتك يادكتور

  9. جيتا الجيلاني

    تعبت وانا اكتب للدكتور منصور اساله ومشكلتي بعد، عملياتي وماردش عليا يرد، للجميع، للا، ليا زعلت اوي لان كان املي بالله وفي الدكتور

  10. تسلم ايدك 😍

  11. تسلم ايديك يا قمر. وشكرا يا دكتور علي الموضوع المهم ده كده نقدر ننوع في الاكل

  12. ندي محمد

    ربنا يجازيك كل خير يادكتور

  13. السلام عليكم كيفك دكتور انا من سوريا..
    في اول وصفة للبيض كيف رح نتناول البيض من غير خبز. ؟
    وهل ينفع الخبز الأسمر ولا من غير خبز خالص

  14. جميل جدااا ربنا يباركلك

  15. ايمان محمود

    دكتور انا وزني ٦٩ طولي ١٦٢ عايزة اخس ١٠ كيلو المفروض اعمل رياضة قد ايه في اليوم وانسب وقت لممارسة الرياضة

اترك رداً على أميمة موسى إلغاء الرد

لن يتم نشر عنوان بريدك الإلكتروني.